पहिलो दिन समाप्तिमा एमसीसी बलियो



नेपाल र एमसीसी बीच टिय जारि तिन दिवसीय प्रथम श्रेणी अन्तर्गत पहिलो दिन सम्पन्न भएको छ। खराब प्रकासको कारण पहिलो दिन ८७ ओभर मात्र खेल सम्भव भयो। टस जितेर नेपालले पहिले फिल्डिंग रोजेको थियो।

दिनको समाप्तिमा एमसीसीले ८७ ओभरमा ६ विकेट गुमाएर ३११ रनको योगफल तयार गर्यो। यासिर अराफात ३५ तथा एलेक्स थोम्पसन २२ रन बनाएर अविजित रहेका छन्।

खेल पछि प्रतिक्रिया दिने क्रममा कप्तान ज्ञानेन्द्र मल्लले नेपाली टिम तिन दिवसीय फर्म्याटमा सिक्ने क्रममा रहेको बताए। नौलो फर्म्याट भएकोले पहिलो दिन खेलाडीहरुलाई मुस्किल भएको उनले बताए। उनले दोश्रो दिन एमसीसीलाई चाडै आउट गरेर राम्रो ब्याटिंग गर्ने लक्ष्य रहेको बताए।

एमसीसीको लागि ओपनर विल रोड्सले सर्वाधिक ७३ रन बनाए। उनले ११० बलमा १२ चौका प्रहार गरे।

पहिलो विकेटको रुपमा बिल गडलम्यान १० रन बनाएर आउट भएपछि दोश्रो विकेटको लागि रोड्सले टम वेस्टलेले ९४ रनको साझेदारी गरे। दोश्रो सेसनको सुरुवातमा सोमपालले रोड्सलाई बोल्ड गर्दै साझेदारी तोडे। ३९ रन बनाएका टम वेस्टलेलाई अफ स्पिनर शरद भेसावकरले एलबिडब्लु आउट गरे।

चौथो विकेटको लागि माइल्स ह्यामन्ड र विल भान्डर्स्परले ४९ रनको साझेदारी गरे। शरदले ५२ रन बनाएका ह्यामन्डलाई बोल्ड गर्दै नेपाललाई हावी गराए। त्यसपछि १७ रन बनाएका एड योङ्गलाई सन्दिप लामिछानेले क्याच आउट गराए। ५३ रन बनाएर भान्डर्स्पर पनि सन्दिपबाट एलबिडब्लु आउट हुन पुगे।

सातौँ विकेटको रुपमा साझेदारी गर्दै पुर्व पाकिस्तान क्रिकेटर यासिर अराफात र एलेक्स थोम्पसनले योगफल ३०० पार गराए।

९६ ओभरको खेल हुने बताईएता पनि खराब प्रकासका कारण ब्याट्सम्यानहरु खेल्न नमानेपछि ८७ ओभर मात्र खेल सम्भव भयो।

नेपालको बलिङ्गमा सोमपाल कामि ( १६-२-४९-२ ) , सन्दिप लामिछाने ( २५-२-८१-२ ) र शरद भेसावकर ( १०-१-३५-२ ) ले समान २/२ विकेट लिए। करन केसी, आरिफ शेख, ललित राजबंशी, दिपेन्द्र ऐरि विकेट विहिन रहे। सबैभन्दा महँगो सावित भएका पवन सर्राफले ५ ओभरमा ३६ रन खर्चिए।

खेलमा शरद भेसावकर बाहेक अन्य १० खेलाडीहरुले नेपालको लागि डेब्यु गरे। सोमपाल कामिले यस अघि श्रीलंकाको घरेलु क्रिकेट खेल्दा प्रथम श्रेणी क्रिकेट खेलेता पनि नेपालको लागि डेब्यु गरेका थिएनन्। शरदले २००५ र २००६ को इन्टर कन्टिनेन्टल कप खेलेका थिए।

कप्तान ज्ञानेन्द्र मल्ल, आरिफ शेख, बिनोद भण्डारी, दिपेन्द्र ऐरि, करन केसी, ललित राजबंशी, पवन सर्राफ, राजु रिजाल, सन्दिप लामिछानेले प्रथम श्रेणीमा डेब्यु गरे। सबैलाई टिमका मुख्य प्रशिक्षक उमेश पटवालले डेब्यु क्याप दिएका थिए।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]