चाहरले ह्याट्रिक गर्दै इतिहास रच्दा भारतको जित, टि-२० अन्तर्राष्ट्रियकै उत्कृस्ट बलिङ्ग



दिपक चाहरले सनसनीपूर्ण बलिङ्ग गर्दै इतिहास रच्दा बंगलादेशलाई तेश्रो टि-२० मा पराजित गर्दै भारतले तिन वटा टि-२० अन्तर्राष्ट्रियको सिरिज २-१ ले जितेको छ।

सिरिज अन्तर्गत पहिलो टि-२० मा भारत ७ विकेटले पराजित भएको थियो। दोश्रो टि-२० भारतले ८ विकेटले जित्दै सिरिज बराबरी गरेको थियो।

नागपुरमा सम्पन्न तेश्रो टि-२० मा टस हारेको भारतले पहिले ब्याटिंग गर्दै २० ओभरमा ५ विकेट गुमाएर १७४ रन बनाएको थियो। लक्ष्य पछ्याउने क्रममा बंगलादेशले १९.२ ओभरमा १४४ रनमा सम्पूर्ण विकेट गुमाउन पुग्यो। खेल भारतले ३० रनले जित्यो।

बंगलादेशको सुरुवात राम्रो हुन सकेको थिएन। ओपनर लिटन दास ९ तथा सौम्य सरकार खाता नखोली दिपक चाहरबाट लगातार २ बलमा आउट हुन पुगे। तेश्रो विकेटको लागि ओपनर मोहम्मद नैम र चौथो नम्बरका मोहम्मद मिथुनले ९८ रनको साझेदारी गर्दै बंगलादेशलाई जितको दिशा तिर लगे।

१३ औं ओभरमा मिथुनलाई दिपक चाहरले तेश्रो विकेटको रुपमा क्याच आउट गराए पछि भने भारत खेलमा हावी हुन पुग्यो। त्यसपछि मुस्फिकुर रहिमलाई शिभम दुबेले खाता नखोल्दै बोल्ड गरे। ८१ रनबनाएका मोहम्मद नैमलाई दिपक चाहरले १६ औं ओभरमा बोल्ड गरेपछि बंगलादेश खेलमा फर्कन सकेन। नैमले ४८ बलमा १० चौका र २ छक्का प्रहार गरे।

११०/३  बाट बंगलादेश १३०/७ को अवस्थामा पुग्यो। त्यसपछि दिपक चाहरले बाँकी ३ विकेट ह्याट्रिक लिंदै बंगलादेशलाई अल-आउट पारे।

दिपक चाहरको ह्याट्रिक र नयाँ रेकर्ड 

भारतको लागि टि-२० अन्तर्राष्ट्रियमा ह्याट्रिक लिने चाहर पहिलो बलर बनेका छन्। यस्तै अन्तर्राष्ट्रिय टि-२० मा ह्याट्रिक लिने चाहर ११ औं खेलाडी हुन्।

दायाँ हाते तिब्र गति बलर चहारले  खेलको १८ औं ओभरको अन्तिम बलमा शफिउल इश्लामलाई क्याच आउट गराए। त्यसपछि खेलको अन्तिम ओभरमा बलिङ्ग गरेका चाहरले ओभरको पहिलो बलमा मुस्तफिजुर रहमान र अमिनुल इस्लामको विकेट लगातार लिंदै ह्याट्रिक पुरा गरे। इस्लामलाई योर्करमा बोल्ड गर्दै उनले ह्याट्रिक पुरा गरेका थिए।

सबै भन्दा धेरै लासिथ मालिंगाले २ पटक टि-२० अन्तर्राष्ट्रियमा ह्याट्रिक लिएका छन्। अस्ट्रेलियाका ब्रेट लिले सन् २००७ मा बंगलादेश बिरुद्ध कप टाउनमा पहिलो ह्याट्रिक लिएका थिए।

खेलमा कुल ६ विकेट लिएका चाहरले टि-२० अन्तर्राष्ट्रियमा सबैभन्दा उत्कृस्ट बलिङ्ग स्पेल पनि दर्ता गरेका छन्। उनले ३.२ ओभर बलिङ्ग गर्दै मात्र ७ रन खर्चेर ६ विकेट लिए। यस अघि श्रीलंकाका अजन्था मन्डीसले जिम्बाबे बिरुद्ध २०१२ मा ८ रन खर्चेर ६ विकेट लिएका थिए।

टि-२० अन्तर्राष्ट्रियमा ६ विकेट हालसम्म ४ पटक लिईएको छ। दुइ पटक अजन्था मन्डीसले तथा एक पटक युझभेन्द्र चाहालले ६ विकेट लिएका छन्। ६ भन्दा बढी विकेट एकै इनिंगमा टि-२० मा कुनै बलरले लिन सकेको छैन।

भारतको ब्याटिंगमा श्रेयस ऐयरले सर्वाधिक ६२ तथा केएल राहुलले ५२ रन बनाएका थिए। ऐयरले ३३ बलमा ३ चौका र ५ छक्का तथा राहुलले ३५ बलमा ७ चौका प्रहार गरे।

ओपनरद्वय रोहित शर्मा २ तथा शिखर धवन १९ रन बनाएर आउट भएपछि राहुल र ऐयरले तेश्रो विकेटको लागि ५९ रनको साझेदारी गरेका थिए। राहुलको विकेट पछि ऐयरले चौथो विकेटको लागि रिशभ पन्तसंग ४५ रनको साझेदारी गरे। पन्तले ६ रन मात्र बनाए।

अन्तिममा मनिष पाण्डेले १३ बलमा ३ चौका मदतले २२ तथा शिभम दुबेले अविजित ९ रन बनाए। दुवैले छैठौं विकेटको लागि ३० रनको साझेदारी गरे।

बंगलादेशको बलिङ्गमा शफिउल इस्लाम र सौम्या सरकारले समान २/२ विकेट तथा अल अमिन होसेनले १ विकेट लिएका थिए।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]