एकदिवसीय वरियतामा नेपाललाई ओमानले उछिन्यो, हेर्नुस को कति नम्बरमा



अन्तर्राष्ट्रिय क्रिकेट परिषद – आईसीसीले बिहिबार ( २२ अगस्ट ) जारि गरेको नयाँ एकदिवसीय अन्तर्राष्ट्रिय वरियतामा ओमानले नेपाललाई उछिनेको छ।

नयाँ वरियता अनुसार ओमान १५ औं र नेपाल १६ औं स्थानमा रहेको छ। नेपाल यस अघि १५ औं स्थानमा रहेको थियो।

ओमानले भर्खरै स्कटल्याण्डमा आयोजित विश्वकप लिग-२ अन्तर्गत त्रिकोणात्मक सिरिजमा ४ खेल मध्ये ३ खेलमा जित र १ हार बेहोरेको गरेको थियो जुन क्रममा स्कटल्याण्डलाई एउटा खेलमा तथा पपुवा न्यु गिनीलाई २ वटा खेलमा पराजित गरेको थियो भने एक खेलमा स्कटल्याण्डसंग पराजित भएको थियो। स्कटल्याण्ड वरियतामा १४ औं स्थानमा रहेको छ जसले विश्वकप लिग-२ मा ४ खेलमा ३ जित र १ हार बेहोरेको थियो। स्कटल्याण्डले ओमानसंग एक खेलमा हार र एक खेलमा जित हासिल गर्यो भने पपुवा न्यु गिनीलाई दुवै खेलमा पराजित गरेको थियो।

नेपालले भने अन्तिम पटक एकदिवसीय अन्तर्राष्ट्रिय युएईसंग जनवरीमा खेलेको थियो। सो क्रममा युएईलाई नेपालले ३ वटा एकदिवसीयको सिरिजमा २-१ ले पराजित गरेको थियो। उक्त सिरिज पछि पहिलो पटक एकदिवसीय वरियतामा आएको नेपाल १५ औं स्थानमा रहेको थियो।

अब नेपालले विश्वकप लिग-२ अन्तर्गत फेब्रुवरिमा ओमान र अमेरिकासंग नेपालमा त्रिकोणात्मक सिरिज खेल्नेछ।

एकदिवसीय वरियता :- १. इंग्ल्याण्ड, २. भारत , ३. न्युजिल्याण्ड , ४. अस्ट्रेलिया , ५. दक्षिण अफ्रीका , ६. पाकिस्तान , ७. बंग्लादेश , ८. श्रीलंका , ९. वेस्टइन्डिज , १०. अफगानिस्तान , ११. आयरल्याण्ड , १२. जिम्बाबे , १३. नेदरल्याण्ड , १४. स्कटल्याण्ड , १५. ओमान , १६. नेपाल , १७. युएई , १८. पपुवा न्यु गिनी

खेलाडीहरुको वरियता :- एकदिवसीय वरियता अन्तर्गत ब्याटिंगतर्फ पारस खड्का १५० औं स्थानमा रहेका छन्। यस्तै सोम्पाल कामि १६६ औं र ज्ञानेन्द्र मल्ल २०० औं स्थानमा छन्। यस्तै बलिङ्गतर्फ सन्दिप लामिछाने १४० औं स्थानमा रहेका छन्। यस्तै पारस खड्का १६१ औं तथा सोमपाल कामि १६४ औं र करन केसी १९८ औं स्थानमा छन्। अलराउण्डर तर्फ पारस खड्का १३३ औं स्थानमा रहेका छन् भने सोमपाल आमी १४९ औं स्थानमा छन्।

टि-२० वरियतामा नेपाल 

नेपाल टि-२० वरियतामा ११ औं स्थानमा रहेको छ। अल-राउण्डरतर्फ कप्तान पारस खड्का २६ औं स्थानमा यथावत रहेका छन्। यो सुचीमा युएईका रोहन मुस्तफा १६ औं स्थानमा रहेका छन्।

टि-२० अन्तर्राष्ट्रिय वरियतामा ब्याटिंगतर्फ नेपाली खेलाडी मध्ये शिर्ष स्थानमा पारस खड्का ६६ औं स्थानमा रहंदा बलिंगतर्फ बसन्त रेग्मी शिर्ष ७१ औं स्थानमा रहेका छन्। सोमपाल कामि ब्याटिंगमा २१४ औं, बलिंगमा ७८ औं र अल-राउण्डरतर्फ ६७ औं स्थानमा रहेका छन्। पारस खड्काले गत महिना मलेसियासंग अविजित ८६ र त्यसपछि कुवेतसंग ६८ रन बनाएका थिए। बसन्त रेग्मीले टि-२० विश्वकप छनौट ( एसिया फाइनल) मा कुल ७ विकेट तथा मलेसियासंग १ खेलमा मौका पाउदा २ विकेट लिएका थिए।

Paras Khadka

ब्याटिंग वरियता :-  पारस खड्का – ६६ औं , शरद भेसावकर – १२५ औं , ज्ञानेन्द्र मल्ल – १३१ औं , सन्दिप जोरा १७० औं , सोमपाल कामि २१४ औं
बलिंग वरियता :- बसन्त रेग्मी – ७१ औं , सोमपाल कामि ७८ औं , करन केसी १४२ औं , पारस खड्का १५० औं , अविनाश बोहरा १६४ औं
अल-राउण्डर वरियता :- पारस खड्का – २६ औं , सोमपाल कामि ६७ औं , करन केसी १३७ औं , बसन्त रेग्मी १७७ औं





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]