नेपाली टिममा कुशल मल्ल र इशान पाण्डेको डेब्यु



सिंगापुरमा आज सुरु भएको आयोजक सिंगापुर, नेपाल र जिम्बाब्वे सम्मिलित त्रिकोणात्मक सिरिज अन्तर्गत जिम्बाब्वे बिरुद्ध पहिलो खेलमा इशान पाण्डे र कुशल मल्लले डेब्यु गरेका छन्।

जिम्बाबे बिरुद्ध इन्डियन एसोसिएसन मैदानमा टस जितेर ब्याटिंग गरेको नेपालले अन्तिम-११ मा रोहित पौडेल, पवन सर्राफ, सुशन भारि र ललित राजबंशीलाई मौका दिएन। नेपालले जिम्बाब्वे बिरुद्ध खेलेको यो नै पहिलो टि-२० अन्तर्राष्ट्रिय हो।

अन्तिम-११ मा सन्दिप जोराले मौका पाएका छन् भने नेपालले ४ जना मुख्य बलर लिएर उत्रेको छ। सोमपाल कामि, करन केसी, अविनाश बोहरा र सन्दिप लामिछाने बलिंगमा रहेका छन् भने। कुशल मल्ल, पारस खड्का, दिपेन्द्र ऐरीले अल-राउण्डरको भूमिका निभाउने छन्।

नेपालको अन्तिम-११ : पारस खड्का ( कप्तान ) , इशान पाण्डे, सोमपाल कामि, दिपेन्द्र एरि, बिनोद भण्डारी, करन केसी, आरिफ शेख, सन्दिप लामिछाने, अविनाश बोहरा, सन्दिप जोरा , कुशल मल्ल

को हुन् इशान र कुशल 

इशान पाण्डे र कुशल मल्ल नेपालको लागि टि-२० अन्तर्रष्ट्रिय खेल्ने २८ औं र २९ औं खेलाडी बनेका छन्। दुवैले यस अघि नेपाली अन्डर-१९ टिमको प्रतिनिधित्व गरिसकेका छन्।

यु-१९ राष्ट्रिय क्रिकेटर कुशल मल्ल, इशान पाण्डेले टिममा पहिलो पटक मौका पाएका छन्। इशान २०१६ अन्डर-१९ विश्वकपमा टिममा रहेता पनि अन्तिम-११ मा भने मौका पाउन असफल रहेका थिए। त्यसपश्चात पाण्डे घरेलु क्रिकेटमा राम्रो प्रदर्शन गर्दै आएका छन्। यसै वर्ष प्रधानमन्त्री कप एकदिवसीय प्रतियोगितामा पारस खड्का कप्तानीको प्रदेश-३ को लागि खेल्ने क्रममा उनले राम्रो प्रदर्शन गरेका थिए।

उक्त प्रतियोगितामा उनले त्रिभुवन आर्मी क्लब बिरुद्ध ७९, सुदुर पश्चिम बिरुद्ध ५३ रन बनाएका थिए भने गण्डकी प्रदेशसंग अविजित २६ तथा प्रदेश-५ बिरुद्ध अविजित २१ रन बनाएका थिए। उनको प्रदर्शन पनि प्रदेश-३ सेमीफाइनलसम्म पुग्नुमा कारण थियो।

प्रधानमन्त्री कपमा तेश्रो नम्बरमा ब्याटिंग गरेका देब्रे हाते ब्याट्सम्यान पाण्डेलाई ज्ञानेन्द्र मल्लको अनुपस्थितिमा ओपनिंग ब्याटिंगमा प्रयोग गर्ने प्रशिक्षक पटवालले बताएका छन्।

यस्तै पहिलो पटक सिनियर टिममा मौका पाएका कुशल मल्ल अन्डर-१६ टिम हुँदै अन्डर-१९ राष्ट्रिय टिमबाट नियमित रुपमा खेल्दै आएका छन्। गत सिजन एभरेस्ट प्रिमियर लिगमा शरद भेसावकर कप्तानीको भैरहवा ग्ल्याडीएटर्सबाट खेलेका मल्लले विस्फोटक पारिहरु खेल्दै मन जितेका थिए। त्यसपछि उनले अन्डर-१९ टिममा स्थान बनाएका थिए। मल्ल मध्यक्रममा विस्फोटक ब्याटिंग गर्नको लागि जनिने गर्छन् भने देब्रे हाते स्पिनर समेत हुन्।

नेपालको लागि टि-२० अन्तर्राष्ट्रीय खेल्ने खेलाडीहरु :- सोमपाल कामि, पारस खड्का, ज्ञानेन्द्र मल्ल, बिनोद भण्डारी, बसन्त रेग्मी, शरद भेसावकर, करन केसी, प्रदिप ऐरी, सन्दिप लामिछाने, दिपेन्द्र ऐरी, अविनाश बोहरा , शक्ति गौचन, सागर पुन , सुबास खकुरेल, राजेश पुलामी, रोहित पौडेल, ललित राजबंशी, नरेश बुढायर, सन्दिप जोरा, जितेन्द्र मुखिया , पवन सर्राफ, आरिफ शेख, अविनाश कर्ण, अनिल मण्डल, अमृत भट्टराई, अनिल साह, कुशल मल्ल, इशान पाण्डे ,





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]