एमएम कप : सुमित, सुर्य र बसन्त चम्किदा एपीएफद्वारा इनरुवा पराजित



सुनसरीको इनरुवामा जारि मनमोहन मेमोरियल राष्ट्रिय एकदिवसीय प्रतियोगिता अन्तर्गत समुह ‘ए’ को दोश्रो खेलमा विभागीय टोलि शशस्त्र प्रहरी बल ( एपीएफ ) ले स्थानीय टिम मनमोहन मेमोरियल क्रिकेट सेन्टर इनरुवालाई ८३ रनले पराजित गरेको छ।

जितको बाबजुद पनि एपीएफको सेमीफाइनल सम्भावना कमजोर रहेको छ। मंगलबार हुने खेलमा त्रिभुवन आर्मी क्लबलाई इनरुवाले पराजित गरेमा एपीएफ र आर्मी मध्ये नेट रन रेटमा अघि हुने टिम सेमीफाइनल प्रवेश गर्नेछ।

इनरुवा क्रिकेट मैदानमा सम्पन्न खेलमा एपीएफले दिएको २०५ रनको लक्ष्य पछ्याउने क्रममा इनरुवाले ३६.२ ओभरमा १२१ रन मात्र बनाउन सक्यो।

इनरुवाको ब्याटिंगमा रभी रोयले सर्वाधिक २६, रुपेश श्रीवास्तवले २३ तथा विवेक मेहताले १५ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

Surya Tamang

एपीएफको बलिंगमा देब्रे हाते स्पिनर सुर्य तामांगले सर्वाधिक ४ विकेट लिए जुन क्रममा ८.२ ओभरमा २ मेडन ओभर गर्दै २५ रन खर्चिए। यस्तै कप्तान बसन्त रेग्मीले ३ विकेट लिन ७ ओभरमा १ मेडन गर्दै मात्र १० रन खर्चिए। यज्ञमान कुमालले २ तथा अमर सिंह रौटेलाले १ विकेट लिए।

यस अघि टस जितेर ब्याटिंग गरेको एपीएफले ४३.४ ओभरमा सबै विकेट गुमाएर २०४ रन बनाएको थियो।

पहिलो ओभरमै ओपनर प्रज्वल शाहीलाई सोनु मण्डल ले खाता नखोल्दै क्याच आउट गराएपछि एपीएफले निरन्तर अन्तरालमा विकेट गुमाएको थियो। प्रदिप ऐरी १९ रन, शंकर राना ३६ रन, पृथु बास्कोटा ५ रन, सन्दिप जोरा र बसन्त रेग्मी समान १२ रन बनाएर आउट भए।

अर्को किनारमा विकेट गुमेता पनि चौथो नम्बरमा ब्याटिंग गरेका सुमित महर्जनले एक किनार सम्हालीरहे। १३२ रनमा ६ विकेट गुमेको अवस्थामा सुमितले अमर सिंह रौटेलाले सातौँ विकेटको लागि ४५ रनको साझेदारी गरे। रौटेला ३८ औं ओभरमा ९ रन बनाएर आउट भए। लगत्तै इर्शाद एहमद ३ रन बनाएर आउट भए।

शतक प्रयास गरेका सुमित ४२ औं ओभरमा अल्फाज मन्सुरीको बलमा क्याच आउट भए। उनले १०७ बलमा ७ चौका मदतले ८३ रन बनाए।

Sumit Maharjan

इनरुवाको बलिंगमा अफ स्पिनर सरोज बस्नेतले सर्वाधिक ४ विकेट लिए। उनले ९ ओभरमा १ मेडन ओभर गर्दै ३९ रन खर्चिए। यस्तै भुपाल लुइँटेल ( ८-०-३३-२ ), सोनु मण्डल ( ७.४-०-३३-२ ) र अल्फाज मन्सुरी ( ५-०-१८-२ ) ले समान २/२ विकेट लिए।

एपीएफले पहिलो खेलमा त्रिभुवन आर्मी क्लबसंग १०८ रनको हार बेहोरेको थियो।

प्रतियोगिता अन्तर्गत समुह ‘सी’ बाट प्रदेश नम्बर-३ सेमीफाइनल प्रवेश गरिसकेको छ।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]