धनगढी बिरुद्ध बुटवलको शानदार जित, तेश्रो जितपछि बुटवल दोश्रो स्थानमा उक्लियो



पोखरा प्रिमियर लिग ( पिपिएल ) टि-२० अन्तर्गत आइतबार सम्पन्न दोश्रो खेलमा सोमपाल कामि कप्तानीको बुटवल ब्लास्टर्सले धनगढी ब्लुजलाई ७ विकेटले पराजित गरेको छ।

जितपछि बुटवल ब्लास्टर्स ४ खेलमा ३ जित र १ हारको साथ ६ अंक बटुल्दै अंकतालिकाको दोश्रो स्थानमा उक्लेको छ र प्लेअफ सम्भावना पक्का बलियो बनाएको छ। हार पछि धनगढी भने प्लेअफ पुग्ने सम्भावना सकिएको छ। ४ खेलमा धनगढीले १ जित र ३ हार बेहोरेको हो।

खेलमा टस हारेर पहिले ब्याटिंग गर्दै धनगढीले दिएको १४१ रनको लक्ष्य बुटवलले १६.४ ओभरमा ३ विकेट गुमाएर पुरा गर्यो।

लक्ष्य पछ्याउने क्रममा बुटवलले राम्रो सुरुवात गरेको थियो। ओपनर अफ्ताबुद्दीन एहमद र शंकर रानाले पहिलो विकेटको लागि ४.४ ओभरमा ५३ रनको साझेदारी गरे जसमा ५२ रन अफ्ताबुद्दीन एक्लैले प्रहार गरेका थिए। ७ छक्का र १ चौका प्रहार गरेका अफ्ताबुद्दीनलाई दिपक पुनियाले पाँचौ ओभरमा आउट गरे।

दोश्रो विकेटको लागि शंकर र हर्ष टोन्क बीच पुनः अर्धशतकीय साझेदारी भयो। दशौँ ओभरमा अनिल खरेलले हर्षलाई आउट गरे जसले २१ बलमा ३ चौका र ४ छक्का मदतले ४० रन बनाएका थिए। २५ रन बनाएर शंकर १४ औं ओभरमा आउट भए जुन बेला बुटवल जित नजिक पुगीसकेको थियो।

शिभम सिंहले अविजित १५ तथा भिम शार्कीले अविजित ७ रन बनाउदै टिमलाई जितसम्म पुर्याए।

धनगढीको लागि देब्रे हाते स्पिनर अनिल खरेलले २ तथा दिपक पुनियाले १ विकेट लिए।

अविनाशको उत्कृस्ट बलिंग 

यस अघि टस हारेर पहिले ब्याटिंग गरेको धनगढीले १९.५ ओभरमा सबै विकेट गुमाएर १४० रन बनाएको थियो।

Dipendra Airee

धनगढीको लागि कप्तान दिपेन्द्र ऐरीले सर्वाधिक ६१ रन बनाएका थिए। ऐरीले ४५ बलमा ६ चौका र २ छक्का प्रहार गरेका थिए। यस्तै सन्दिप जोराले ३२ बलमा ४ चौका र १ छक्का प्रहार गर्दै ३९ रन र सौरभ खनालले १० रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

एक समय १३ रनमा सुरुवाती ३ विकेट गुमाएको धनगढीको लागि दिपेन्द्र एरी र सन्दिप जोराले चौथो विकेटको लागि ८७ रनको साझेदारी गरेका थिए।

ओपनर शुबेन्दु पाण्डे १ रन, रोड्रीगो थोमस ५ रन तथा सन्दिप रजाली खाता नखोली आउट भएका थिए।

Abinash Bohara

बुटवलको बलिंगमा अविनाश बोहराले सर्वाधिक ४ विकेट लिए जुन क्रममा ३.५ ओभरमा २६ रन खर्चिए। यस्तै अर्का तिब्र गति बलर ललित सिंह भण्डारीले १९ रन खर्चेर ३ विकेट लिए। अघिल्लो खेल नखेलेका सोमपालले प्रतियोगितामा पहिलो पटक बलिंग गर्दै १ विकेट लिए।





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]