इमर्जिङ्ग टिम्स कप खेल्न नेपाली टिम बंगलादेश प्रस्थान, ३ चरणमा खेलाडीहरु जाँदै



बंगालदेशमा नोभेम्बर १४ देखि २३ सम्म ( कार्तिक २८ देखि मङ्सिर ७ ) सम्म आयोजना हुने एसीसी इमर्जिङ्ग टिम्स कप प्रतियोगितामा सहभागी हुन नेपाली टोलि सोमबार बंगलादेश प्रस्थान गरेको छ।

२० सदस्यीय नेपाली टिम एकै पटक बंगलादेश प्रस्थान गर्ने तय भएता पनि अन्तिम समयमा टिकट रद्द भएपछि सोमबार मात्र ९ सदस्यीय टोलि बंगलादेशतर्फ प्रस्थान गरेको छ।

सोमबार जाने टोलिमा आरिफ शेख, बिनोद भण्डारी, दिपेन्द्र ऐरि, ललित राजबंशी, करन केसी, पवन सर्राफ, सोमपाल कामि, बिनोद भण्डारी र भिडियो एनालिस्ट रमन शिवाकोटी रहेका छन्। अब भोलि मंगलबार ५ जना र बुधबार ६ जनाको टिम बंगलादेश पुग्नेछ।

मंगलबार टिमका मुख्य प्रशिक्षक उमेश पटवाल, सहायक प्रशिक्षक दिपेन्द्र प्रताप सिंह सहित कप्तान ज्ञानेन्द्र मल्ल, शरद भेसावकर र फिजियो विक्रम न्यौपाने प्रस्थान गर्नेछन्। बुधबार टिम व्यवस्थापक प्रशान्त विक्रम मल्ल सहित रोहित पौडेल, अभिनाश बोहरा, सुशन भारि, कुशल भुर्तेल, सन्दिप जोरा प्रस्थान गर्नेछन्।

नेपालको खेल तालिका 

नेपालले प्रतियोगिताको पहिलो खेलमा नोभेम्बर १४ मा टेस्ट राष्ट्र भारतको सामना गर्दैछ। यस्तै त्यसपछि दोश्रो खेल नोभेम्बर १६ मा हंगकंगसंग तथा तेश्रो खेल नोभेम्बर १८ मा बंगलादेशसंग खेल्नेछ।

नेपालको समुह ‘बि’ मा भारत, हंगकंग र बंगलादेश रहेका छन्। यस्तै समुह ‘ए’ मा श्रीलंका, ओमान, पाकिस्तान र अफगानिस्तान रहेका छन्। समुह चरणको खेलपछि दुवै समुहबाट उत्कृस्ट-२ टिमले सेमीफाइनलमा स्थान बनाउनेछन्।

प्रतियोगितामा नेपाल सहित टेस्ट राष्ट्र भारत, श्रीलंका, पाकिस्तान, अफगानिस्तान, बंगलादेश सहित ओमान र हंगकंग गरि कुल ८ टिम सहभागी हुनेछन्। टिमहरुमा ११ जना खेलाडी २३ वर्ष मुनि र अन्य ४ जना खेलाडी २३ वर्ष माथिको रहनेछन्।

नेपाली टिम :- ज्ञानेन्द्र मल्ल ( कप्तान ) , दिपेन्द्र ऐरि ( उपकप्तान ) , सोमपाल कामि, करन केसी, बिनोद भण्डारी, रोहित पौडेल, ललित राजबंशी, पवन सर्राफ, सन्दिप जोरा, सुशन भारि, इशान पाण्डे, आरिफ शेख, अविनाश बोहरा , कुशल मल्ल

गत वर्ष २०१८ मा पाकिस्तान र श्रीलंकामा आयोजना गरिएको इमर्जिङ्ग टिम्स कपमा नेपालले सहभागिताको मौका पाएको थिएन। टेस्ट राष्ट्र बाहेक हंगकंग, युएई र ओमानले उक्त प्रतियोगिता खेलेका थिए।

२०१७ मा नेपालले बंगलादेशमा प्रतियोगिता आयोजना हुँदा अन्तिम पटक प्रतियोगितामा सहभागिता जनाएको थियो जुन बेला नेपाल समुह चरणबाट बाहिरिएको थियो। नेपाल पाकिस्तानसंग ६ विकेटले तथा बंगलादेशसंग ८३ रनले पराजित भएको थियो भने हंगकंगलाई ७ विकेटले पराजित गरेको थियो। उक्त प्रतियोगितामा नेपालको कप्तानी ज्ञानेन्द्र मल्लले गरेका थिए।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]