बिक्रम सोबले अल-राउण्ड प्रदर्शन गर्दा आर्मी विजयी



बिक्रम सोबले अल-राउण्ड प्रदर्शन गर्दा प्रधानमन्त्री कप राष्ट्रिय टि-ट्वान्टी प्रतियोगितामा अन्तर्गत विभागीय टोलि त्रिभुवन आर्मी क्लबलेले सुदूरपश्चिम प्रदेशमाथि ३ विकेटको रोमान्चक जित गर्दा गरेको छ ।

आर्मीले आफ्नो पहिलो खेलमा कर्णालीलाई ६३ रनको जित निकालेको थियो भने पुलिस क्लबसँग ४ विकेटको हार बेहोरेको थियो । प्रदेश-१ सँग भने खेल वर्षाले प्रभावित भएपछि अंक बाढेको थियो । यस्तै, सुदूरपश्चिमले भने आफ्नो पहिलो खेलमा पुलिससँग २ रनको हार बेहोरेको थियो भने कर्णालीलाई ४७ रनले पराजित गरेको थियो ।

मुलपानी क्रिकेट मैदानमा भएको खेलमा ११६ रनको विजयी लक्ष्य पछ्याएको आर्मीले अन्तिम बलमा ७ विकेट गुमाएर पुरा गर्यो । उसका लागि ओपनर हरि चौहानले ३९ बलमा सर्वाधिक ३३ तथा बिक्रम सोबले मध्य क्रममा आएर २२ बलमा महत्वपूर्ण २९ रन बनाए । जितका लागि अन्तिम बलमा २ रनको आवश्यकता रहँदा शाहब आलमले छक्का प्रहार गर्दै आर्मीलाई सनसनीपूर्ण जित दिलाएका थिए ।

ओपनरद्वय हरि चौहान र भिम शार्कीले पहिलो विकेटको लागि ३१ रनको साझेदारी गरे । भिम १३ रन बनाएर आउट भएपछि आर्मीले निरन्तर अन्तरालमा विकेट गुमाउँन पुग्दा ९८/७ को दबाबपूर्ण अवस्थामा पुगेको थियो । त्यसपछि बिक्रम सोब र शाहब आलमले आठौँ विकेटको लागि अविजित २२ रनको साझेदारी गर्दै आर्मीलाई जित दिलाएका थिए ।

सुदूरपश्चिमको बलिंगतर्फ आदित्य मेहताले ( ४-०-१४-४ ) सर्वाधिक ४ तथा हेमन्त धामी, नारायन जोशी र शेर मल्लले समान १ विकेट लिए ।

यसअघि सुदूरपश्चिमले सम्पूर्ण विकेट गुमाएर ११५ रन बनाउँदै आर्मीलाई ११६ रनको विजयी लक्ष्य प्रस्तुत गरेको थियो । उसका लागि खडक बोहोराले ३७, बसन्त कार्कीले ३४ तथा विकेटकिपर ब्याट्सम्यान अर्जुन साउदले १५ रन बनाए ।

ओपनरद्वय गजेन्द्र बोहोरा र खडक बोहोरा १० रनमा आउट भएपछि खडक र कार्कीले तेस्रो विकेटको लागि ६२ रनको साझेदारी गर्दै सुदूरपश्चिमलाई प्रतिस्पर्धात्मक योगफलतर्फ डोर्याएका थिए । अन्तिममा मध्य क्रमका ब्याट्सम्यानहरु नचल्दा सुदूरपश्चिम विशाल योगफल बनाउँनबाट चुकेको थियो ।

आर्मीको बलिंगतर्फ बिक्रम सोबले ( ४-०-८-६ ) सर्वाधिक ६ विकेट लिए । यस्तै, कुशल मल्ल, हरि चौहान र शाहब आलमले समान १ विकेट लिए ।





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]