कतारमा पनि टि-१० लिग आयोजना हुने, एसोसिएट राष्ट्रका खेलाडीले मौका पाउने



दोहा, कतार क्रिकेट एसोसिएसनले पनि आगामी महिना टि-१० क्रिकेट लिगको आयोजना गर्ने भएको छ। ‘कतार टि-१० लिग’ नामक प्रतियोगिता डिसेम्बर ६ देखि सुरु गरिनेछ जसलाई अन्तर्राष्ट्रिय क्रिकेट परिषद ( आईसीसी ) ले मान्यता दिईसकेको छ।

६ वटा टिम सहभागी हुने लिगमा कतारका क्रिकेटर बाहेक अन्तर्राष्ट्रिय स्तरमा नाम चलेका खेलाडी तथा एसोसिएट राष्ट्रको खेलाडीहरुलाई समावेस गरिने बताईएको छ।

कतार क्रिकेटले यसै साता प्रतियोगिता आयोजना बारे अधिकारिक घोषणा गरेको हो। १२ दिन सम्म चल्ने प्रतियोगिताको लागि प्रायोजक खोज्ने तयारी कतारले गरिसकेको छ। प्रतियोगितालाई उचाइ दिन पाकिस्तान पुर्व स्टार क्रिकेटर शहिद अफ्रिदीलाई ब्राण्ड एम्बासडर बनाइनेछ।

शहिद अफ्रिदी प्रतियोगिताको ब्राण्ड एम्बासडर हुनेछन्

“प्रारम्भिक योजना अनुसार हामीले हाल ६ वटा टिम समावेस गर्नेछौँ। हामिले अन्तर्राष्ट्रिय स्तरमा नाम चलेका जो वर्तमान रुपमा सक्रिय नभएको पनि हुन सक्छन त्यस्ता क्रिकेटरलाई समावेस गर्ने योजनामा छौँ। यो सुरुवातले हाम्रो क्रिकेटलाई अर्को स्तरमा लैजाने विश्वास लिएका छौँ।” कतार क्रिकेटका प्रमुख योसेफ जेहाम अल कुमारीले प्रेस बिज्ञप्तिमा बताएका छन्।

“हामि गौरवान्वित छौ कि आईसीसीले यो लिगलाई मान्यता दिएको छ। यसले हाम्रो देशको खेलकुदलाई अन्तर्राष्ट्रिय एरिनामा लैजानेछ”

“नेपाल, भारत, पाकिस्तान, श्रीलंका, बंगलादेश जस्ता देशका प्रवाशीहरुमा क्रिकेट प्रति निकै लगाव रहेको छ। उनिहरु १ दिन मात्र बिदा हुँदा पनि क्रिकेट खेल्ने गर्छन्। उनीहरु साधारण कामदार हुन् या डक्टर सबै क्रिकेट खेल्न ठाउँ बनाउने गर्छन्। उनीहरुको लगाबको म सम्मान गर्छु।”

“अहिले हामीले हाम्रो स्तर ठुला देशसंग तुलना गर्ने खालको छैन तर हाम्रो सिनियर टिमले राम्रो गरिरहेको छ। टि-२० विश्वकप छनौटमा हामीले दुर्भाग्यपूर्ण तरिकाले हार्यौं तर नेपाललाई भने पराजित गर्न सफल रह्यौ। नेपाल हामि भन्दा निकै माथिको वरियता भएको टिम हो जसलाई हामीले पराजित गर्यौं।”

कतार क्रिकेटका प्रमुख योसेफ जेहाम अल कुमारी

कतार टि-१० लिगको आयोजना एसियन टाउन अन्तर्राष्ट्रिय स्टेडियममा गरिनेछ। कतार क्रिकेटले लिगको खेलहरु प्रत्यक्ष हेर्न ठुलो संख्यामा दर्शकहरु आउने अपेक्षा गरेको छ।

टि-१० लिगको सुरुवात युएईले गरेको हो जसले २०१७ देखि यसको आयोजना गर्दै आएको छ। लिगमा विश्वभरबाट अन्तर्राष्ट्रिय क्रिकेटरहरु खेलीरहेका छन्। टि-१० फर्म्याट छोटो र ब्याट्सम्यानहरुको विस्फोटक ब्याटिंग हेर्न पाइने हुँदा लोकप्रियता हाँसिल गरिरहेको छ। युएईमा जारि लिगमा नेपाली लेग स्पिनर सन्दिप लामिछाने र नेपाली टिमका पुर्व कप्तान तथा अल-राउण्डर पारस खड्का पनि सहभागी रहेका छन्।

कतारले पनि टि-१० लिग आयोजना गर्दा नेपाली क्रिकेटरहरुले मौका पाउने सम्भावना प्रवल रहन्छ। कतारमा ठुलो संख्यामा रहेको नेपालीहरुलाई आकर्षित गर्न पनि नेपाली खेलाडीले मौका पाउन सक्नेछन्। हाल विदेशी लिगहरुले नेपालको समर्थकहरुलाई आकर्षित गर्न पनि नेपाली खेलाडी लिने प्रचलन सुरु भएको छ। पारस खड्कालाई टि-१० लिगमा लिनुको कारण पनि त्यसैलाई मानिएको छ।





थप समाचार

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]