फिक्सिंगको आरोप प्रमाणित हुँदा हंगकंग क्रिकेटर इरफान र नदीमलाई आजीवन प्रतिबन्ध



हंगकंग रास्ट्रिय क्रिकेटर इरफान एहमद र नदीम एहमदलाई अन्तर्राष्ट्रिय क्रिकेट काउन्सिलले म्याच फिक्सिंगको आरोपमा आजीवन प्रतिबन्ध लगाएको छ। यही आरोपमा अर्का हंगकंग क्रिकेटर हसिब अमजदलाई ५ वर्षे प्रतिबन्ध लगाएको छ।

यस अघि पनि ३ जना खेलाडीलाई आईसीसीले २०१४ को विश्वकप छनौटमा स्कटल्याण्ड र क्यानडा बिरुद्ध फिक्सिंग गरेको आरोपमा प्रतिबन्ध लगाएको थियो। इरफान आईसीसीको एन्टी करप्सन कोड अन्तर्गत ९ वटा आरोपमा दोषी प्रमाणित भएका छन् भने उनका आफ्नै भाइ नदीम र अमजद ३ वटामा आरोपमा दोषी पाइएको छ।

क्रिक्इन्फोका अनुसार २०१४ विश्वकप छनौट पछि नदीम भाइले २०१६ टि-२० विश्वकपको खेलहरुमा तथा २०१४ टि-२० विश्वकपको जिम्बाबे बिरुद्धको अभ्यास खेलमा तथा २०१५ टी-२० विश्वकप छनौटमा पनि फिक्सिंग गरेका थिए।

आईसीसीले जारि गरेको प्रेस बिज्ञप्तिमा निकै लामो र जटिल अनुसन्धान पछि क्रिकेटरहरुले गरेको कर्तुत बाहिर ल्याउन सकेको लेखेको छ।

“हंगकंगले स्कटल्याण्ड र क्यानडासंग ( २०१४ विश्वकप छनौट ) खेलेको खेलको केहि ओभरहरु फिक्स गरेका थिए। उक्त खेल हंगकंगलेनै जितेको थियो र प्रतियोगिताको नतिजामा असर गरेको थिएन तर खेलाडीहरुले गरेको जस्तो सुकै प्रकारको फिक्सिंगलाई माफी दिन सकिदैन’ आईसीसीले बताएको छ।

हसिब अमजद

इरफान एहमदले हंगकंगको लागि ६ एकदिवसीय अन्तर्राष्ट्रिय र ८ टि-२० अन्तर्राष्ट्रिय तथा नदीमले २५ एकदिवसीय अन्तर्राष्ट्रिय र २४ अन्तर्राष्ट्रिय खेलेका थिए। यस्तै अमजदले ७ एकदिवसीय अन्तर्राष्ट्रिय र १८ टि-२० अन्तर्राष्ट्रिय खेलेका थिए।

अन्तिम पटक नदीम एहमदले एसिया कप २०१८ मा भारत बिरुद्ध खेलेका थिए। इरफानले भने २०१५ मा अन्तिम पटक खेलेका थिए। अमजदले २०१६ मा अन्तिम पटक खेलेका थिए।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]