एमएम कप : गण्डकी बिरुद्ध मलेसियाको विशाल जित



इनरुवामा जारि मनमोहन मेमोरियल एकदिवसीय राष्ट्रिय प्रतियोगिताको समुह चरणको खेलहरु सकिएका छन्।

सोमबार इनरुवा रंगशालामा सम्पन्न समुह ‘डी’ अन्तर्गतको अन्तिम खेलमा मलेसियाले गण्डकी प्रदेशलाई १९२ रनको विशाल अन्तरले पराजित गर्यो। जित हात परेता पनि मलेसिया सेमीफाइनल पुग्न भने असफल रह्यो। समुह ‘डी’ अन्तर्गत यस अघिनै दुइ खेलमा जितको साथ सुदुर पश्चिम प्रदेश सेमीफाइनल प्रवेश गरिसकेको छ। गण्डकी प्रदेशले भने दुवै खेलमा हार बेहोर्यो।

खेलमा मलेसियाले दिएको २९९ रनको लक्ष्य पछ्याउने क्रममा गण्डकी प्रदेशले २७.२ ओभरमा १०६ रनमै सम्पूर्ण विकेट गुमाउन पुग्यो। स्कोरकार्ड 

गण्डकीको लागि बिपिन खत्रीले सर्वाधिक ४२ रन, प्रभिन ढकालले अविजित १९ रन तथा बिधान श्रेष्ठले १० रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। मलेसियाको बलिंगमा सुहारिल फेटरिले सर्वाधिक ४ विकेट लिए भने अनवर रहमान र भिजय उन्नीले समान ३/३ विकेट लिए।

यस अघि टस जितेर ब्याटिंग रोजेको मलेसियाले निर्धारित ४७ ओभरमा ८ विकेट गुमाएर २९८ रनको योगफल तयार गरेको थियो।

मलेसियाको लागि ओपनर ऐनुल हकिमले सर्वाधिक ८९ रन बनाए जुन क्रममा १११ बलमा ११ चौका प्रहार गरे। यस्तै अर्का ओपनर भुषण सेभ र भिरनदिप सिंहले समान ५० रन बनाए। भुषणले ३४ बलमा ८ चौका र १ छक्का तथा भिरनदिपले ४५ बलमा ३ चौका र २ छक्का प्रहार गरे। यस्तै एहमद फैजले ३१, मोहम्मद अरिफले २०, मोहम्मद हफिजले १५ तथा नजरिल रहमानले १३ रन बनाए।

पहिलो विकेटको लागि भुषण र ऐनुलले ७८ रनको साझेदारी गरेका थिए। भुषणको विकेट पछि दोश्रो विकेटको लागि ऐनुल र कप्तान एहमद फैजले ७६ रनको साझेदारी गरे। फैजको विकेट पछि ऐनुलले भिरनदिप सिंहसंग ८० रनको साझेदारी गरेका थिए।

Ainool Haqqiem

गण्डकी प्रदेशको बलिंगमा देब्रे हाते स्पिनर बिपिन खत्रीले सर्वाधिक ३ विकेट लिए जुन क्रममा १० ओभरमा ५१ रन खर्चिए। चन्द्र कान्त पौडेलले २ तथा गोभिन्द प्रधानले १ विकेट लिए।

प्रतियोगिता अन्तर्गत यस अघि समुह ‘डी’ अन्तर्गतको खेलमा मलेसियालाई सुदुरपश्चिमले ८ विकेटले पराजित गरेको थियो। यस्तै सुदुरपश्चिमले गण्डकी प्रदेशलाई ९ विकेटले पराजित गर्दै सेमीफाइनलमा स्थान सुरक्षित गरेको थियो।

माघ १ गते हुने पहिलो सेमीफाइनलमा प्रदेश नम्बर ३ र त्रिभुवन आर्मी क्लबले तथा माघ २ गते हुने दोश्रो सेमीफाइनलमा नेपाल पुलिस क्लब र सुदुरपश्चिमले प्रतिस्पर्धा गर्नेछन्।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]