अभ्यास खेलमा अमेरिका पराजित

बलरहरु चम्किएपछि नेपाल प्रेसिडेन्ट ११ ले आईसीसी क्रिकेट वर्ल्ड कप लिग टू अघिको अभ्यास म्याचमा अमेरिकी टोलीलाई ३७ रनले पराजित गरेको छ । मुलपानी क्रिकेट मैदानमा भएको लो स्कोरिङ म्याचमा नेपाली बलरहरु शेर मल्ल र सागर ढकाल चम्किए । शेरले ४ र सागरले ३ विकेट लिए ।

यसअघि पहिलो ब्याटिङ्ग गरेको नेपालले कप्तान सुवास खकुरलेको हाफ सेन्चुरीको मद्दतमा ३३ दशमलव पाँच ओभरमा अल आउट हुँदै १ सय ११ रन बनाएको थियो । १ सय १२ रनको लक्ष्य पच्छ्याएको अमेरिका ३३ दशमलव दुई ओभरमा ७४ रनमै सअलआउट भएपछि नेपालले ३७ रनको जित हात पारेको हो ।अमेरिकाका स्टेभन टेलरले २८ र तिमिल पटेलले २० रन जोडे । अन्य ब्याट्स्म्यानले दोहोरो अंक जोड्न सकेनन् । नेपालका शेरले ७ दशमलव २ ओभरमा १३ रन खर्चंदै चार विकेट लिए । सागरले ८ ओभरमा १३ रन दिएर तीन विकेट लिए ।

यसअघि सुवासले नटआउट ५२ रन बनाएपछि लो स्कोरिङ म्याचमा नेपालले न्यून योगफल तयार गरेको छ । सुवासको इनिङ्समा ४ चौका सामेल थियो । उनले पवन शर्राफसँग तेश्रो विकेटका लागि ४५ रनको साझेदारी गरेका थिए । पवनले १९ रन जोडे ।

अमेरिका तिमिल पटेलले ५ तथा एल्मोर हचिन्सन र करिमा गोरेले २–२ विकेट लिए । लिग टू अन्तर्गत अमेरिकाले पहिलो खेलमा बिहीबार ओमानसँग खेल्नेछ । नेपालले लिग टू को पहिलो म्याचमा भोलि कीर्तिपुरस्थित त्रिवि मैदानमा ओमानसँग प्रतिस्पर्धा गर्दैछ ।

( Photo  – Dreamcricket.com )