बाबर हायातले विस्फोटक ब्याटिंग गर्दा चितवनद्वारा पोखरा पराजित



पोखरा प्रिमियर लिग टि-२० ( पिपिएल ) अन्तर्गत तेश्रो दिन सम्पन्न एक मात्र खेलमा चितवन राइनोजले डिफेन्डिङ च्याम्पियन पोखरा पल्टनलाई पराजित गर्दै पहिलो जित दर्ता गरेको छ। पहिलो खेलमा काठमाडौँ गोल्डेन वारियर्सलाई ९ विकेटले पराजित गरेको पोखराले भने पहिलो हार बेहोरेको छ।

पोखरा स्थित पोखरा रंगशालाको क्रिकेट मैदानमा सम्पन्न खेलमा टस हारेर पहिले ब्याटिंग गर्दै पोखराले दिएको १०८ रनको लक्ष्य चितवनले १४.५ ओभरमा ४ विकेट गुमाएर पुरा गर्यो।

चितवनको जितमा बाबर हायातले उत्कृस्ट ब्याटिंग गरे। हंगकंग क्रिकेट टिमका पुर्वकप्तान समेत रहेका हायातले अविजित ६६ रन बनाए जुन क्रममा ४२ बलमा ४ छक्का र ६ चौका प्रहार गरे। सन्नी पटेलले अविजित १८ रन बनाए। पटेलले १८ बलमा २ छक्का र १ चौका हिर्काए।

सुरुवाती ४ विकेट थोरै अन्तरालमा गुमाएको चितवन एक समय ५८/४ को अवस्थामा रहेको थियो। सो अवस्थामा बाबर र सन्नीले चौथो विकेटको लागि ५० रनको साझेदारी गर्दै टिमलाई जित दिलाए।

यस अघि रोहन मुस्तफा ११ रन, अनिल साह ० , कप्तान पारस खड्का ४ रन तथा आरिफ शेख १ रनबनाएर आउट भएका थिए।

पोखराको बलिंगमा राशिद खान र सर्वजित लड्डाले २/२ विकेट लिए। महँगो सावित भएका भारतीय खेलाडी लड्डाले ४ ओभरमा ४८ रन खर्चिए।

राशिद खानले २ विकेट लिए

यस अघि टस हारेर ब्याटिंग गरेको पोखरा पल्टनले २० ओभरमा सबै विकेट गुमाएर १०७ रन बनाएको थियो।

कमजोर सुरुवात गरेको पोखराका ओपनर कुशल भुर्तेल ५ तथा आसिफ शेख १० रन बनाएर आउट भए। अघिल्लो खेलमा अर्धशतक बनाएका कुशललाई सन्नी पटेलले एलबिडब्लु आउट गरे भने आसिफलाई बिक्रम सोबले क्याच आउट गराए। १० रन बनाएर रभी इन्दर सिंह पनि पेभेलियन फर्किंदा पोखरा झनै दबाबमा पर्यो। उनलाई पारस खड्काले बोल्ड गरे।

अगतर विकेट गुमेता पनि शरद भेसावकरले एक किनार सम्हालेर धैर्यतापूर्वक ब्याटिंग गरे। तर अर्को किनारबाट लगातार विकेट जाने क्रम रोकिएन। बिनोद भण्डारी ७ रन, कुशल मल्ल १३ रन तथा रोहित पौडेल खाता नखोली आउट भए।

४५ रन बनाएर कप्तान शरद पनि १८ औं ओभरमा आउट भए। शरदलाई रोहन मुस्तफाले आफ्नै बलमा आफैले क्याच आउट गराए। शरदले ३९ बलमा ३ चौका र ३ छक्का प्रहार गरे। राशिद खानले १ छक्का मदतले १० रन बनाए।

शरद भेसावकरले ४५ रन बनाए

चितवनको बलिंगमा रोहन मुस्तफा, भुवन कार्की र सन्नी पटेलले समान २/२ विकेट हात पारे। रोहनले ४ ओभरमा २२ रन, सन्नीले ४ ओभरमा १५ रन तथा भुवनले ३ ओभरमा १६ रन खर्चिए। बिक्रम सोब, करन केसी र पारस खड्काले १/१ विकेट लिए।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]