महँगो पहिलो ओभर पछि सन्दिपको राम्रो बलिंग, लिए कटिंगको विकेट, मेलबर्नको विजयी सुरुवात

Sandeep Lamichhane


अस्ट्रेलियामा जारि बिग ब्यास लिग अन्तर्गत सन्दिप लामिछानेले प्रतिनिधित्व गरेको टिम मेलबर्न स्टार्सले ब्रिसबेन हिटलाई पराजित गर्दै विजयी सुरुवात गरेको छ।

करारा ओभल क्वीन्सल्याण्डमा सम्पन्न खेलमा मेलबर्नले दिएको १६८ रनको लक्ष्य पछ्याउदा ब्रिसबेनले २० ओभरमा ८ विकेट गुमाएर १४५ रन मात्र बनाउन सक्यो।

ब्रिसबेनको लागि ओपनर टम बान्टनले सर्वाधिक ६४, म्याट रेन्सले ३९ तथा बेन कटिंगले १२ रन बनाउनु बाहेक अन्य ब्याट्सम्यानले दोहोर अंकमा रन बनाउन सकेनन्। मेलबर्नको ब्लैंगमा ड्यानियल वोरल, हरिस रौफले २/२ तथा सन्दिप लामिछानेले १ विकेट लिए।

यस अघि मेलबर्नको लागि काप्तन ग्लेन म्याक्सवेलले ८३ रनको विस्फोटक इनिंग खेलेका थिए। ३९ बलमा उनले ७ चौका र ५ छक्का प्रहार गरे। म्याक्सवेलनै खेलको प्लेयर अफ द म्याच चुनिए।

मेलबर्नले दोश्रो खेल आइतबार होबार्ट हरिकेन्ससंग खेल्नेछ। खेल नेपाली समय ९:३० बजे विहान सुरु हुनेछ।

महँगो ओभर पछि सन्दिपको राम्रो कम्ब्याक

बिग ब्यास लिगको दोश्रो सिजन खेल्ने क्रममा सन्दिपको सुरुवात राम्रो रहन सकेको थिए। इनिंगको दोश्रो ओभरमा बलिंग गर्न आएका सन्दिपको पहिलो ३ बलमा टम बान्टनले चौका, चौका र छक्का प्रहार गरेका थिए। अन्तिम बलमा म्याक्स ब्रायन्टले चौका प्रहार गरेपछि ओभरमा सन्दिपको कुल १९ रन खर्चिए।

पहिलो ओभरको नमिठो सुरुवात पछि सन्दिप दोश्रो ओभर गर्न सातौँ ओभरमा आए। दोश्रो ओभरमा सन्दिपले ६ रन खर्चिए। १२ औं ओभरमा तेश्रो ओभर बलिंग गरेका सन्दिपले झनै राम्रो बलिंग गर्दा ५ रन मात्र खर्चिए।

१४ औं ओभरमा अन्तिम ओभर बलिंग गर्न आएका सन्दिपले ओभरको तेश्रो बलमा महत्वपूर्ण सफलता हात पारे। १२ रन बनाएर क्रिजमा रहेका बेन कटिंगलाई क्याच आउट गराउदै मेलबर्नलाई खेलमा हावी गराए। अस्ट्रेलियन राष्ट्रिय क्रिकेटर कटिंग लंग-अनमा क्याच आउट भए।

पहिलो ओभरमा १९ रन खर्चेका सन्दिपले दोश्रो ओभरमा ६ रन, तेश्रो ओभरमा ५ रन तथा अन्तिम ओभरमा ८ रन खर्चिए र स्पेल ४-०-३८-१ मा समाप्त गरे।

अघिल्लो सिजन पनि मेलबर्नको स्टार्सको लागि खेलेका सन्दिपलाई यो पटक मेलबर्नले १ करोड बढी मूल्यमा ( रकम खुलाइएको छैन ) अनुबन्ध गरेको हो। अघिल्लो सिजन सन्दिपले ६० देखि ७० लाख रुपैयाँ पाएको बताईएको थियो।

गत सिजन बिग ब्यासमा सन्दिपले कुल ८ खेल खेल्दा ११ विकेट लिएका थिए जुन क्रममा ६.५७ को राम्रो इकोनोमिले बलिंग गरेका थिए। बिग ब्यास लिग चल्दै गर्दा बीचमा उनि बंगलादेश प्रिमियर लिग खेल्न पुगेका थिए जसपछि पुनः लिगको अन्तिममा अस्ट्रेलिया पुगेका थिए।यो पटक सन्दिपले पुरा सिजन बिग ब्यास लिग खेल्नेछन्।

गत सिजन सन्दिपको प्रदर्शन –

बिरुद्ध सिड्नी थन्डर्स – २ विकेट ( ४-०-३६-२ )
बिरुद्ध होबर्ट हरिकेन्स – ३ विकेट ( ४-०-२४-३ )
बिरुद्ध सिड्नी सिक्सर्स – २ विकेट ( ४-०-१८-२ )
बिरुद्ध मेलबर्न रेनेगेड्स – १ विकेट ( ४-०-३१-१
बिरुद्ध ब्रिसबेन हिट – विकेटविहिन ( २-०-२८-० )
बिरुद्ध सिड्नी सिक्सर्स – ३ विकेट ( ३.४-०-११-३ )
बिरुद्ध होबर्ट हरिकेन्स – विकेटविहिन ( ४-०-३१-० )
बिरुद्ध मेलबर्न रेनेगेड्स – विकेटविहिन ( ४-०-१६-० )

बिग ब्यास लिगको गत सिजन मेलबर्न स्टार्स फाइनलसम्म पुगेको थियो। फाइनलमा मेलबर्न रेनेगेड्ससंग स्टार्स १३ रनले पराजित भएको थियो। लिग चरणमा मेलबर्न १४ खेलमा ७ जित र ७ हार पछि चौथो स्थानमा रहेको थियो।

बिग ब्यास लिगमा एडलेड स्ट्राइकर्स, ब्रिसबेन हिट, होबर्ट हरिकेन्स, मेलबर्न रेनेगेड्स, मेलबर्न स्टार्स, पर्थ स्करचर्स, सिड्नी सिक्सर्स, सिड्नी थन्डर्स गरि कुल ८ टिम सहभागी रहेका छन्।





थप समाचार

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]