चन्द्रागिरि पुगेर वुमन्स च्याम्पियन्स लिगको ट्रफी सार्वजनिक, दुबैको लक्ष्य उपाधी

त्रिभुवन अन्तर्राष्ट्रिय क्रिकेट मैदानमा जारि वुमन्स च्याम्पियन्स लिगको ट्रफी सार्वजनिक गरिएको छ । ट्रफी औपचारिक रुपमा फाइनल खेल अगाडी सार्वजनिक गरिएको हो ।

पर्यटकीय गन्तब्य रहेको चन्द्रागिरी पहाडमा पुगेर ट्रफी सार्वजनिक गरिएको छ । उक्त कार्यक्रममा फाइनलमा पुग्न सफल चितवन राइनोजकी कप्तान इन्दु बर्मा र क्याट क्विन्स काठमान्डौकी कप्तान रुबिना क्षेत्री उपस्थित थिए । दुवै टिमका कप्तानले पत्रकार सम्मेलनमा लक्ष्य उपाधी जित्ने रहेको बताए ।

चितवनले प्रतियोगिता अन्तर्गत लिग चरणका चारै खेल जित्दै फाइनलमा स्थान बनाएको हो । काठमान्डौले भने लिग चरणमा चितवनसंग पराजित भएपछी इलिमिनेटरमा बिराटनगर टाइटन्सलाई पराजित गर्दै फाइनलमा आएको हो । फाइनल खेल बिहिबार साढे एघार बजे किर्तिपुर मैदानमा नै हुनेछ ।

क्विन्स इभेन्ट मेनेजमेन्ट प्राइभेट लिमिटेडको आयोजनामा जारि प्रतियोगिताको विजेताले सात लाख र उप-विजेताले ३ लाख रुपैयाँ पाउनेछ ।त्यस्तै व्यक्तिगत विधातर्फ सर्वोत्कृष्ट हुने खेलाडीले एकथान स्कुटर सहित नगद ५० हजार पाउनेछ । उत्कृष्ट ब्याटर र बलरले समान २५/२५ हजार प्राप्त गर्नेछ्न ।