टिपिएल ३: यस्तो बन्यो सेमिफाइनल समीकरण



४ कार्तिक, बुटवल । प्रदेश स्तरको सबैभन्दा ठुलो पुरस्कार राशी रहेको सर्बोत्तम सिमेन्ट तिलोत्तमा प्रिमियर लिगमा सेमिफाइनल खेल्ने सबै टिमको टुङ्गो लागेको छ ।

सोमबार सम्पन्न पहिलो खेलमा रुपन्दही पल्टनस्लाई १० विकेटले पछाडी पार्दै बुटवल युनाइटेड बिजयी भएपछि सेमिफाईनल खेल्ने सबै टिमको टुंगो लागेको हो ।

प्रदेश ५ का १० टिम सहभागि प्रतियोगितामा समुह ए बाट बुटवल युनाइटेडसंगै ज्ञानोदय गोल्डस् सेमिफाईनलमा प्रबेश गरेको छ भने समुह बि बाट मणिग्राम किंग्स र पाल्पाली लिजेन्ड्स सेमिफाइनल प्रबेश गरेका हुन ।

प्रतियोगिता अन्तर्गत आज भएको पहिलो खेलमा रुपन्देही पल्टनले लज्जास्पद हार ब्यहोरेको छ । पल्टनलाई बुटवल युनाइटेडले १० विकेटले पराजीत गरेको हो ।

टस जितेर ब्याटिङ्ग गरेको रुपन्देही पल्टनलाई १२ दशमलव ३ ओभरमा १९ रनमै रोकेपछि बुटवल युनाइटेड सहज रुपमा सेमिफाइनल प्रवेश गरेको हो ।

बुटवल युनाईटेडले बिजयका लागि पाएको २० रनको लक्ष्य २ ओभरमै पुरा गरेको थियो । बुटवल युनाइटेडका लागि कुसल मल्लले १० र मृनल गुरुङ्गले ११ रनको योगदान गरे ।

रुपन्देही पल्टनलाई झिनो रनमा रोक्न बुटवल युनाइटेडका अमित तामाङ एक्लैले ५ विकेट लिए । अमितले ४ ओभरमा एक मेडन ओभर खेल्दै १० रन खर्चेर ५ विकेट लिएका हुन । त्यस्तै राहुल प्रजापतिले २ साथै भिम सार्की, सागर ढकाल र सुसन भारीले समान १ / १ विकेट लिए ।

ब्याटिङ्ग तर्फ रुपन्देही पल्टनस्का बिराट भण्डारी, दिनेश मगर, दिलिप कुर्मी, रोविन क्षेत्री, सौरव भुर्तेलले खाता नै खोल्न सकेनन् । प्रतियोगितामा बुटवल युनाइटेडका अमित तामाङ म्यान अफ द म्याच बने भने राहुल प्रजापती मष्ट भ्यालुएवल खेलाडी बन्न सफल भए ।

मणिग्राम किंग्स समुह बिजेता

सियारी राईनोज्लाई २० रनले पराजित गर्दै मणिग्राम किंग्स तिलोत्तमा प्रिमियर लिगको समुह बिजेता बनेको छ । लिगका आफ्ना सबै ४ खेल जीत निकाल्दै समुह बिजेता बनेको हो । सो समुहबाट पाल्पाली लिजेन्टस् समुह उपबिजेता बनेको छ । समुह ए को बिजेता र उपबिजेताके टुंगो भने भोलीको खेलबाट लाग्ने छ ।

आजको दोस्रो खेलमा पहिला ब्याटिङ्ग गरेको मणिग्रामले पुरै ओभर खेलेर ७ विकेटको क्ष्यतिमा १ सय ३६ रनको योगफल तयार पारेको थियो । टिमको जितका लागि मणिग्रामका प्रज्वल थापाले सर्बाधिक ४४ रनको योगदान गरे ।

जवाफी ब्याटिङ्ग गरेको सियारी राइनोज् १९ दशमलव २ ओभरमा १ सय रनमा समेटिएको थियो । सियारीका मनिष थापाले सर्बाधिक ६१ रनको योगदान गरेपनि जितका लागि प्रयाप्त भएन ।

सियारीलाई सस्तैमा समेट्न मणिग्रामका अजय साहानीले ३ दशमलव २ ओभरमा १३ रन खर्चेर ३ विकेट लिएका थिए । त्यस्तै दुर्गेस ढुंगानाले २ साथै कृष्ण कार्की, अनिल खरेल र सुनिल भण्डारीले समान १ /१ विकेट लिए ।

प्रतियोगितामा मणिग्राम किंगस्का दुर्गेस गुप्ता मष्ट भ्यालुएवल प्लेयर बने भने मणिग्रामकै प्रज्वल थापा म्यान अफ द म्याच भए । प्रतियोगिता अन्तर्गत भोलिको खेलमा रेन्बो ज्ञानोदय गोल्ड्स् र लुम्बिनी शाक्यान् ग्ल्याडिएटर्सका बिच हुनेछ ।

मंगलबार पत्रकार र आयोजक बिच मैत्रिपुर्ण खेल

रुपन्देहीको तिलोत्तमा नगरपालिकामा जारि तिलोत्तमा प्रिमियर लिगको ११ औँ दिन मंगलबार आयोजक र रुपन्देहीका पत्रकारहरुबिच मैत्रिपुर्ण क्रिकेट प्रतियोगिता हुने भएको छ ।

प्रतियोगितामा आयोजक तिलोत्तमा क्रिकेट बिकास समितिका पदाधिकारी र पत्रकारहरुबिच १० ओभरको खेल चल्नेछ । दिउसो २ बजे हुने खेलमा दुबै टिमबाट कम्तिमा २ जना महिला खेलाडी सहभागी हुने खेल संयोजक दिपक भुर्तेलले जानकारी दिए ।





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]