पिपिएलमा आज : उपाधि दाबेदार पारसको चितवन बिरुद्ध सोमपालको ब्लास्टर्स खेल्दै



पोखरा प्रिमियर लिग ( पिपिएल ) टि-२० अन्तर्गत पाँचौ दिन विहीबारको एक मात्र खेल पारस खड्का कप्तानीको चितवन राइनोज र सोमपाल कामि कप्तानीको बुटवल ब्लास्टर्सले प्रतिस्पर्धा गर्दैछन्। पोखरा रंगशाला स्थित क्रिकेट मैदानमा हुने खेल ११:३० बजे सुरु हुनेछ।

प्रतियोगितामा यस अघि चितवन र बुटवलले एक एक खेल मात्र खेलेका छन् जसमा दुवै टिमले जित निकालेको थियो। यस क्रममा बुटवलले काठमाडौँ गोल्डेन वारियर्सलाई सुपर ओभरमा पराजित गरेको थियो। यस्तै चितवनले डिफेन्डिङ च्याम्पियन पोखरा पल्टनलाई ६ विकेटले पराजित गरेको थियो।

आजको खेलमा जित हाँसिल गर्दै चितवन र बुटवल दुवै अंकतालिकाको शिर्ष स्थानमा उक्लदै प्ले-अफको लागि बलियो दाबेदारी प्रस्तुत गर्न चाहन्छ।

कस्तो छ बुटवल ब्लास्टर्स

पहिलो खेलमा सुपर ओभरमा काठमाडौँलाई पराजित गर्दै जित निकालेको बुटवलको बास्तविक परिक्षा उपाधि दाबेदार टिम चितवन राइनोजसंग हुनेछ।

ठुला नामहरु धेरै नभएता पनि सोमपाल को टिम सन्तुलित रहेको छ। पहिलो खेलमा नायक बनेका अविनाश बोहरा टिमको प्रमुख खेलाडी हुन् जसले काठमाडौँ बिरुद्ध सुपर ओभरमा मात्र २ रन खर्चेर सनसनीपूर्ण प्रदर्शन गरेका थिए। यस्तै विदेशी खेलाडी भारतीय हर्ष टोन्कले पहिलो खेलमा ४५ रन बनाउदै लय देखाउनु सकारात्मक पक्ष हो।

भिम शार्की, सोमपाल कामि, हरि बहादुर चौहान र पहिलो खेलमा राम्रो प्रदर्शन गरेका शिभम सिंह रहेको मध्यक्रम बलियो देखिन्छ। अफ्ताबुद्दीन एहमद र शंकर रानाको ओपनिंग जोडीबाट टिमले अझ बढी आशा गर्नेछ।

सोमपाल कामिले बलिंग गर्न नसकेता पनि टिममा ललित भण्डारी, हरि बहादुर चौहान र अविनाश बोहरा तिब्र गति बलिंग गर्न सक्षम छन्। यस्तै युवा देब्रे हाते स्पिनर नितेश थापाले पहिलो खेलमै देखाएको लयले राम्रो संकेत गरेको छ। हर्ष टोन्क, बिपिन खत्री समेत रहंदा बलिंग अप्सनको कमि टिममा छैन।

बुटवल ब्लास्टर्स टिम – सोमपाल कामी (कप्तान), मोहम्मद संसाद शेख, सिद्धान्त लोहनी, हरि बहादुर चौहान, ललित भण्डारी, शंकर राना, पुरन बिक, हसिम अन्सारी, भिम सार्की, अभिनास बोहोरा, नितेश थापा, बिपिन खत्री, शेर मल्ल र कमल खत्री, विदेशी खेलाडी – अफ्ताब उदीन, शिवम सिंह र हर्ष टोन्क

कस्तो छ चितवन राइनोज 

स्टार खेलाडीहरुको लर्को रहेको पारस कप्तानीको चितवन यो पटक उपाधि वाहेक कम जित्ने सोचेको छैन। डिफेन्डिङ च्याम्पियन पोखरा पल्टनलाई पहिलो खेलमा पराजित गरेपछि टिम शतप्रतिशत जित निकाल्दै लिग जित्ने दौडमा छ।

पहिलो खेलमा उत्कृस्ट प्रदर्शन गरेका संन्नी पटेल, रोहन मुस्तफा र बाबर हायात जस्ता विदेशी खेलाडी रहेको टिममा पारस खड्का, आरिफ शेख, करन केसी जस्ता नामहरु पनि रहेका छन्। यति धेरै म्याच जिताउन सक्ने खेलाडीहरु रहेको टिम पिपिएलमा अरु छैन।

सन्नी पटेल ब्याट र बल दुवैबाट खेल जिताउन सक्छन्

पहिलो खेलमा शानदार लय देखाएका बाबर हायातले अन्य खेलाडी संघर्ष गरिरहेको पिचमा ४२ बलमा ६६ रन बनाउदै आफुलाई अब्बल साबित गरिसकेका छन्। सन्नी पटेलले अविजित २२ रन तथा महत्वपूर्ण २ विकेट लिंदै आफुलाई उत्कृस्ट अलराउण्डरको रुपमा प्रस्तुत गरेका छन्।

चितवनको मजबुत पक्ष ब्याटिंग हो किनकि उसको ९ नम्बरसम्म ब्याटिंग गर्न सक्षम खेलाडीहरु रहेका छन्। रोहन मुस्तफा, अनिल साह, बाबर हायात, पारस खड्का, आरिफ शेख, सन्नी पटेल, सुमित महर्जन, करन केसी , भुवन कार्की सम्म ब्याट्सम्यान छन्। बिक्रम भुसाल र बिक्रम सोब दुवै ब्याटिंग राम्रो गर्न सक्छन्।

बलिंग अप्सनको पनि चितवनलाई कमि छैन। सन्नी पटेल, रोहन मुस्तफा, करन केसी, बिक्रम सोब, पारस खड्का, भुवन कार्की, बिक्रम भुसाल जस्ता खेलाडीहरु बलिंग अप्सनमा रहंदा ब्याटिंग जस्तै बलिंगमा पनि चितवन बलियो छ।

टिम चितवन राइनोज : पारस खड्का (कप्तान), अनिल कुमार शाह, भुवन कार्की, हरि शंकर शाह, करन केसी, आरिफ शेख, रामनरेश गिरी, सोनु तामाङ, सुमित महर्जन, विक्रम शोब र विक्रम भुसाल, विदेशी खेलाडी – सन्नी पटेल, बाबर हायत र रोहन मुस्तफा





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]