नेपालद्वारा माल्दिभ्स ठुलो अन्तरले पराजित, फाइनल सम्भावना कायमै



१३ औं दक्षिण एसियाली खेलिकुदको पुरुष क्रिकेट अन्तर्गत नेपालले शुक्रबार सम्पन्न खेलमा माल्दिभ्सलाई ८४ रनको ठुलो अन्तरले पराजित गर्दै दोश्रो जित दर्ता गरेको छ।

साग अन्तर्गत नेपालले आफ्नो खेलमा श्रीलंका यु-२३ संग ६ विकेटले पराजित भएको नेपालले दोश्रो खेलमा भुटानलाई १४१ रनले पराजित गरेको थियो।

टियु मैदानमा सम्पन्न खेलमा  नेपालले दिएको १६४ रनको लक्ष्य पछ्याउने क्रममा माल्दिभ्सले २० ओभरमा ६ विकेट गुमाएर ७९ रन मात्र बनाउन सकेको हो।

माल्दिभ्सको लागि मोहमद आजमले सर्वाधिक १७, मोहमद रिश्वानले १३, इब्राहिम हसनले १२ तथा अलि इभानले ११ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। नेपालको बलिंगमा देब्रे हाते स्पिनरद्वय सुशन भारि र ललित राजबंशीले समान २/२ विकेट लिए। पवन सर्राफले १ विकेट लिए।

करनको आक्रामक इनिंग 

यस अघि टस जितेर ब्याटिंग गरेको नेपालले २० ओभरमा ७ विकेट गुमाएर १६३ रन बनाएको थियो।

टस जितेर ब्याटिंग गर्ने क्रममा नेपालले सुरुवात देखि लगातार विकेट गुमाएको थियो। पारस खड्काले ११, ज्ञानेन्द्र मल्लले १९, आरिफ शेखले १७, रोहित पौडेलले १०, पवन सर्राफले ० , बिनोद भण्डारीले १९ रन बनाए। चौथो नम्बरमा ब्याटिंग गरेका दिपेन्द्र ऐरीले ३९ रन बनाए।

दिपेन्द्रको विकेट जाँदा १८.१ ओभरमा १३०/७ रहेको नेपालको योगफललाई करन केसीले विस्फोटक ब्याटिंग गर्दै १५० पार गराए। करनले मात्र १६ बलमा ४ छक्का र २ चौका प्रहार गरे र अविजित ४० रन बनाए।

करनले इनिंगको अन्तिम ओभरमा इब्राहिम हसनलाई २ छक्का र २ चौका प्रहार गरे। उक्त ओभरमा नेपालले २४ रन पाएको थियो।

माल्दिभ्सको बलिंगमा लिम शफिकले सर्वाधिक ३ विकेट ( ४-०-३३-३ ) तथा अमिल मौरुफले २ विकेट लिए।

नेपालको चौथो खेल बंगलादेशसंग 

अब नेपालले आफ्नो चौथो खेल बंगलादेश यु-२३ टिमसंग खेल्नेछ। खेल नेपाली समय ९ बजे विहान टियु मैदानमा शनिवार खेलिनेछ। बंगलादेशले नेपालसंग खेलेपछि आइतबार श्रीलंकासंग लिग चरणको अन्तिम खेलमा खेल्नेछ। यदी नेपालले बंगलादेश यु-२३ लाई पराजित गर्न सकेमा नेपालको स्वर्ण पदकको लागि फाइनल खेल्ने सम्भावना रहन्छ।

बंगलादेशसंग पराजित भएको खण्डमा भने नेपालको फाइनल पुग्ने सम्भावना समाप्त हुनेछ। श्रीलंकाले हालसम्म ३ वटै खेल जितेकोले फाइनल खेल्ने पक्का जस्तो रहेको छ।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]