एमएम कप : प्रदेश-२ लाई पराजित गर्दै पुलिस सेमीफाइनलमा



नेपाल पुलिस क्लब सुनसरीको इनरुवामा जारि मनमोहन मेमोरियल एकदिवसीय राष्ट्रिय प्रतियोगिताको सेमीफाइनल पुग्ने तेश्रो टिम बनेको छ।

शुक्रबार सम्पन्न खेलमा प्रदेश नम्बर २ लाई ४६ रनले पराजित गर्दै पुलिस समुह ‘बि’ को विजेताको रुपमा सेमीफाइनल प्रवेश गरेको हो। यस अघिनै प्रदेश नम्बर ३ र त्रिभुवन आर्मी क्लब सेमीफाइनल प्रवेश गरिसकेका छन्।

शुक्रबार सम्पन्न खेलमा नेपाल पुलिस क्लबले दिएको १ सय ८४ रनको लक्ष्य पछ्याउने क्रममा प्रदेश नम्बर २ ले ४२.२ ओभरमा १ सय ३७ रनमै सम्पूर्ण विकेट गुमाउन पुग्यो।

लक्ष्य पछ्याउने क्रममा खराब सुरुवात गरेको प्रदेश-२ ले ७६ रन बनाउदा ९ विकेट गुमाईसकेको थियो। सुधिर चौधरी ४, हरिशंकर शाह १८, हसिम अन्सारी १०, सुरज पटेल १ रनमा आउट भए भने महबुब आलम र विवेक यादवले खाता खोल्न सकेनन्।

एक किनारमा लगातार विकेट गुमेता पनि छैठौं नम्बरमा ब्याटिंग गरेका बिशाल सुश्लिंगले एक किनार सम्हालेर ब्याटिंग गरे। दशौँ विकेटको लागि सुश्लिंगले कुमार थापासंग ६१ रनको साझेदारी गरे पनि टिम जित नजिक पुग्न सकेन।

Bishal Sushling

अन्तिम विकेटको रुपमा आउट हुनु अघि सुश्लिंगले ११२ बलमा ८ चौका र ५ छक्का प्रहार गर्दै ८० रन बनाए। २९ औं ओभरमा ९ विकेट गुमेपछि दशौँ विकेट खसाल्न पुलिसले ४३ औं ओभर कुर्न परेको थियो। पवन सर्राफले सुस्लिंगको विकेट लिए। कुमार थापाले अविजित ७ रन बनाए।

पुलिसको बलिंगमा दिपेन्द्र ऐरी र ललित भण्डारीले समान ३ विकेट लिए। पवन सर्राफले २ तथा सागर ढकाल र ललित राजबंशीले समान १ विकेट लिए।

कुमार थापाको ५ विकेट 

खेलमा टस जितेर प्रदेश-२ ले बलिंग रोजेपछि ब्याटिंग गरेको पुलिसले ४८.१ ओभरमा सबै विकेट गुमाएर १८३ रन बनाएको थियो।

पुलिसको लागि तेश्रो नम्बरमा ब्याटिंग गरेका दिपेन्द्र ऐरीले सर्वाधिक ५० रन बनाए। ऐरीले ६४ बलमा ५ चौका र २ छक्का प्रहार गरे। खाता नखोल्दै विवेक यादबको बलमा मिड अनमा हरिशंकर शाहले ऐरीको क्याच छुटाउन पुगेका थिए। ओपनर अमित श्रेष्ठले ३७, अनिल साहले १९ तथा राशिद खानले १६ रन बनाए।

Dipendra Airee

सुनिल धमला र अमित श्रेष्ठले पहिलो विकेटको लागि ३६ रन जोडेका थिए। १३ औं ओभरमा धमला रन आउट भएपछि पुलिसले निरन्तर अन्तरालमा विकेट गुमाएको थियो। अमित श्रेष्ठलाई विवेक यादबले १७ औं ओभरमा आउट गरेपछि लेग स्पिनर कुमार थापाले पुलिसको मध्यक्रमका ब्याट्सम्यानलाई क्रिजमा टिक्न दिएनन्।

एक समय १२२/६ को अवस्थामा पुगेको पुलिसलाई सातौँ विकेटको लागि दिपेन्द्र ऐरी र राशिद खानले ४७ रनको साझेदारी गर्दै उकासेका थिए। राशिदलाई कुमारले तथा ऐरीलाई राहुल प्रताप सिंहले आउट गरे।

Kumar Thapa

प्रदेश-२ को बलिंगमा लेग स्पिनर कुमार थापा एक्लैले ५ विकेट लिए। पुलिसको माथिल्लो क्रमको ब्याट्सम्यानहरु अनिल साह, पवन सर्राफ, क्कुशल भुर्तेल, मन्जित श्रेष्ठ तथा राशिद खानको विकेट लिएका थापाले १० ओभरमा ३ ओभर मेडन गर्दै ३२ रन खर्चिए। राहुल प्रताप सिंह र विवेक यादवले २/२ विकेट लिए।

खेलको प्लेयर अफ द म्याच पुलिसका दिपेन्द्र ऐरी चुनिए।

प्रतियोगिता अन्तर्गत समुह ‘डी’ को खेलहरु शनिवार सुरु हुनेछ। शनिवार मलेसिया राष्ट्रिय क्रिकेट टिम र सुदुर पश्चिम प्रदेश बीच खेल हुनेछ।

 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]