बि एण्ड आर कप : नेपालको पहिलो खेल सोमबार थाईल्याण्डसंग ( सम्पूर्ण जानकारी )



चिनको सांघाईमा सोमबार देखि सुरु हुने ‘बि एण्ड आर’ कप अन्डर-१९ टि-२० क्रिकेट प्रतियोगिता अन्तर्गत नेपालले पहिलो खेलमा थाईल्याण्डसंग प्रतिस्पर्धा गर्दैछ।

प्रतियोगितामा नेपाल लगायत चिन, मलेसिया, म्यानमार, थाईल्याण्ड र साउदी अरब गरि कुल ६ टिम सहभागी छन्। नेपाली अन्डर-१९ महिला क्रिकेट टिम प्रतियोगिता खेल्न शुक्रबार चिन प्रस्थान गरेको थियो।

नेपालले पहिलो खेल थाईल्याण्डसंग सोमबार बिहान नेपाली समय ११:४५ बजे र चिनको स्थानीय समय १ बजे दिउसो खेल्नेछ। प्रतियोगिता अन्तर्गत पहिलो दिन सोमबार अन्य ३ खेल पनि खेलिनेछन् जसअन्तर्गत चिनले एकै दिन साउदी अरब र म्यानमारसंग खेल्नेछ भने म्यानमारले अर्को खेलमा मलेसियासंग खेल्नेछ।

खेल अघि नेपाली टिमको अभ्यास

नेपाली महिला अन्डर-१९ टिमले विदेशी प्रतियोगितामा सहभागिता जनाउन लागेको सन् २०१२ पछि यो पहिलो पटक हो। ७ वर्ष अघि नेपालले एसीसी यु-१९ महिला च्याम्पियनसिप प्रतियोगितामा सहभागिता जनाएको थियो। उक्त प्रतियोगिताको फाइनलमा नेपालले थाईल्याण्डलाई ६ विकेटले पराजित गर्दै जितेको थियो।

नेपाली अन्डर-१९ टिमले हालसम्म तिन वटा अन्तर्राष्ट्रिय प्रतियोगितामा सहभागिता जनाएको छ। तिन वटै प्रतियोगिता नेपाललेनै जितेको इतिहास छ। सन् २००८, सन् २०१० र सन् २०१२ को एसीसी अन्डर-१९ महिला च्याम्पियनसिपको उपाधि नेपाली अन्डर-१९ महिला टिमले जितेको थियो।

२०१२ पछि एसियन क्रिकेट काउन्सिलले अन्डर-१९ महिलाको प्रतियोगिता आयोजना नगर्दा नेपाली अन्डर-१९ महिला टिमले प्रतियोगितामा सहभागिता जनाउने मौकानै पाएन। आईसीसीले समेत अन्डर-१९ महिला क्रिकेटलाई ध्यान नदिंदा लामो समय पछि उमेर समुहको प्रतियोगितामा नेपाली महिला टिमले सहभागिता जनाउन लागेको हो।

थाईल्याण्डसंग यस्तो छ बिगतमा नतिजा 

थाईल्याण्ड महिला सिनियर टिम वर्तमान समयमा नेपाली महिला टिम भन्दा स्तरीय टिम मानिने गर्छ। यसै वर्ष अगस्टमा आयोजित महिला टि-२० विश्वकप छनौट प्रतियोगिताको उपविजेताको रुपमा थाईल्याण्ड अस्ट्रेलियामा आयोजना हुने टि-२० विश्वकप २०२० खेल्न समेत छनौट भएको छ। नेपाली सिनियर टिम बिरुद्ध पनि पछिल्लो खेलहरुमा थाईल्याण्डले जित हाँसिल गर्दै आएको छ।

नेपाल यु-१९ महिला टिमले ७ वर्ष पछि अन्तर्राष्ट्रिय प्रतियोगिता खेल्न लागेको हो

नेपाली अन्डर-१९ महिला क्रिकेट टिमलाई भने थाईल्याण्डले पराजित गरेको इतिहास छैन। अन्तिम पटक २०१२ एसीसी यु-१९ महिला च्याम्पियनसिपको फाइनलमा ६ विकेटले तथा लिग चरणको खेलमा नेपालले थाईल्याण्डलाई ४ विकेटले पराजित गरेको थियो। त्यस अघि सन् २००८ एसीसी यु-१९ महिला च्याम्पियनसिपको सेमीफाइनलमा नेपालले थाईल्याण्डलाई ८३ रनले पराजित गरेको थियो।

प्रतियोगितामा नेपालको खेल तालिका 

प्रतियोगितामा नेपालले आफ्नो पहिलो खेल थाईल्याण्डसंग नोभेम्बर ११ मा खेल्ने तालिका रहेको छ। दोश्रो खेल साउदी अरबसंग नोभेम्बर १२ मा तथा तेश्रो खेल सोहि दिन चिनसंग खेल्नेछ। यस्तै चौथो खेल मलेसियासंग १४ नोभेम्बरमा तथा पाँचौ र अन्तिम खेल म्यानमारसंग १५ नोभेम्बरमा खेल्नेछ।

टिमको प्रशिक्षक नेपाली राष्ट्रिय टिमका पुर्व खेलाडी समेत रहेका कलाम अलि रहेका छन्।

नेपाली टिम : डली भट्ट ( कप्तान ) , कविता कुँवर ( उपकप्तान ) , कृतिका मरासिनी , यसोधा बिस्ट, श्रिस्टि जैसी, राजमती ऐरि, इश्वरी बिस्ट, लक्ष्मी साउद, खुसि डंगोल, गोमा आले, ज्योति दनुवार, निग्मा तामांग, शिला रेग्मी, लाखिता राजबंशी





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]