युनिसेफको कार्यक्रममा नेपाल आउन लागेका सचिनले टियु मैदानमा प्रदर्शनी खेल खेल्ने



युनिसेफको कार्यक्रममा सहभागी हुन नेपाल आउन लागेका पुर्व भारतीय क्रिकेटर सचिन तेन्दुलकरले किर्तिपुर स्थित त्रिभुवन विश्वविद्यालय क्रिकेट मैदानमा प्रदर्शनी खेल खेल्ने भएका छन्।

सेतोपाटिमा आज प्रकाशित समाचारका अनुसार नोभेम्बर १६ तारिख शनिवार सचिनले टियु मैदानमा नेपाली राष्ट्रिय टिमका पुर्व कप्तान विनोद दासले नेतृत्व गर्ने टिमबीच प्रदर्शनी खेल्न खेल्नेछ। दुवै टिममा स्कुले बालबालिकाहरु सहभागी हुने बताईएको छ।

तेन्दुलकर नेपाल आउने बारे अधिकारिक रुपमा युनिसेफले भने घोषणा गरेको छैन। नेपालमा उनि अन्य के-कस्ता कार्यक्रमहरुमा सहभागी हुनेछन् र कति समय रहनेछन् थाहा भएको छैन।

कीर्तिमानी ब्याट्सम्यान तेन्दुलकर युनिसेफसंग १ दशक भन्दा बढी समय देखि आबद्ध रहेका छन्। सन् २००३ मा भारतको पोलियो अभियानमा जोडिएका सचिनले २०१३ मा युनिसेफ दक्षिण एसियाको गुडविल एम्बासडर चुनिएका थिए।

युनिसेफको कार्यक्रममा भुटान पुगेका सचिनले त्यहाँ पनि बालबालिकासंग क्रिकेट खेलेका थिए

मास्टर ब्लास्टर सचिन तेन्दुलकर अन्तर्राष्ट्रिय क्रिकेटमा सबैभन्दा बढी रन बनाउने क्रिकेटर हुन् जसको नाममा विश्व क्रिकेटका ठुला रेकर्डहरु रहेका छन्। एक दिवसीय र टेस्ट क्रिकेटमा क्रमसः १८ हजार ४ सय २६ र १५ हजार ९ सय २१ रन बनाएका तेन्दुलकर दुवै फर्म्याटमा धेरै रन बनाउने खेलाडी हुन्। यस्तै सचिनले एकदिवसीयमा ४९ र टेस्टमा ५१ गरि कुल १०० शतक बनाएका छन् जुन दुवै फर्म्याटमा र समग्रमा सबैभन्दा धेरै शतक हो।

नेपाल आएका चर्चित क्रिकेटरहरु

यसै वर्ष भदौमा चर्चित इंग्ल्याण्ड क्रिकेटर एन्ड्रु फ्लिनटफ नेपाल आएका थिए। उनि नेपाल आएका ठुला क्रिकेटरहरुमा पर्नेगर्छन्।

हालसम्म नेपालमा कपिल देव, सुनिल गाभस्कर, गोर्डन ग्रिनिज, इमरान खान, महेन्द्रसिंह धोनी, भीभीएस लक्ष्मण, अजय जडेजा नेपाल आइपुगेका छन्। गावस्कर २००५ मा नेपाल आएका थिए भने कपिल देव १९९९ मा नेपालमा आयोजित मास्टर लेजेंड्स कपमा खेल्न नेपाल आएका थिए। मास्टर लेजेंड्स कपमा कपिल देब बाहेक दिलिप भेंगसरकार, बिनोद काम्ब्ली, टोनी ग्रेग, मदन लाल, क्रिस श्रीकान्त, रोजर बिन्नी, चेतन शर्मा, ड्यानी मोरीसन, अब्दुल कादिर जस्ता खेलाडीहरु आएका थिए।

हाल पाकिस्तानका प्रधानमन्त्री इमरान खान ८० को दशकको अन्त्य तिर नेपाल आएका थिए। त्यसबाहक धोनी २०१२ मा बिशेष भ्रमणमा, लक्ष्मण २०१३ मा जर्नी टु वर्ल्ड कप प्रतियोगिताको दौरान तथा जडेजा २०१६ इपिएलको दौरान आएका थिए। पुर्व वेस्ट इन्डिज क्रिकेटर गोर्डन ग्रिनिज १९९८ को एसीसी ट्रफीमा नेपालको प्रशिक्षकको रुपमा छोटो समयको लागि नेपाल आएका थिए।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]