एमएम कप : हासिम र मेहबुब चम्किदा कर्णाली बिरुद्ध प्रदेश-२ को सहज जित



सुनसरीको इनरुवामा जारि मनमोहन मेमोरियल एकदिवसीय राष्ट्रिय प्रतियोगिता अन्तर्गत समुह ‘बि’ को दोश्रो खेलमा कर्णाली प्रदेशलाई प्रदेश नम्बर २ ले ८ विकेटले पराजित गरेको छ। हारपछि कर्णाली प्रदेश प्रतियोगिताबाट बाहिरिएको छ।

अब शुक्रबार हुने प्रदेश नम्बर २ र नेपाल पुलिस बीचको खेलमा विजेता हुने टिमले सेमीफाइनलमा स्थान पक्का गर्नेछ। पुलिसले पहिलो खेलमा कर्णाली प्रदेशलाई पराजित गरेको थियो। प्रतियोगिता अन्तर्गत समुह ‘सी’ बाट प्रदेश नम्बर ३ तथा समुह ‘ए’ बाट त्रिभुवन आर्मी क्लब सेमीफाइनल प्रवेश गरिसकेका छन्।

पहिले ब्याटिंग गर्दै कर्णालीले दिएको १३० रनको लक्ष्य प्रदेश नम्बर २ ले मात्र दुइ विकेट गुमाएर २२.५ ओभरमा पुरा गर्यो। स्कोरकार्ड 

प्रदेश-२ को लागि हसिम अन्सारीले अविजित ८० रन तथा सुरज पटेलले अविजित ३३ रन बनाए। ओपनर सुधारी चौधरी २ रन तथा हरिशंकर शाह ५ रन बनाएर आउट भएपछि तेश्रो विकेटको लागि हसिम र सुरजले ११८ रनको साझेदारी गर्दै टिमलाई जितसम्म पुर्याएका थिए। हसिमले ७३ बलमा ११ चौका र १ छक्का तथा सुरजले ५० बलमा १ चौका र १ छक्का प्रहार गरे।

Hasim Ansari

कर्णालीको लागि अनुज चुनारा र दिनेश अधिकारीले समान १/१ विकेट लिए।

यस अघि टस जितेर ब्याटिंग गरेको कर्णालीले ३१.५ ओभरमा सबै विकेट गुमाएर १२९ रन बनाएको थियो।

राम्रो सुरुवात गरेको कर्णालीको लागि पहिलो विकेटको रुपमा कप्तान रबिन्द्र जंग शाही र बिपिन रावलले ४१ रनको ओपनिंग साझेदारी गरेका थिए। आठौँ ओभरमा अफ स्पिनर हरि शंकर शाहले १० रन बनाएका रावललाई पेभेलियन फर्काएपछि कर्णालीले लगातार विकेट गुमाएको थियो।  मध्यक्रममा विजय बिस्ट, १, टेक सलामी ५, प्रकाश जैसी १५ तथा दिनेश अधिकारी ३ रन बनाएर आउट भए।

Rabindra Jung Shahi

२० औं ओभरमा रबिन्द्रलाई लेग स्पिनर कुमार थापाले क्याच आउट गराए। अर्धशतक बनाउन चुकेका रबिन्द्रले ६८ बलमा ६ चौका र १ छक्का मदतले ४६ रन बनाए।

दिवान पुनले २३ रन बनाएता पनि तल्लो क्रमका ब्याट्सम्यानहरुले खास योगदान दिन नसक्दा कर्णाली ३२ औं ओभरमा १२९ रनमै समेटिन पुग्यो।

Mehboob Alam

प्रदेश-२ को बलिंगमा कप्तान मेहबुब आलमले सर्वधिक ३ विकेट लिए। देब्रे हाते स्पिन गरेका आलमले ४.५ ओभरमा १ मेडन ओभर गर्दै ११ रन खर्चिए। आदील अन्सारी, हरिशंकर शाहले समान २ विकेट लिए भने कुमार थापाले १ विकेट लिए।

खेलको प्लेयर अफ द म्याच हसिम अन्सारी चुनिए।





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]