एमसीसीसंग मुख्यमन्त्रि-११ मात्र ४ रनले पराजित



इंग्ल्याण्डको मेरिलेबन क्रिकेट क्लब ( एमसीसी ) को नेपाल भ्रमण अन्तर्गत पोखरामा मंगलबार सम्पन्न टि-२० मा एमसीसीले मुख्य मन्त्रि-११ टिमलाई रोमान्चक खेलमा ४ रनले पराजित गरेको छ।

पोखरा भ्रमण अन्तर्गत एमसीसीले सोमबार स्थानीय टिम पोखरा-११ लाई ४२ रनले पराजित गरेको थियो।

पोखरा रंगाशाला स्थित क्रिकेट मैदानमा सम्पन्न खेलमा टस हारेर ब्याटिंग गर्दै एमसीसीले दिएको १४३ रनको लक्ष्य पछ्याउने क्रममा मुख्य मन्त्रि-११ ले २० ओभर ब्याटिंग गर्दै ७ विकेट गुमाएर १३८ रन बनाए पछि थोरै अन्तरको हार बेहोर्यो।

लक्ष्य पछ्याउने क्रममा स्थानीय टिमका अनिल गुरुङले सर्वाधिक ४० रन बनाए जुन क्रममा ३६ बलमा ८ चौका प्रहार गरे। यस्तै बिशाल पौडेलले अविजित २६, गोभिन्द प्रधानले २४ तथा बिपिन खत्रीले अविजित १६ रन बनाए। बिशालले १४ बलमा २ चौका र २ छक्का तथा बिपिनले १३ बलमा १ चौका र १ छक्का प्रहार गरेता पनि जित दिलाउन सकेनन्।

एमसीसीका देब्रे हाते स्पिनर एड योङ्गले सर्वाधिक ४ विकेट लिंदा ४ ओभरमा मात्र १४ रन खर्चदै जितमा अहम योगदान दिए। टम विस्लेले २ तथा माइल्स ह्यामन्डले १ विकेट लिए।  योङ्गनै खेलको प्लेयर अफ द म्याच चुनिए।

यस अघि टस हारेर ब्याटिंग गरेको एमसीसीले २० ओभरमा ६ विकेट गुमाएर १४२ रन बनाएको थियो। उसको लागि पुर्व पाकिस्तान राष्ट्रिय क्रिकेटर समेत रहेका यासिर अराफातले सर्वाधिक ५६ रन बनाए। उनले मात्र २८ बलमा ३ चौका र ५ चक्का प्रहार गरे। यस्तै विल भान्डरस्परले २०, एड योङ्गले २० तथा ओलिभन हानोनले १७ रन बनाए।

मुख्य मन्त्रि-११ को बलिङ्गमा बिशाल पौडेल, अमृत गुरुङ, सुबास भण्डारी, किशोर महतो, बिपिन खत्री र दिपेश श्रेष्ठले समान १/१ विकेट लिए।

एमसीसीले नेपाल भ्रमण अन्तर्गत काठमाडौँमा नेपाली अन्डर-१९ र नेपाली सिनियर टिमसंग ४ वटा खेलहरु खेलेर पोखरा प्रस्थान गरेको हो। नेपाली यु-१९ टिमलाई ३८ रनले पराजित गरेको एमसीसीले नेपाली सिनियर टिमसंग एकदिवसीयमा ५ विकेटको हार बेहोरेको थियो। त्यसपछि नेपाललाई तिन दिवसीय प्रथम श्रेणी खेलमा २०८ रनले पराजित गरेको एमसीसीले शनिवार सम्पन्न अन्तिम खेलमा नेपाल यु-१९ र सिनियर खेलाडी मिश्रित टिमलाई ११३ रनले पराजित गरेको थियो।

पोखरामा २ वटा खेल पछि एमसिसीले पोखरा स्थित केही विद्यालयहरुमा पुगेर क्रिकेट खेलको प्रचार समेत गर्ने कास्की जिल्ला क्रिकेट संघका अध्यक्ष सञ्जयकान्त सिग्देलले जानकारी दिए ।

मुख्य मन्त्रि ११ को टिम व्यवस्थापन सम्हालेका चन्द्र गुरुङ (जिम्मी)ले टिमले उत्कृष्ट रुपमा जवाफी व्याटिङ गरेको प्रतिक्रिया दिए । उनले ‘हाम्रा बलर समेत हामी उत्कृष्ट छौं भन्ने प्रदर्शित गरे तर अन्तिम दुई ओभरमा एमसीसीले रन जोड्न सफल भयो, हाम्रो टारगेट १२० रनमा रोक्ने थियो तर सफल भएनौ र झिने रनले हार्यौं ।’





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]