क्रिस गेल २०२० क्यारेबियन प्रिमियर लिग नखेल्ने, कारण यस्तो



विस्फोटक ब्याट्सम्यान क्रिस गेलले २०२० क्यारेबियन लिग ( सिपिएल टि-२० ) नखेल्ने निर्णय गरेका छन्। गेलले आफ्नो फ़्रेन्चाइज् सेन्ट लुसिया जुक्सलाई सोमबार आफु लिगको लागि उपलब्ध नहुने बताएका हुन्। लिगको लागि खेलाडीहरुको ड्राफ्ट हुनु दुइ दिन अघि गेलले उक्त निर्णय लिएको क्रिक्इन्फोले लेखेको छ।

गेलले नखेल्नुको पछाडी पारिवारिक कारण रहेको बताएका छन्। कोभीड-१० का कारण गेल जमाईकामा रोकिएका कारण गेलले आफ्नो परिवार र छोरासंग लामो समय देखि भेट्न पाइरहेका छैनन्। त्यसैले उनले परिवारसंग समय बिताउने निर्णय गरका हुन्। सेन्ट लुसियाको लागि खेलेको भए गेलको क्यारेबियन प्रिमियर लिगमा सेन्ट किट्स र जमाईका तल्लावाह पछि तेश्रो टिम हुने थियो।

सीपीएल टि-२० अगस्ट १८ देखि सेप्टेम्बर १० सम्म ट्रिनिडाड एण्ड टोबागोमा आयोजना हुने बताईएको छ जसलाई सरकारले भने आयोजनाको हरियो झन्डा दिन बाँकी रहेको छ।

“गेलले व्यक्तिगत कारण देखाउदै लिग नखेल्ने निर्णय गरेको हामीले बुझेका छौँ। हामि गेललाई २०२० को बाँकी समयको लागि सुभकामना दिन्छौ र आशा गर्नेछौँकि उनि २०२१ को सिजनमा फिर्ता हुनेछन्।” क्यारेबियन प्रिमियर लिगका प्रवक्ताले लिगको वेबसाइटमा बताएका छन्।

गेलले सेन्ट लुसिया जुक्ससंग अप्रिलमा टिमको मार्की खेलाडीको रुपमा अनुबन्ध गरेका थिए। गेलले मार्की खेलाडी भए बापत १ लाख ३० हजार देखि १ लाख ६० हजार मूल्य पाएका थिए।

क्यारेबियन लिग इतिहासकै सर्वाधिक रनकर्ता ( २,५३४ रन ) गेलले पहिलो ४ सिजन जमाईका तल्लावाहको प्रतिनिधित्व गरेका थिए जुन क्रममा दुइ वटा लिग उपाधि समेत दिलाएका थिए। त्यसपछि उनले दुइ वर्ष सेन्ट किट्स एण्ड नेभिस पेट्रिएट्सको प्रतिनिधित्व गरे। त्यसपछि पुनः गत वर्ष तल्लावाहमै फर्किने क्रममा उनले शतक प्रहार गरेका थिए। तर गत सिजन गेलको फर्म भने खस्किएको थियो।

गेलले वेस्टइन्डिजको लागि १०३ टेस्ट, ३०१ एकदिवसीय र ५८ टि-२० खेल्ने क्रममा क्रमशः ७,२१४ , १०,४८० र १,६२७ रन बनाएका छन्। उनको नाममा टेस्टमा १५, एकदिवासियीमा २५ र टि-२० मा २ वटा शतक रहेको छ। २०१९ विश्वकप पछि गेलले वेस्टइन्डिजको प्रतिनिधित्व गर्न पाएका छैनन्।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]