नेपाल यु-१९ अभ्यास खेल श्रीलंका : नेपाल टस हारेर पहिले ब्याटिंग गर्दै

सेप्टेम्बर ५ देखि १४ सम्म श्रीलंकामा आयोजना हुने अन्डर-१९ एसिया कप खेल्न श्रीलंकामा रहेकोनेपाली यु-१९ टिमले आज पहिलो अभ्यास खेल खेल्दैछ।

सिन्हालिज स्पोर्ट्स क्लब संगको खेलमा नेपालले टस हारेर पहिले ब्याटिंग गर्ने भएको छ। 

बिहानको वर्षाको कारण खेल ढिला सुरु भएपछि १०:१५ बजे सुरु हुनुपर्ने खेल डेढ घण्टा ढिला सुरु हुने भएको हो। खेल नेपाली समय ११:४५ बजे सुरु भएको छ।  ढिला सुरु हुनाका कारण खेल ५० ओभर बाट झारेर ४२ ओभरको हुनेछ।

श्रीलंकामा नेपालको अभ्यास तालिका 

श्रीलंका शनिवार पुगेपछि व्यस्त भएको नेपाली युवा टिमले बुधबार आराम गर्नेछ।

बिहिबार ( अगस्ट  २९ ) नेपालले बदुरालिया क्रिकेट क्लबसंग दोश्रो अभ्यास खेल खेल्ने तालिका रहेको छ। यस्तै शुक्रबार ( अगस्ट ३० ) टिमले चीला मरियन्स क्लबसंग तेश्रो अभ्यास खेल खेल्नेछ। ३ वटा अभ्यास खेल खेलेपछि टिमले सेप्टेम्बर १ र २ मा नेट र फिल्डिंग अभ्यास गर्ने तालिका रहेको छ।

यु-१९ एसिया कपमा नेपालको खेल तालिका 

प्रतियोगितामा नेपाल समुह ‘बि’ मा रहेको छ जुन समुहमा आयोजक श्रीलंका सहित बंगलादेस र युएई रहेका छन्। यस्तै समुह ‘ए’ मा भारत, अफगानिस्तान, पाकिस्तान र कुवेत रहेका छन्। दुवै समुहमा एक-अर्का बिरुद्ध एक-एक खेल खेलीसकेपछि उत्कृस्ट २ हुने टिम सेमीफाइनल प्रवेश गर्नेछन्।

नेपालले सेप्टेम्बर ६ तारिखमा आयोजक श्रीलंकासंग खेल्दै प्रतियोगिता सुरुवात गर्नेछ। यस्तै सेप्टेम्बर ८ मा बंगलादेशसंग दोश्रो खेल तथा सेप्टेम्बर १० मा युएईसंग तेश्रो खेल खेल्नेछ। सेप्टेम्बर १२ मा सेमीफाइनल र सेप्टेम्बर १४ मा फाइनल खेलिनेछ।

सबै खेल खेल श्रीलंकाको स्थानीय समय ९:३० बजे बिहान अर्थात नेपालको समय ९:४५ बजे सुरु हुनेछ।

१५ सदस्यीय नेपाली टिम :- रोहित पौडेल ( कप्तान )  , रित गौतम , पवन सर्राफ, आसिफ शेख, सन्दिप जोरा, भिम शार्की, हरि बहादुर चौहान, कुशल मल्ल, राशिद खान, कमल सिंह ऐरी, सागर ढकाल, खडक बोहरा, सुर्य तामांग, लोकेश बम , प्रतिस जिसी