बिग ब्यास : सन्दिपले उत्कृस्ट बलिंग गर्दा स्टार्सको जित



अस्ट्रेलियामा जारि बिग ब्यास लिग अन्तर्गत सन्दिप लामिछानेको टिम मेलबर्न स्टार्सले मेलबर्न रेनेगेड्सलाई ८ विकेटले पराजित गरेको छ।

लिग अंकतालिकाको शिर्ष स्थानमा रहेको मेलबर्न स्टार्सको छैठौं खेलमा यो पाँचौ जित हो। रेनेगेड्स भने लगातार ६ खेलमा हार पछि अंकतालिकाको पुछारमा यथावत रहेको छ।

खेलमा टस हारेर ब्याटिंग गरेको रेनेगेड्सले दिएको १४३ रनको लक्ष्य स्टार्सले १८.५ ओभरमा मात्र २ विकेट गुमाएर पुरा गर्यो।

स्टार्सका ओपनर मार्कस स्टोइनिसले अविजित ६८ तथा कप्तान ग्लेन म्याक्सवेलले अविजित ४० रन बनाउदै टिमलाई जित दिलाएका थिए। स्टोइनिसले ५५ बलमा ७ चौका र १ छक्का तथा म्याक्सवेलले ३२ बलमा ३ चौका र १ छक्का प्रहार गरे।

यस अघि रेनेगेड्सले २० ओभरमा ९ विकेट गुमाएर १४२ रन बनाएको थियो। उसको लागि शन मार्शले सर्वाधिक ४३ रन बनाए। कप्तान आरोन फिन्चले २५ तथा बु वेबस्टरले २९ रन बनाए।

स्टार्सको बलिंगमा सन्दिप लामिछानेले सर्वाधिक ३ विकेट लिए भने डेल स्टेन र एडम जाम्पाले समान २/२ विकेट लिए। सन्दिपले ३ विकेट लिने क्रममा ४ ओभरमा २६ रन खर्चिए। यस क्रममा नेपाली स्पिनरले शन मार्श, ड्यानीयल क्रिस्टीयन र टम कुपरको विकेट लिए।

इनिंगको सातौँ ओभरमा बलिंग गर्न आएका सन्दिपले पहिलो ओभरमा ७ रन तथा त्यसपछि नवौं ओभरमा १२ रन खर्चेका थिए। २ ओभरमा १९ रन खर्चेर विकेटविहिन रहेपछि दोश्रो स्पेल गर्न १५ औं ओभरमा आएका सन्दिपले ओभरको तेश्रो बलमा शन मार्शलाई क्याच आउट गराएका थिए। बाउन्ड्रिमा बेन डंकले छक्का जोगाउदै डोरी भित्र फालेको बललाई कोल्टर नाइलले क्याच गरेका थिए। सोहि ओभरको पाँचौ बलमा सन्दिपले ड्यानीयल क्रिस्टीएनलाई स्टम्प आउट गर्दै दोश्रो विकेट लिएका थिए।


दोश्रो ओभरमा ४ रन खर्चेर सन्दिपले २ विकेट लिए।  त्यसपछि स्पेलको अन्तिम ओभर गर्ने क्रममा सन्दिपले १७ औं ओभरको अन्तिम बलमा टम कुपरलाई एलबिडब्लु आउट गरेका थिए। चौथो ओभरमा सन्दिपले ३ रन खर्चेर १ विकेट लिए।

सन्दिपले तिन विकेट लिनुका बाबजुद खेलको प्लेयर अफ द म्याच भने दुइ विकेट लिएका एडम जाम्पा चुनिए।

लिग अन्तर्गत सन्दिप लामिछानेले हालसम्म ५ खेल खेल्दा ६ विकेट लिएका छन्। मेलबर्न स्टार्सले आगामी खेल जनवरी ८ तारिकमा सिड्नी थन्डर्स बिरुद्ध खेल्नेछ।





थप समाचार

बिग ब्यास : मेलबर्न बिरुद्ध सन्दिप विकेटविहिन

बिग ब्यास लिग अन्तर्गत सिजनको सातौँ खेलमा मेलबर्न रेनेगेड्स बिरुद्ध होबार्ट हरिकेन्सको प्रतिनिधित्व गरेका नेपाली लेग स्पिनर सन्दिप लामिछाने विकेटविहिन […]

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]