दिपेन्द्रको घातक बलिंग, पुलिस फाइनलमा



पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस क्लब फाइनल पुग्ने पहिलो टोलि बनेको छ । अब पुलिसले नेपाल एपीएफ क्लब र त्रिभुवन आर्मी क्लबबिचको विजेता टोलिसँग फाइनलमा प्रतिस्पर्धा गर्नेछ ।

कीर्तिपुरस्थित टियु क्रिकेट मैदानमा सम्पन्न खेलमा १५६ रनको विजयी लक्ष्य पछ्याएको बागमती प्रदेशले निर्धारित २० ओभरमा ८ विकेट गुमाएर १०५ रनमात्र बनाउँन सक्यो । उसका लागि ओपनर ब्याटर आदील खानले २७, कप्तान ज्ञानेन्द्र मल्लले २३, रामनरेश गिरिले अविजित २२ तथा रिजन ढकालले अविजित १६ रन बनाउनु बाहेक अन्य ब्याटरले दोहोरो अंकमा रन बनाउन सकेनन् ।

ओपनर इशान पाण्डे १ रन बनाएर आउट भएपछि आर्का ओपनर आदील खानले कप्तान ज्ञानेन्द्र मल्लसँग दोस्रो विकेटको लागि ४३ रनको साझेदारी गर्दै बागमतीको इनिंग्स सम्हाले । दिपेन्द्र सिंह ऐरीले नवौं ओभरमा मल्ल र बिपिन आचार्यलाई आउट पार्दै पुलिसलाई खेलमा हावी गराए । त्यसपछि बागमतीले ५०/२ को अवस्थाबाट थप १९ रन जोड्दा ७ विकेट गुमाउँन पुगेको थियो । अन्तिममा रामनरेश गिरि र रिजन ढकालले नवौं विकेटको लागि अविजित ३६ रनको साझेदारी गर्दै बागमतीलाई अल आउट हुनबाट जोगाए ।

नेपाल पुलिस क्लबको बलिंगतर्फ दिपेन्द्र सिंह ऐरीले ( ४-०-१०-५ ) सर्वाधिक ५ सागर ढकालले ( ४-०-१४-२ ) २ विकेट तथा आरिफ शेखले १ विकेट हात पारे ।

यसअघि खेलमा टस जितेर ब्याटिंग रोजेको नेपाल पुलिस क्लबले निर्धारित २० ओभरमा ५ विकेट गुमाएर १५५ रन बनाएको थियो । उसका लागि ओपनर ब्याटर पवन सरार्फले ५४ बलमा समान ३ चौका र ३ छक्काको मद्धतमा सर्वाधिक ५९ तथा दिलिप नाथले १६ बलमा समान २ चौका र २ छक्काको मद्धतमा अवीजित ३१ रन बनाए । यस्तै, अनिल शाहले २५ तथा आरिफ शेखले १२ रनको योगदान दिए ।

ओपनरद्वय पवन सरार्फ र शंकर रानाले २७ रनको साझेदारी गरे । रिजन ढकालले चौथौं ओभरमा रानालाई ८ तथा दिपेन्द्र सिंह ऐरीलाई खाता नखोल्दै आउट पारेपछि पवनले अनिल शाहसँग तेस्रो विकेटको लागि ७८ रनको साझेदारी गर्दै नेपाल पुलिस क्लबको इनिंग्स उकासे । १६ औं ओभरमा नन्दर यादवले पवन र अनिल दुवैलाई पेभेलियनको बाटो देखाए । त्यसपछि अन्तिममा दिलिप नाथले विस्फोटक ब्याटिंग गर्दै नेपाल पुलिस क्लबको योगफल १५० रन पार गराए । दिलिपले तिलक भण्डारीको १७ औं ओभरमा २ छक्का हिर्काएका थिए । खेलमा बागमतीको फिल्डिंग निकै फितलो रहेको थियो ।

बागमती प्रदेशको बलिंगतर्फ नन्दन यादव ( ४-०-२७-२ ) र विजन ढकालले ( ४-०-३०-२ ) समान २ तथा प्रतिष जिशिले ( ४-०-२८-१ ) १ विकेट लिए ।

नेपाल पुलिस क्लबका ओपनिंग ब्याटर कुशल भुर्तेल र फास्ट बलिंग अल-राउण्डर कारण केशीले पूर्ण रुपमा फिट नहुँदा यो खेल गुमाएका थिए ।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]