पिपिएल : प्रतिस्पर्धात्मक खेलमा धनगढीद्वारा बिराटनगर ५ रनले पराजित



पोखरा। दोस्रो संस्करणको पोखरा प्रिमिएल लिग पीपीएल अन्तर्गत सोमबारको पहिलो खेलमा धनगढी ब्लुज ले विजयी सुरुवात गरेको छ । पोखरा क्रिकेट रङ्गशालामा भएको सोमबारको पहिलो खेलमा धनगढिले बिराटनगर टाईटन्सलाई ५ रनले हराउँदै विजयी सुरुवात गरेको हो ।

खेलमा धनगढी ब्लुजले दिएको ११८ रनको लक्ष्य पछ्याएको बिराटनगरले ९ विकेट गुमाउँदै ११२ रन मात्र बनाउन सक्यो। बिराटनगरको सुरुवाती क्रम चुक्दा बिराटनगर खेलमा फर्कन सकेन। बिराटनगरका लागि राजु रिजालले सर्वाधिक २५ रन बनाएका थिए । सुनिल धमलाले १८ रन बनाउनु बाहेक अरुको प्रदर्सन राम्रो रहेन।

ओपनिङ्गमा आएका मुहम्मद जेद आलम र दिलिप नाथ अंक नखोली आउट भए। आलम कमल सिङ् ऐरीको बलमा आउट भएका थिए भने दिलिप नाथलाई धनगढीका कप्तान दीपेन्द्रले उत्कृष्ट रन आउट गराएका थिए।

बिराटनगरका कप्तान प्रदिप ऐरीलाई धनगढ़िका सागर ढकालले पभेलिएनको दिशा देखाए। २९ बलमा १० रन बनाएका ऐरॆलाई ढकालले अमित यादवको हात बाट क्याच आउट गराएका थिए। यस्तै २१ बलमा १८ रन बनाएर खेलिरहेका सुनिल धमला अनिल खरेलको बलमा क्याच आउट भए। यस्तै २५ रन बनाएका राजु रिजाललाई अमित यादवले कमल सिंह ऐरीको हात बाट क्याच आउट गराए । साथै पुनित मेहेरा १५ रन बनाएर आउट भए । किशोर महतो ८ रन बनाएर दिपेन्द्रको बलमा बोल्ड हुन पुगे ।

धनगढ़िका लागि कप्तान दिपेन्द्र सिंह ऐरीले सर्वाधिक ३ विकेट हात पारे। अन्तिम ओभरमा बिराटनगरलाई जितको लागि १५ रन आवस्यक हुँदा बलिंग गर्न आएका ऐरीले ओभरमा २ विकेट लिए। ऐरीले ४ ओभरमा १ मेडन ओभर गर्दै मात्र ३ रन खर्चिए। यस्तै सागर ढकालले २ विकेट हात पारे । कमल सिङ् ऐरी, अनिल खरेल र अमित यादवले समान १-१ विकेट लिए।

यसघि पोखरा क्रिकेट रङ्गशालामा टस हारेर पहिले ब्याटिङ गरेको धनगढीले ८ विकेटको नोक्सानीमा ११७ रन बनाएकोे थियो । ओपनर सन्दीप सुनार ३ रन बनाएर खेलिरहँदा किशोर महतोको बलमा जितेन्द्र मुखियाको हातबाट क्याच हुन् पुगेका थिए। यस्तै ओपनिङमा आएका रोड्रिगो थोमस १६ रन बनाएर पवेलियन फर्किए। उनलाई नोमान खानले मुहम्मद आलमको हात बाट क्याच आउट गराएका थिए।

कप्तान दिपेन्द्र सिंह ऐरी गोल्डेन डक आउट भएका थिए। उनलाई साहब आलमले आउट गराएका थिए। यस्तै अर्का विष्फोटक ब्याटसम्यान श्रीमंथ विजेरत्ने २५ रन बनाएर आउट भए। उनलाई पुनित मेहेराले आउट गराए।

सन्दीप जोरा १४ बलमा ७ रन बनाउदै आउट हुन् पुगे। उनि साहब आलमको शिकार बने। १५ बलमा ११ रन बनाएर खेलिरहेका मन्जित श्रेष्ठ मुहम्मद जेड आलमको शिकार बन्न पुगे। १८ बलमा १२ रन बनाएर क्रीजमा जमेर खेलिरहेका सौरभ खनाल नोमान यादवले आउट गराए ।

धनगढिका लागि कमल ऐरिले सर्वाधिक २६ बनाए भने सागर ढकालले १ रन बनाए। ऐरीले नवौं नम्बरमा ब्यतिग गर्दै २१ बलमा २ चौका र २ छक्का प्रहार गरे।

बिराटनगरका लागि साहब आलमले सर्वाधिक ३ विकेट लिए जुन क्रममा ४ ओभरमा ३० रन खर्चिए। यस्तै नोमान खानले २५ रन खर्चेर २ विकेट लिए । किशोर महतो,मुहम्मद जेद आलम र पुनित मेहेराले समान १-१ विकेट लिन सफल भए ।

लिग अन्तर्गत आज दोश्रो खेलमा काठमाडौँ गोल्डेन र बुटवल ब्लास्टर्सले प्रतिस्पर्धा गर्नेछन्। 





थप समाचार

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]