बंगलादेशसंग नेपाल निरिह, दोश्रो हारसंगै नेपाल प्रतियोगिताबाट बाहिर



बंगलादेशमा जारि एसीसी इमर्जिङ्ग टिम्स एसिया कप प्रतियोगिता अन्तर्गत दोश्रो हार बेहोर्दै नेपाल समुह चरणबाटै बाहिरिएको छ।

पहिलो खेलमा भारतसंग ७ विकेटले पराजित भएको नेपालले दोश्रो खेलमा हंगकंगलाई ४० रनले पराजित गरेको थियो। सेमीफाइनल प्रवेश गर्न नेपालले बंगलादेशलाई पराजित गर्ने पर्ने थियो। समुह ‘बि’ बाट नेपाल र हंगकंग बाहिरियो भने भारत र बंगलादेश सेमीफाइनल प्रवेश गर्यो।

खेलमा पहिले ब्याटिंग गरेको नेपालले मात्र १३८ रन मात्रै बनाउन सक्यो। १३९ रनको लक्ष्य बंगलादेशले २४ ओभरमा मात्र २ विकेट गुमाएर सहजै पछ्यायो।

बंगलादेशको ब्याटिंगमा नज्मुल सान्टोले अविजित ५६ रन बनाए। उनले ५६ बलमा ६ चौका र २ छक्का प्रहार गरे। यस्तै ओपनर नैम शेखले ५६ बलमा ६ चौका मदतले ४५ रन बनाए। यासिर अलि चौधरीले अविजित १८ रन बनाए। ओपनर सौम्य सरकार ११ रन बनाएर आउट भए। नेपालको लागि २ वटा विकेट करन केसी र सुशन भारिले हात पारे।

नेपालको ब्याटिंग

टस हारेर ब्याटिंग गरेको नेपालले पहिले भन्दा राम्रो सुरुवात गर्यो। ज्ञानेन्द्र मल्ल र कुशल भुर्तेलले ३३ रनको साझेदारी गरे। सातौँ ओभरमा १० रनमा कुशल भुर्तेललाई सुमोन खानले क्याच आउट गरे पछि नेपालको विकेट पतन सुरु भयो। लगत्तै १ रन बनाएर शरद भेसावकर आउट भए। अघिल्लो २ खेलमा खाता नखोली आउट भएका कप्तान ज्ञानेन्द्र मल्ल पनि २२ रन बनाएर सुमोन खानकै शिकार भए। मल्लले २७ बलमा ४ चौका प्रहार गरे। ३३/० को अवस्थाबाट नेपाल ३५/३ को अवस्थामा पुग्यो।

त्यसपछि पनि नेपालको विकेट जाने क्रम रोकिएन। दिपेन्द्र ऐरि ६, आरिफ शेख ११, पवन सर्राफ, ९, सन्दिप जोरा ० तथा बिनोद भण्डारी ८ रन बनाएर आउट भए। नेपाल ८५/८ को नाजुक अवस्थामा पुग्यो।

नेपालको इनिंगलाई त्यसपछि सोमपाल कामि र करन केसीले सम्हाले। दुवैले नवौं विकेटको लागि ५० रनको साझेदारी गरे। ४७ बलमा करनले १ चौका र १ छक्का प्रहार गरे पछि ४४ औं ओभरमा आउट भए। त्यसपछि सोमपाल पनि अन्तिम विकेटको रुपमा ४४ औं ओभरमा आउट भए। सोमपालले ६३ बलमा ४ चौका मदतले ३८ रन बनाए।

बंगलादेशको बलिङ्गमा सायद मिन्हजुल अबेदीन ( १०-०-२९-३ ) , सुमोन खान ( ८.३-०-२९-३ ) ले समान ३/३ विकेट तथा तन्भिर इस्लाम ( १०-२-२६-२ ) र महदी हसन ( ९-१-२५-२ ) ले २/२ विकेट लिए।





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]