“प्रतिस्पर्धात्मक खेल खेल्न सकेनौं” कप्तान मल्ल



बंगलादेशमा सम्पन्न एसीसी इमर्जिङ्ग टिम्स एसिया कपको पहिलो चरणबाट बाहिरिएपछि नेपाली टिम मंगलबार स्वदेश फर्किएको छ।

प्रतियोगिता अन्तर्गत समुह ‘बि’ मा रहेको नेपालले ३ खेल खेल्दा हंगकंगसंग जित हाँसिल गर्यो भने भारत र बंगलादेशसंग हार बेहोर्यो। समुहमा बंगलादेश र भारत पछि तेश्रो भएको नेपाल दोश्रो चरण पुग्न सकेन।

पारस खड्काले कप्तानी छोडेपछि पहिलो पटक ठुलो प्रतियोगितामा कप्तानी सम्हालेका ज्ञानेन्द्र मल्लले प्रतियोगितामा आफ्नो व्यक्तिगत तथा टिमको प्रदर्शन सन्तोषजनक नभएको प्रतिक्रिया दिएका छन्।

“हामीले प्रतिस्पर्धात्मक खेल खेल्न सकेनौं। बंगलादेश निकै बलियो टिम थियो जो बिरुद्ध हामीले २०० रन पनि बनाउन सकेनौ। भारत बिरुद्ध अझ धेरै रन बनाउन सकिन्थ्यो”

नेपालले ३ खेल खेल्दा हंगकंगसंग जित हाँसिल गर्यो भने भारत र बंगलादेशसंग हार बेहोर्यो।

“हामीलाई अझ ठुलो टिमसंग म्याच एक्सपोजर चाहिन्छ , राम्रो टिमसंग राम्रो विकेटमा खेल्ने हो भने ब्याटिंग सुधार हुन्छ”

मल्लले आफ्नो व्यक्तिगत प्रदर्शन नराम्रो भएको पनि स्वीकारे। भारत र हंगकंगसंग खाता नखोली आउट भएका मल्लले बंगलादेशसंग २२ रन मात्र बनाउन सकेका थिए।

“दुर्भाग्य, व्यक्तिगत प्रदर्शन राम्रो हुन सकेन, सुरुमै आउट भए। तथापी कप्तानीको दबाबले भने त्यस्तो भएको हैन।”

मल्लले मङ्सिर १५ देखि नेपालमा आयोजना हुने सागमा नेपालको लक्ष्य स्वर्ण पदक जित्ने रहेको बताए।  सागमा नेपाल सहित बंगलादेश, श्रीलंका, माल्दिभ्स र भुटान सहभागी हुँदैछन्। भारत र पाकिस्तानले क्रिकेटमा सहभागिता जनाउने छैन। सागको लागि नेपाली राष्ट्रिय टिमको घोषणा भइसकेको छ। विस्तृतमा पढ्नुस 

सागको लागि घोषित नेपाली टिम : ज्ञानेन्द्र मल्ल ( कप्तान ) , दिपेन्द्र ऐरि , पारस खड्का, करन केसी, सोमपाल कामि, सन्दिप लामिछाने, बिनोद भण्डारी, अविनाश बोहरा, सुशन भारि, कुशल भुर्तेल, सन्दिप जोरा, आरिफ शेख, पवन सर्राफ, ललित राजबंशी, रासिद खान

अतिरिक्त खेलाडी :- रोहित पौडेल, भिम शार्की, सागर ढकाल





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]