पिपिएल : चितवनको लगातार तेश्रो जित



पोखरा प्रिमियर लिग अन्तर्गत पारस खड्का कप्तानीको चितवन राइनोजले धनगढी ब्लुजलाई ५२ रनले पराजित गर्दै लगातार तेश्रो जित हात पार्दै अपराजित यात्रा कायम राखेको छ। २ खेल अगावै चितवनले प्ले-अफ पुग्ने संभवाना बलियो बनाएको छ।

धनगढी भने तेश्रो खेलमा दोश्रो हार बेहोरेपछि अंकतालिकाको पुछारमा यथावत रहेको छ। चितवन ६ अंक सहित शिर्ष स्थानमा कायम छ।

खेलमा चितवनले दिएको १८२ रनको लक्ष्य पचाउने क्रममा धनगढीले २० ओभरमा ८ विकेट गुमाएर १२९ रन मात्र बनाउन सक्यो।

धनगढीको लागि कप्तान दिपेन्द्र ऐरीले सर्वाधिक ४९ रन बनाए जुन क्रममा ४२ बलमा ४ चौका र २ छक्का प्रहार गरे। यस्तै रोड्रीगो थोमसले २४, सन्दिप जोराले २१ रन बनाए।

दोश्रो इनिंगको पहिलो दुइ बलमा धनगढीले २ विकेट गुमाएको थियो। शुबेन्दु पाण्डे पहिलो बलमै रन आउट हुन पुगे जसपछि विजयरत्नेलाई करन केसीले एलबिडब्लु आउट गरेका थिए।

त्यसपछि तेश्रो विकेटको लागि दिपेन्द्र ऐरी र रोड्रीगो थोमसले ५५ रनको साझेदारी गर्दै धनगढीलाई उकासे। तर आठौँ ओभरमा सन्नी पटेलले थोमस र सन्दिप रजालीको लगातार बलमा विकेट लिंदै चितवनलाई खेलमा हावी गराएका थिए।

सन्नी पटेलले २ विकेट लिए

चितवनको बलिंगमा भुवन कार्कीले सर्वाधिक ३ विकेट ( ४-०-२३-३ ) हात पारे भने सन्नी पटेल र करन केसीले २/२ विकेट लिए।

खेलमा टस जितेर ब्याटिंग रोजेको चितवनले २० ओभरमा ५ विकेट गुमाएर १८१ रनको योगफल तयार गरेको थियो।

चितवनको लागि आरिफ शेखले सर्वाधिक ४७ रन बनाए जुन क्रममा २० बलमा २ चौका र ४ छक्का प्रहार गरे। यस्तै बाबर हायातले २८ बलमा ३ चौका र २ छक्का मदतले ३६ तथा सन्नी पटेलले ३ छक्का र १ चौका मदतले अविजित ३२ रन बनाए। पारस खड्काले १५ बलमा २ चौका र १ छक्का मदतले २३ रन बनाए।

एक समय १५ ओभरमा १०९/५ को योगफल पुगेको चितवनलाई छैठौं विकेटको लागि सन्नी पटेल र आरिफ शेख शेखले आक्रामक ब्याटिंग गर्दै ठुलो योगफलतर्फ डोर्याएका थिए। दुवैले ७२ रनको साझेदारी गरे।

धनगढीको लागि अनिल खरेल र दिपेन्द्र ऐरीले समान २/२ विकेट लिए भने अमित यादबले १ विकेट लिए।

खेलको प्लेयर अफ द म्याच आसिफ शेख चुनिए।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]