पाकिस्तान सुपर लिग ड्राफ्टमा ८ नेपाली खेलाडी, पढ्नुस कति छ मूल्य



आगामी वर्ष २०२० फेब्रुवरी २० देखि २२ मार्च सम्म आयोजना हुने पाँचौ सिजनको पाकिस्तान सुपर लिग ( पीएसएल ) ड्राफ्टमा ८ जना नेपाली खेलाडी परेका छन्। पीएसएलको ड्राफ्ट डिसेम्बर ६ र ७ तारिकमा आयोजना हुँदैछ।

ड्राफ्टमा सन्दिप लामिछाने सहित, पारस खड्का, बिनोद भण्डारी, शरद भेसावकर, रोहित पौडेल, सोमपाल कामि, दिपेन्द्र ऐरि र आरिफ शेख रहेका छन्।

सन्दिप प्लाटीनम क्याटेगरीमा परेका छन् जुन सबै भन्दा माथिल्लो हो। यो क्याटेगरीमा काइरन पोलार्ड, डेल स्टेन, राशिद खान, सुनिल नारायण, ड्वेन ब्राभो, मोइन अलि जस्ता खेलाडीहरु रहेका छन्।

सन्दिप बाहेक अन्य सबै ७ खेलाडीहरु विदेशी खेलाडी अन्तर्गत सिल्भर क्याटेगरीमा रहेका छन्। यो सुचीमा धेरै एसोसिएट राष्ट्रका खेलाडी पनि रहेका छन् भने अन्तर्राष्ट्रिय क्रिकेटमा कम नाम चलेका खेलाडीहरु रहेका छन्।

पाकिस्तान सुपर लिग ड्राफ्टको लागि नेपाल क्रिकेट संघले पवन सर्राफ, करन केसी, बिनोद भण्डारी, ललित राजबंशी र आरिफ शेखको नाम सिफारिस गरेको थियो। ५ मध्ये बिनोद र आरिफ ड्राफ्टमा परेका छन्। अन्य खेलाडीहरु भने एजेन्ट मार्फत ड्राफ्टमा पुगेका हुन्।

सन्दिप लामिछाने, पारस खड्का र सोमपाल कामि बाहेक अन्य नेपाली खेलाडीहरुले हालसम्म व्यवसायिक विदेशी लिगहरु खेलेका छैनन्। सन्दिप विश्वभर लिग खेलीरहेका छन् भने पारस पहिलो पटक अहिले युएईमा जारि टि-१० लिग खेलीरहेका छन्।

सोमपालले यसै वर्ष क्यानडामा सम्पन्न ग्लोबल टि-२० लिग खेलेका थिए। सन्दिपले गत वर्ष पाकिस्तान सुपर लिग लाहोर कलन्दर्सबाट खेलेका थिए। उक्त सिजन उनले ७ खेल खेल्दा ११ विकेट लिएका थिए। लाहोर प्लेअफ पुग्न असफल भएको थियो जसले लिग अंक तालिकामा १० खेलमा ३ जित र ७ हार बेहोरेको थियो।

पाकिस्तान सुपर लिगको एउटा टिममा १६ देखि अधिकतम १८ खेलाडी हुनु पर्ने नियम रहेको छ। त्यस मध्ये प्लाटिनम, डायमण्ड, गोल्डबाट समान ३/३ जना, सिल्भर क्याटेगरीबाट ५ जना, २ जना इमर्जिंग क्याटेगरीबाट तथा २ जना सप्प्लिमेन्त्ट्रिबाट ( अप्सनल ) राख्नु पर्छ। सबै टिमहरुले पहिलो ९ खेलाडी छनौट गर्दा ३ जना विदेशी खेलाडी छनौट गर्नु पर्नेछ। १६ जनाको टिममा ५ जना विदेशी खेलाडी तथा ११ जना लोकल खेलाडी हुनु पर्नेछ भने १८ जनाको टिम भए ६ विदेशी र १२ लोकल खेलाडी राख्नु पर्नेछ।

कुन क्याटेगरीको खेलाडीको कति मुल्य ? 

सन्दिप लामिछाने रहेको प्लाटिनम क्याटेगरीको खेलाडीको मूल्य ड्राफ्टमा सबै भन्दा उच्च रहेको छ। यदी सन्दिप छनौट भए करिब १ करोड ६८ लाख देखि २ करोड ४९ लाख रुपयाँ ( १ लाख ४७ हजार डलर – २ लाख १८ हजार डलर ) सम्म पाउनेछन्।

सन्दिप बाहेक अन्य नेपाली खेलाडीहरु रहेको सिल्भर क्याटेगरीको खेलाडीको मूल्य १५ हजार डलर देखि ३५ हजार डलर रहेको छ। अर्थात १७ लाख देखि ४० लाख रुपैयाँ रहेको छ।

पीएसएलमा इस्लामाबाद युनाइटेड, कराँची किंग्स, लाहोर कलन्दर्स, मुल्तान सुल्तान्स, पेशावर जाल्मी र क्वेटा ग्ल्याडीएटर्स गरि ६ टिम रहेका छन्। गत सिजन लिगको उपाधि क्वेटा ग्ल्याडीएटर्सले जितेको थियो।

पाकिस्तान सुपर लिगको पुरा सिजन यो पटक पाकिस्तानमै आयोजना गर्ने बताईएको छ। यस अघि अधिकांश खेलहरु युएईमा खेलिन्थ्यो भने अन्तिम खेलहरु पाकिस्तानमा गर्ने गरिएको थियो।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]