बंगलादेशसंग हार पछि क्रिकेटमा स्वर्ण सपना सकियो



१३ औं दक्षिण एसियाली खेलकुद अन्तर्गत लिग चरणको अन्तिम खेलमा नेपाल बंगलादेश यु-२३ संग ४४ रनले पराजित भएको छ।

पराजित भएसंगै नेपालको स्वर्ण पदक जित्न फाइनल पुग्ने सपना समाप्त भएको छ।

नेपालले कुल ४ खेल खेल्दा माल्दिभ्स र भुटानसंग जित हाँसिल गर्यो भने बंगलादेश यु-२३ र श्रीलंका यु-२३ संग हार बेहोर्यो। श्रीलंका र बंगलादेशले ३/३ वटा खेलमा जित हाँसिल गर्दै फाइनलमा स्थान पक्का गरेको छ। स्वर्ण पदकको लागि बंगलादेश र श्रीलंका आइतबार खेल्नेछन्। नेपालले भने अब कास्य पदकको लागि चौथो स्थानमा र माल्दिभ्स मध्ये एक टीमसंग खेल्नेछ।

टियु मैदान किर्तिपुरमा सम्पन्न खेलमा पहिले ब्याटिंग गर्दै बंगलादेशले दिएको १५६ रनको लक्ष्य पछ्याउने क्रममा नेपालले २० ओभरमा ९ विकेट गुमाएर १११ रन मात्र बनाउन सक्यो।

Gyanendra Malla ( File Photo )

नेपाललाई लक्ष्य सम्म पुग्न नदिन बंगलादेशी बलर सुमोन खान, तन्भिर इस्लाम, सौम्या सरकार, मेहेदी हसनले समान २/२ विकेट लिए।

नेपालको ब्याटिंगमा कप्तान ज्ञानेन्द्र मल्लले सर्वाधिक ४३ रन बनाए। ४३ बलमा उनले ३ चौका र १ छक्का प्रहार गरे। दिपेन्द्र ऐरीले १६ र अविनाश बोहराले १३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

नेपालको ब्याटिंग 

खेलमा टस जितेर नेपालले फिल्डिंग रोजेपछि ब्याटिंग गरेको बंगलादेशले निर्धारित २० ओभरमा ६ विकेट गुमाएर १५५ रन बनाएको थियो।

पहिलो ३ विकेट बंगलादेशले १६ रनको योगफलमा चौथो ओभरमा गुमाएको थियो। पारस खड्काले सबै ३ विकेट दिलाएपछि बंगलादेश दबाबमा आएको थियो। तर त्यसपछि कप्तान नज्मुल हुसेनले एक किनार सम्हाल्दै ब्याटिंग गरे।

नज्मुलले चौथो विकेटको लागि यासिर अलिसंग ४३ रनको साझेदारी गरे। यासिर १४ रन बनाएर आउट भएपछि नज्मुलले अफिफ हुसेनसंग चौथो विकेटको लागि ९४ रनको साझेदारी गरे। अफिफ ५२ रन बनाएर आउट भए जसले २८ बलमा ६ चौका र १ छक्का प्रहार गरे।

अविजित इनिंग खेल्ने क्रममा नज्मुल हुसेनले ६० बलमा ४ चौका र ४ छक्का मदतले ७५ रन प्रहार गरे।

नेपालको बलिंगमा पारस खड्काले सर्वाधिक ३ विकेट लिए जुन क्रममा ४ ओभरमा १५ रन खर्चिए। दिपेन्द्र ऐरीले २ तथा अविनाश बोहराले १ विकेट लिए।





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]