आईपीएल अक्सनमा कमिन्स इतिहासकै महँगो विदेशी खेलाडी



प्याट कमिन्स इन्डियन प्रिमियर लिग ( आइपिएल ) इतिहासकै सबैभन्दा महँगोमा बिक्रि हुने भारत बाहिरको खेलाडी भएका छन्।

आइपीएलको १३ औं संस्करणको लागि सम्पन्न पहिलो सेसनको अक्सनमा अस्ट्रेलियन तिब्र गति बलर कमिन्सलाई कोलकाता नाइट राइडर्सले १५.५ करोड भारतीय रुपैयाँमा ( २४ करोड, ७७ लाख नेपाली रुपैयाँ ) खरिद गरेको हो।

आइपीएलमा यस अघि सबैभन्दा धेरै मूल्यमा बिक्ने खेलाडी इंग्ल्यान्डका बेन स्टोक्स थिए जसलाई २०१७ मा राइजिंग पुने सुपरजायन्टले लिएको थियो। स्टोक्सलाई कमिन्स भन्दा १ करोड कम १४ करोड ५० लाख भारुमा बिक्रि भएका थिए।

आइपीएल अक्सनमा सर्वाधिक मूल्य पाउने खेलाडी युभराज सिंहलाई पछि पार्न कमिन्स ५० लाख भारुले चुके। युभराजलाई सन् २०१५ को अक्सनमा दिल्लीले १६ करोड खर्चेको थियो।

को हुन् कमिन्स 

दायाँ हाते तिब्र गति बलर कमिन्स ले अस्ट्रेलियाको लागि २०११ अक्टोबरमा दक्षिण अफ्रीकासंग टि-२० अन्तर्राष्ट्रियमा डेब्यु गरेका थिए। हालसम्म उनले अस्ट्रेलियाको लागि २८ टेस्ट, ५८ एकदिवसीय र २५ टि -२० अन्तर्राष्ट्रिय खेलेका छन्।

कमिन्स हाल टेस्टमा विश्वकै नम्बर-१ बलर हुन्। उनि टि-२० अन्तर्राष्ट्रिय वरियतामा भने २३ औं नम्बरमा रहेका छन्।

यस अघि पनि आइपिएलमा कोलकाताबाट खेलीसकेका कमिन्सले २०१४ र २०१५ को सिजनमा मात्र ४ खेल खेलेका थिए। २०१७ मा उनि दिल्लीको लागि खेलेका थिए जुन उनको अन्तिम आइपीएल थियो।

कुल १६ आइपीएल खेल खेल्दा कमिन्सले १७ विकेट लिएका छन् जसमा उनले ८.२९ प्रतिओभर रन खर्चेका छन्।

टि-२० अन्तर्राष्ट्रिय क्रिकेटमा २६ वर्षीय कमिन्सको इकोनोमि मात्र ६.७८ रहेको छ। २५ टि-२० अन्तर्राष्ट्रियमा कमिन्सले कुल ३२ विकेट लिएका छन्। टेस्ट क्रिकेटमा उनले २८ खेलमा १३४ विकेट र एकदिवसीयमा ५८ खेलमा ९६ विकेट लिएका छन्।

आइपीएल अक्सनमा महँगोमा बिक्रि हुने खेलाडीहरु 

ग्लेन म्याक्सवेल ( १०.७५ भारु ), शेलडन कटरेल ( ८.५० करोड भारु ) , शिमरन हेटमायर ( ७.७५ करोड ),  पियुश चावला ( ६.७५ करोड भारु ) ,  ओएन मोर्गन ( ५.२५ करोड भारु ) , क्रिस मोरिस ( १० करोड भारु ) , नाथन कौलटर नाइल ( ८ करोड भारु ) , भरुण चक्रभर्थी ( ४ करोड भारु ) , रोबिन उथप्पा ( ३ करोड भारु ) यशस्वी जैसवाल ( २.४ करोड भारु ) , मिचेल मार्श ( २ करोड  भारु) , जोश हेजलवुड ( २ करोड भारु ), रभी बिश्नोइ ( २ करोड भारु )





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]