प्रम कप : एपीएफ सेमिफाइनलमा



प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा आफ्नो स्थान सुरक्षित पारेको छ।

किर्तिपुर स्थित टियु मैदानमा सम्पन्न खेलमा २१८ रनको मध्यम लक्ष्य पछ्याएको कर्णालीले ४३.२ ओभरमा सम्पुर्ण विकेट गुमाएर मात्र १४७ रन बनाउन सक्यो। उसको लागि हेमन्त ओलीले १०२ बलमा ४ चौकाको मद्धतमा सर्वाधिक ५८ रन बनाए भने अन्य ब्याट्सम्यानले उल्लेखनीय प्रदर्शन गर्न सकेनन्।

लक्ष्य पछ्याउने क्रममा ओपनर बिपिन रावल (७) र निश्चल रावल (२) छिट्टै आउट भए। त्यसपछि क्रिजमा आएका हेमन्तले कप्तान रबिन्द्र शाहीसंग तेश्रो विकेटको लागि ३४ रनको साझेदारी गरे।

हेमन्त ओलीले सर्वाधिक ५८ रन बनाए

रबिन्द्रलाई (१४) १४ औं ओभरमा बसन्त रेग्मीले बोल्ड गरे। त्यसपछि हेमन्तले हिमांशु शाहीसंग अर्धशतकीय साझेदारी गर्दै योगफल १०० पार गराए। खतरनाक बन्दै गएको ५६ रनको साझेदारी ३१ औं ओभरमा हेमन्तलाई सन्दिप जोराले रन आउट गर्दै तोडे जसपछि एपीएफ खेलमा फर्कियो। १२०/५ को स्थितिबाट एपीएफको बलरहरु खेलमा हावी हुँदा कर्णाली १४७ रनमा समेटिएको थियो।

एपीएफको बलिंगमा किशोर महतो र वसन्त रेग्मीले समान ३ विकेट लिए। भुवन कार्कीले २ तथा शरद भेषावकरले १ विकेट हात पारे।

यस अघि खेलमा टस जितेर ब्याटिंग रोजेको एपीएफले ४९.५ ओभरमा सम्पूर्ण विकेट गुमाएर २१८ रन बनाएको थियो।

एपीएफको लागि सन्दिप जोराले सर्वाधिक ६० रन बनाए जुन क्रममा ७६ बलमा ५ चौका र २ छक्का प्रहार गरे। अमर सिंह रौटेलाले ३१, सुबास खकुरेलले २३, शंकर रानाले १५, बसन्त रेग्मीले १४ तथा किशोर महतोले अविजित १३ रन बनाए।

सन्दिप जोराले अर्धशतकीय पारि खेले

सुरुवात देखि नियमित अन्तरलमा विकेट गुमाएको एपीएफले ६७ रनको योगफलम ५ विकेट गुमाएको थियो। छैठौं नम्बरमा ब्याटिंग गर्न आएका सन्दिप जोराले अमर सिंह रौटेलासंग छैठौं विकेटको लागि ७८ रनको साझेदारी गर्दै टिमको योगफल १५० पार गराएका थिए। जोरालाई ४३ औं ओभरमा कर्णालीका कप्तान रबिन्द्र शाहीले क्याच आउट गराए।

कर्णाली प्रदेशको बलिंगमा अनुज चुनरा र रबिन्द्र शाहीले समान ३ विकेट लिए। दिवान पुन र राज शाहले समान २ विकेट लिए। स्कोरकार्ड 





थप समाचार

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]

पीएसएल : सन्दिप आवद्ध लाहोरको शानदार जित

पाकिस्तान सुपर लिग अन्तर्गत आइतबार राति सम्पन्न ११ औं खेलमा नेपाली लेग स्पिनर सन्दिप लामिछाने आवद्ध लाहोर कलन्दर्सले कराची किंग्सलाई […]

लिटल फ्लावर प्रिमियर लिग : शारदा र होल्याण्ड विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग अन्तरगत आज भएका खेलमा शारदा विद्या […]

एभरेस्ट प्रिमियर लिगको नयाँ मिति सार्वजनिक

नेपाली फ़्रेन्चाइज् टि-२० क्रिकेट लिग एभरेस्ट प्रिमियर लिगको चौथो संस्करणको नयाँ मिति सार्वजनिक गरिएको छ। गत वर्ष चैत्र १ गते […]

PSL 2021 : Sandeep Lamichhane joins Lahore Qalandars as a replacement of Rashid Khan

Nepal’s 20-year-old spin prodigy Sandeep Lamichhane departs towards Karachi today at 11:00 PM to participate in the ongoing 6th edition […]

पीएसएल : कप्तान रियाजले उत्कृस्ट बलिंग गर्दा पेशावरको सहज जित

कप्तान वहाव रियाजले उत्कृस्ट बलिंग गर्दा इश्लामावाद युनाइटेडलाई ६ विकेटले पराजित गर्दै पेशावर जाल्मी पाकिस्तान सुपर लिग ( पीएसएल ) […]