टि-१० लिग : आबु धाबीको पहिलो जित, पारसले बनाए अविजित १ रन



युएईमा जारि टि-१० लिग प्रतियोगिता अन्तर्गत पारस खड्का आबद्ध रहेको टिम ‘टिम आबु धाबी’ले पहिलो जित दर्ता गर्ने क्रममा नर्थर्न वारियर्सलाई ६ विकेटले पराजित गरेको छ।

पहिले ब्याटिंग गर्दै नर्थर्न वारियर्सले दिएको ९३ रनको लक्ष्य आबु धाबीले ४ विकेट गुमाएर ८.३ ओभरमा पुरा गर्यो। आबु धाबीले यस अघि खेलेको कलन्दर्स बिरुद्धको खेल बराबरीमा टुंगिएको थियो। आबु धाबीले दिएको १०४ रनको लक्ष्य पछ्याउने क्रममा कलन्दर्सले पनि १०३ रननै बनाएको थियो।

लक्ष्य पछ्याउने क्रममा आबु धाबीको लागि लुक राइटले सर्वाधिक ४८ रन बनाए जुन क्रममा २३ बलमा ४ चौका र २ छक्का प्रहार गरे। यस्तै कप्तान मोइन अलिले ३० रन बनाए। अलिले २० बलमा २ चौका र १ छक्का प्रहार गरे। जितको नजिक हुँदा कप्तान अलि र राइट लगातार आउट हुँदा पारस खड्काले इनिंगको अन्तिममा ब्याटिंग गर्न मौका पाए।

जित्न मात्र २ रन बाँकी हुँदा पारस ब्याटिंग गर्न पुगे जसले अविजित १ रन बनाए। उनले सामना गरेको पहिलो बललाई लंग अनमा हानेर १ रन लिएका थिए। लगत्तै बलमा टिमले खेल जित्यो। पहिलो खेलमा पनि पारस ३ बलमा ३ रनमा अविजित रहेका थिए।

यस अघि टस जितेर ब्याटिंग गरेको नर्थर्न वारियर्सले १० ओभरमा मात्र १ विकेट गुमाएर ९२ रन बनाएको थियो। उसको लागि आन्द्रे रसेलले सर्वाधिक ३७ तथा स्याम बिलिंग्सले ३५ रन बनाए। पहिलो विकेटको रुपमा ड्यारेन स्यामी १७ रन बनाएर आउट भएपछि दोश्रो विकेटको लागि बिलिंग्स र रसेलले ६३ रनको साझेदारी गरेका थिए। रसेलले २७ बलमा ३ चौका र १ छक्का प्रहार गरे भने बिलिंग्सले २० बलमा ३ चौका र २ छक्का प्रहार गरे।

लिग अन्तर्गत आजै नेपाली समय ७:३० बजे सन्दिप लामिछानेको टिम कर्नाटका टस्कर्सले बंगला टाइगर्सको सामना गर्दै छ। सन्दिपको टिम कर्नाटकाले पहिलो खेलमा जित दर्ता गर्ने क्रममा दिल्ली बुल्सलाई १९ रनले पराजित गरेको थियो।





थप समाचार

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]

T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग

टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको […]

T20WC : भारतसंग खेल अघि पाकिस्तान कप्तान बाबर आजमको आत्मविश्वास

क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ […]