इमर्जिङ्ग टिम्स एसिया कप : बलियो भारतसंग नेपालको पहिलो खेल ( सम्पूर्ण जानकारी )



बुधबार देखि बंगलादेशमा सुरु हुने इसिसी इमर्जिङ्ग टिम्स एसिया कप प्रतियोगिता अन्तर्गत नेपालले आफ्नो पहिलो खेलमा भारतसंग प्रतिस्पर्धा गर्दैछ। खेल नेपाली समय विहान ८:४५ बजे सुरु हुने बताईएको छ।

प्रतियोगितामा आयोजक बंगलादेश र नेपाल सहित भारत, पाकिस्तान, श्रीलंका, अफगानिस्तान, हंगकंग र ओमान गरि ८ टोलि सहभागी रहेका छन्। सबै टिमले अन्तिम-११ मा ८ जना २३ वर्ष मुनिको तथा ३ जना २३ वर्ष माथिको खेलाडी खेलाउनु पर्नेछ।

नेपाल रहेको समुह ‘बि’ मा भारत, हंगकंग र बंगलादेश रहेका छन्। यस्तै समुह ‘ए’ मा श्रीलंका, ओमान, पाकिस्तान र अफगानिस्तान रहेका छन्। समुह चरणको खेलपछि दुवै समुहबाट उत्कृस्ट-२ टिमले सेमीफाइनलमा स्थान बनाउनेछन्।

नेपालले प्रतियोगिताको पहिलो खेलमा नोभेम्बर १४ मा टेस्ट राष्ट्र भारतको सामना गर्दैछ। यस्तै त्यसपछि दोश्रो खेल नोभेम्बर १६ मा हंगकंगसंग तथा तेश्रो खेल नोभेम्बर १८ मा बंगलादेशसंग खेल्नेछ।

प्रतियोगितामा १५ सदस्यीय टोलि मध्ये ११ जना खेलाडीहरु २३ वर्ष मुनिको हुनु पर्ने हुनाले नेपालले अधिकांश युवा खेलाडीहरुलाई टिममा स्थान दिएको छ। पारस खड्का र सन्दिप लामिछाने टि-१० लिग खेल्न युएई पुगेकाले पनि अन्य खेलाडीले मौका पाएका छन्।

नेपाली टिम :- ज्ञानेन्द्र मल्ल ( कप्तान ) , दिपेन्द्र ऐरि ( उपकप्तान ) , सोमपाल कामि, करन केसी, बिनोद भण्डारी, रोहित पौडेल, ललित राजबंशी, पवन सर्राफ, सन्दिप जोरा, सुशन भारि, इशान पाण्डे, आरिफ शेख, अविनाश बोहरा , कुशल मल्ल

बलियो भारतीय टिम 

भारतीय टिम :- विनायक गुप्ता, आर्यन जुयल, बि.आर. शरथ, चिन्मय सुतर, यश राथोड़, अरमान जाफर, संभिर सिंह, कमलेश नगरकोटी, ऋतिक शोकिन, एसए देसाइ, अर्शदिप सिंह, एस.आर. दुबे, कुमार सुरज, पी रेखाडे, कुलदिप यादभ

नेपालले पहिलो खेलमा बलियो प्रतिद्वन्दी भारतको सामना गर्दैछ। प्रतियोगिताको लागि घोषित भारतीय टिममा भारतीय यु-१९ टिमको लागि यस अघि खेलीसकेका तथा आईपीएल खेलीसकेका खेलाडीहरु रहेका छन्।

पछिल्लो सिजन आईपीएलमा खेलेका तिब्र गति बलर कमलेश नगरकोटी, किंग्स-११ पन्जाबको प्रतिनिधित्व गरेका अर्शदिप सिंह र अरमान जाफर टिममा रहेका छन्।

गत वर्ष २०१८ मा पाकिस्तान र श्रीलंकामा आयोजना गरिएको इमर्जिङ्ग टिम्स कपमा नेपालले सहभागिताको मौका पाएको थिएन। टेस्ट राष्ट्र बाहेक हंगकंग, युएई र ओमानले उक्त प्रतियोगिता खेलेका थिए।

२०१७ मा नेपालले बंगलादेशमा प्रतियोगिता आयोजना हुँदा अन्तिम पटक प्रतियोगितामा सहभागिता जनाएको थियो जुन बेला नेपाल समुह चरणबाट बाहिरिएको थियो। नेपाल पाकिस्तानसंग ६ विकेटले तथा बंगलादेशसंग ८३ रनले पराजित भएको थियो भने हंगकंगलाई ७ विकेटले पराजित गरेको थियो।





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]