चितवनले जित्यो डब्ल्युसिएल ट्रफी



वुमन्स च्याम्पियन्स लिग (डब्ल्युसिएल) को उपाधी चितवन राइनोजले जितेको छ । फाइनलमा उसले क्याट क्विन्स काठमाण्डौलाई ४५ रनले पराजित गर्यो । (स्कोरकार्ड)

चितवन राइनोजले दिएको ११३ रनको लक्ष्य पछ्याएको क्याट क्विन्स काठमाण्डौ अन्तिम बलमा सबै विकेट गुमाउंदै ६७ रनमा समेटियो ।

खराब सुरुवात गर्दै मात्र १५ रनमा ४ विकेट गुमाएको काठमाण्डौका लागि अप्सरी बेगम र ममता थापाले २५ रनको साझेदारी गर्दै पारि उकास्ने प्रयास गरे । तर दबाबमा ढिलो खेलेपछि आबश्यक रन रेटले उकालो चढेको थियो । अप्सरीले ३१ बलमा १५ रन र ममताले १४ बलमा १३ रन बनाए । त्यसपछि पुन: विकेट गुमाउँदा ५१ रनमा ८ विकेट गुमेको थियो । थप १५ रन बनाउंदै इश्वरी बिस्ट र सुमन बिस्टको साझेदारी तोडियो । इश्वरी बिस्ट १३ रनमा आउट हुँदा लक्ष्मी साउद १ रनमा आउट भईन । सुमन बिस्ट ३ रनमा अविजित रहिन ।

काठमाण्डौलाई धरासायी बनाउन चितवनकी सन्तोषी चौधरीले २२ रन खर्चेर ४ विकेट लिईन्। सुमन खतिवडा, रेखा रावल र कबिता गौतमले १/१ विकेट लिए ।

यसअघि टस हारेर पहिले ब्याटिंग गरेको चितवन राइनोजले ४ विकेट गुमाएर ११२ रन बनाएको थियो । उसका लागि ओपनर कन्चन श्रेष्ठ र काजोल श्रेष्ठले ४९ रनको साझेदारी गर्दै राम्रो सुरुवात दिलाएका थिए । काजोलले २१ रन (२८ बल, २ चौका) र कन्चनले १९ रन (२६ बल, ३ चौका) बनाए । ऋतु कनौजिया मात्र ६ रन (१३ बल) मा रनआउट भईन । त्यसपछि आएकी सुमन खतिवडाले सर्बाधिक २९ रन (२५ बल, ३ चौका) र कप्तान इन्दु बर्माले अविजित २२ रन (१९ बल, ४ चौका) बनाए । प्यारी चौधरी ९ बलमा ३ रन बनाउंदै अविजित रहिन् ।

काठमाण्डौका संगीता राई, लक्ष्मी साउद र सरस्वती चौधरीले समान १/१ विकेट लिए ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]