एकेडेमी क्रिकेट लिग : ओसिस र पोखरा क्रिकेट एकेडेमी बिजयी



काठमाण्डौको मुलपानीमा संचालन भैरहेको एकेडेमी क्रिकेट लिग अन्तरगत सोमबार सम्पन्न खेलमा एन्जल स्पोटर्स क्रिकेट एकेडेमीलाई ओसिस क्रिकेट एकेडेमीले ६ विकेटले तथा रामारोशन क्रिकेट एकेडेमीलाई पोखरा क्रिकेट एकेडेमीले ९ विकेटले पराजित गरेको छ ।

सोमबार सम्पन्न पहिलो खेलमा ओससिले टस जितेर फिल्डिङ रोज्दै एन्जललाई ब्याटिङ निम्तो दिएको थियो । निर्धारित १४ ओभरमा एन्जलले ६ विकेट गुमाउदै ६२ रन बनाएको थियो । एन्जलका बिबेक राना मगरले ३२ बल खेल्दै २ छक्का र २ चौका को मद्दतले ३५ रन बनाउदा अन्य ब्याट्स म्यान ले दोहोरो अंक बनाउन सकेनन् ।

बलिङतर्फ ओससिका दिपेश कडेलले ३ ओभरमा १ मेडन राख्दै ३ रन खर्चिदै २ विकेट लिएका थिए भने स्वरुप श्रेष्ठले २ विकेट लिएका थिए।

जवाफी ब्याटिङमा उत्रेको ओससिले १२.५ ओभरमा ४ विकेट गुमाउदै ६३ रन बनाउदा खेल ६ बिकेटले विकेट भएको थियो । ओससिका ब्याट्स म्यान आशिष झाले २५ रन र दिपेश कडेलले २१ रन बनाएका थिए ।

बलिङतर्फ एन्जल अंकित न्यौपानेले २ बिकेट र सुनिल शाहीले १ वीकेट लिएका थिए । खेलमा म्यान अफ दि म्याच ओससिका दिपेश कडेल घोषित भएका थिए । उनलाई नगद रु १ हजार तथा ट्रफी प्रदान गरिएको थियो ।

दोस्रो खेल : ग्रेटर पोखरा बिजयी

सोमबारै सम्पन्न दोस्रो खेलमा टस जितेर पोखरा क्रिकेट एकेडेमी पोखराले फिल्डिङ रोज्दै रामारोशन क्रिकेट एकेडेमीलाई ब्याटिङको निम्तो दिदा ब्याटिङमा उत्रेको रामारोशनले १२.३ ओभर खेल्दै सम्पुर्ण विकेट गुमाएर ४० रन मा समेटिएको थियो ।

रामारोशनका ब्याट्सम्यान सुबास ऐरले १२ रन र बिबेक बिसीले १० रन बनाउदा अन्य ब्याट्सम्यानले दोहोरा अंक बनाउन नसक्दा टिम प्रतियोगिताकै हाल सम्मको न्युन स्कोरमा समेटिएको हो । बलिङतर्फ पोखराका सुबास भण्डारीले ३.३ ओभरमा ७ रन दिदै ४ विकेट लिए भने बिपीन खत्री र सुशिल गिरीले समान ३/३ वीकेट लिएका थिए ।

४१ रनको झिनो बिजयी लक्ष्यका साथ ब्याटिङमा उत्रेको पोखराका रमेश बस्नेतले २३ रन बनाउदा अर्जुन कुमालले ७ रन र बिपीन खत्रीले ५ रन बनाएका थिए ।

खेलमा म्यान अफ दि म्याच पोखराका सुबास भण्डारी घोषित भएका थिए । उनलाई नगद रु १ हजार तथा ट्रफी प्रदान गरिएको थियो ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]