आर्मी एमएम कपको फाइनलमा



प्रदेश नम्बर ३ लाई ६४ रनले पराजित गर्दै डिफेन्डिङ च्याम्पियन त्रिभुवन आर्मी क्लब सुनसरीको इनरुवामा जारि मनमोहन मेमोरियल एकदिवसीय राष्ट्रिय प्रतियोगिताको फाइनल प्रवेश गरेको छ।

बुधबार सम्पन्न सेमीफाइनलमा आर्मीले दिएको २ सय १७ रनको लक्ष्य पछ्याउने क्रममा प्रदेश नम्बर ३ ले ३८.१ ओभरमा सम्पूर्ण विकेट गुमाएर १५२ रन मात्र बनाउन सक्यो। स्कोरकार्ड 

लक्ष्य पछ्याउने क्रममा प्रदेश-३ ले निकै कमजोर सुरुवात गरेको थियो जुन क्रममा पहिलो ७ विकेट ७३ रन जोड्दा १९.१ ओभरमै गुमाउन पुगेको थियो। ओपनर रित गौतम खाता नखोली नखोली आउट भए भने कप्तान सुबास खकुरेल १५, इशान पाण्डे १७, जितेन्द्र सिंह ठकुरी २ , अभिषेक बस्नेत ५ तथा आदील खान ६ रन बनाएर आउट भए।

Sushan Bhari

आठौँ विकेटको लागि सोनु तामांग र रामनरेश गिरिले ४८ रनको साझेदारी गरे। गिरि ४ रन बनाएर आउट भएपछि सोनु तामांगले नन्दन यादब र गौतम केसीसंग साझेदारी गर्दै जितको आशा दिलाए। यस क्रममा सोनुले आफ्नो अर्धशतक पनि पुरा गरे।

७४ रन बनाएका सोनु ३८ औं ओभरमा कुशल मल्लबाट क्याच आउट भए जस अघि उनले ७५ बलमा ६ छक्का र ४ चौका प्रहार गरे।

Sonu Tamang

प्रदेश ३ को बलिंगमा देब्रे हाते स्पिनर सुशन भारिले सर्वाधिक ३ विकेट लिए। भारिले ८.१ ओभरमा ३ मेडन ओभर गर्दै २३ रन खर्चिए। अर्का देब्रे हाते स्पिनर शाहब आलमले २ विकेट तथा बिक्रम सोब, हरि बहादुर चौहान , हरि कृष्ण झा र कुशल मल्लले समान १ विकेट लिए।

Anil Mandal

यस अघि टस जितेर ब्याटिंग रोजेको आर्मीले निर्धारित ४७ ओभरमा सबै विकेट गुमाएर २१६ रन बनाएको छ। ढिला सुरु भएका कारण खेल ४७ ओभरमा झारिएको थियो।

आर्मीको लागि ओपनिंग ब्याट्सम्यान अनिल मण्डलले सर्वाधिक ४३ रन बनाए जुन क्रममा ७३ बलमा ३ चौका प्रहार गरे। यस्तै कुशल मल्लले २६ बलमा ४ चौका र २ छक्का मदतले ३७ रन बनाए। रोहित पौडेलले २९, बिक्रम सोबले २४, राजेश पुलामीले १७ तथा भिम शार्कीले १५ रन बनाए।

Gautam KC

प्रदेश-३ को बलिंगमा तिब्र गति बलर गौतम केसीले ४ विकेट लिए जुन क्रममा ७.३ ओभर बलिंग गदै २२ रन खर्चिए। तिलक राज भण्डारी, नन्दन यादब र इशान पाण्डेले समान २ विकेट लिए।





थप समाचार

पुरनको आक्रामक अर्धशतक बाबजुद वेस्टइन्डिज पराजित, पाकिस्तानलाई अग्रता

दोश्रो खेलमा घरेलु टोलि वेस्टइन्डिजलाई ७ रनले पराजित गर्दै पाकिस्तानले ४ खेलको टि-२० अन्तर्राष्ट्रियको सिरिजमा १-० को अग्रता लिएको छ। […]

होल्डरको घातक बलिंग, राम्रो सुरुवातका बाबजुद पाकिस्तानको मध्यम योगफल

पाकिस्तानको वेस्टइन्डिज भ्रमण अन्तर्गत ४ खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न पाकिस्तानले वेस्टइन्डिजलाई १५८ रनको लक्ष्य प्रस्तुत गरेको […]

द हन्ड्रेड : क्लार्क चम्किंदा म्यानचेस्टरको जित

वेल्स फायरलाई ७ विकेटले पराजित गर्दै म्यानचेस्टर ओरिजिनलले इंग्ल्यान्डमा जारी द हन्ड्रेड लिग अन्तर्गत दोश्रो जित दर्ता गरेको छ। कार्डिफ […]

अन्तर्राष्ट्रिय क्रिकेटबाट उडानाको सन्यास

श्रीलंकन क्रिकेटर इसुरु उडानाले अन्तर्राष्ट्रिय क्रिकेटबाट सन्यास घोषणा गरेका छन्। उडाना भारत बिरुद्ध भर्खरै सम्पन्न एकदिवसीय र टि-२० सिरिजमा टिमको […]

बेन स्टोक्सले क्रिकेटबाट लिए ब्रेक

इंग्ल्यान्ड क्रिकेट टिमका स्टार अलराउण्डर बेन स्टोक्सले अचानक  सबै किसिमको क्रिकेटबाट ब्रेक लिने निर्णय लिएका छन्। ३० वर्षीय अलराउण्डरले तत्काल […]

‘द हन्ड्रेड’ भिन्सको कप्तानी इनिंग्समा ब्रेभको पहिलो जित

रोमान्चक खेलमा मोईन अलि कप्तानीको बर्मिङगम फोनिक्सलाई ४ विकेटले पराजित गर्दै जेम्स भिन्स कप्तानीको साउदर्न ब्रेभले ‘द हन्ड्रेड’ लिगमा पहिलो […]