उपाधि लक्ष्य सहित यु-१९ टिम भारत प्रस्थान , यस्तो छ खेल तालिका



भारतमा नोभेम्बर ११ देखि सुरु हुने अन्डर-१९ च्यालेन्जर्स सिरिजमा सहभागी हुन नेपाल अन्डर १९ ( ए ) टिमको शुक्रबार विदाई गरिएको छ।

रित गौतम कप्तानीको टिमलाई नेपाल क्रिकेट संघ क्यानले टिम बसेको नक्साल स्थित होटल क्राउन प्लाजाबाट विदाई गरेको हो। क्यान महासचिव अशोकनाथ प्याकुरेलले टोलिलाई विदाई गर्नु भएको थियो। टिम विहान १० बजे भारततर्फ प्रस्थान गर्यो।

भारतको हैदराबादमा खेलिने प्रतियोगितामा भारतीय अन्डर-१९ टिमको भारत निलो, भारत रातो र भारत पहेंलो गरि तिन टिमहरुसंग खेल्नेछ।

नेपालले आफ्नो पहिलो खेल नोभेम्बर ११ मा भारत पहेल्नोसंग खेल्नेछ। दोश्रो खेल नोभेम्बर १३ मा भारत रातोसंग तथा तेश्रो खेल भारत निलोसंग १५ नोभेम्बरमा खेलिनेछ। सबै ४ टिमले एक अर्का बिरुद्ध खेलीसकेपछि अंकतालिकामा उत्कृस्ट-२ टिमले फाइनल खेल्नेछ भने तेश्रो र चौथो टिमबीच तेश्रो स्थानको लागि खेल हुनेछ।

 

भारत प्रस्थान गर्नु अघि नेपाली टिमका कप्तान रित गौतमले आफ्नो टोलि बलियो र अनुभवी रहेको बताए। यस्तै उनले एमसीसीसंग अभ्यास खेलमा राम्रो प्रदर्शन गरे पछि टिमको मनोबल बढेको बताए।

नेपाली टिमको प्रशिक्षण नियमित यु-१९ टिम प्रशिक्षक बिनोद दासले गर्नेछन् भने व्यवस्थापकको रुपमा राजु खड्का रहेका छन्। नेपाल यु-१९ ए टिम भनिएता पनि टिममा नियमित यु-१९ टिमको लागि खेल्ने खेलाडीहरुको बाहुल्यता रहेको छ।

नेपाली यु-१९ ए टिम :- रित गौतम ( कप्तान ) , तृत राज दास, विशाल बिक्रम केसी, लोकेश बम, खडक बोहरा, हरि बहादुर चौहान, अभिषेक बस्नेत , अरुण ऐरि, कुशल मल्ल, विवेक यादव, सागर ढकाल, तिलकराज भण्डारी, शेर मल्ल, आकाश चन्द, प्रतिस जिसी, गौतम केसी।

यस अघि टिममा रहेका देब्रे हाते स्पिनर सुर्य तामांग औलांमा चोट लागेका कारण भारत जानेछैनन्। उनको सट्टा अर्का देब्रे हाते स्पिनर सागर ढकाल टिमसंग जानेछन्।

 





थप समाचार

करनलाई उछिन्दै सन्दिप बने नेपालको सर्वाधिक विकेटकर्ता

नेपालमा जारि त्रि-देशीय टि-ट्वान्टी सिरिजमा नेदरल्याण्डसंगको खेलमा ४ विकेट लिंदै नेपाली लेग स्पिनर सन्दिप लामिछाने टि-ट्वान्टी अन्तर्राष्ट्रिय क्रिकेटमा नेपालको सर्वाधिक […]

रुख चढेर खेल हेरे नेपाली दर्शकले, नेदरल्याण्ड खेलाडी बेन कुपरले गरे तारिफ

नेपालमा जारि तिन त्रि-देशीय टि-ट्वान्टी सिरिजमा सरकारी निर्णयका कारण दर्शकहरुलाई प्रवेश निषेध गरिएको छ। दर्शकहरुले टियु मैदान किर्तिपुरमा मैदानमा प्रवेश […]

स्लो ओभर रेटका कारण रोहितलाई १२ लाख भारु जरिवाना

आईपीएल टिम मुम्बई इन्डीयन्सका कप्तान रोहित शर्मालाई दिल्ली क्यापिटल्ससंग मंगलबार राति सम्पन्न खेलमा ‘स्लो ओभर रेट’ कायम गरेकाका कारण १२ […]

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]