यु-१९ च्यालेञ्जर्स ट्रफी : भारत यु-१९ ‘सी’संग नेपाल सहजै पराजित

Rit Gautam


भारतको हरियानामा आज देखि सुरु भएको अन्डर-१९ च्यालेन्जर्स ट्रफी अन्तर्गत पहिलो खेलमा नेपाली अन्डर-१९ टिमले भारतको अन्डर-१९ ‘सी’ टिमसंग १० विकेटले पराजित भएको छ।

खेलमा टस जितेर पहिले ब्याटिंग गरेको नेपाल मात्र ११६ रनमा समेटिन पुगेपछि ११७ रनको लक्ष्य भारत यु-१९ ‘सी’ ले कुनै पनि विकेट नगुमाई २१.१ ओभरमै पुरा गर्यो। स्कोरकार्ड 

प्रतियोगिता अन्तर्गत नेपालले दोश्रो खेल नोभेम्बर १३ मा भारत रातोसंग तथा तेश्रो खेल भारत निलोसंग १५ नोभेम्बरमा खेलिनेछ। सबै ४ टिमले एक अर्का बिरुद्ध खेलीसकेपछि अंकतालिकामा उत्कृस्ट-२ टिमले फाइनल खेल्नेछ भने तेश्रो र चौथो टिमबीच तेश्रो स्थानको लागि खेल हुनेछ।

भारतीय टिमका ओपनर दिभ्यांश सक्नेना र अर्जुन आजादले पहिलो विकेटको लागि अविजित १२० रनको साझेदारी गरे। दिभ्यांशले ६० बलमा ५ चौका मदतले ५२ तथा आजदले ६७ बलमा ९ चौका र १ छक्का मदतले ६७ रन बनाए।

नेपालले बलिङ्गमा ६ जना बलर प्रयोग गरे पनि विकेट निकाल्न असफल रह्यो।

नेपालको कमजोर ब्याटिंग  

टस जितेको नेपालले सुरुवात राम्रो गर्न सकेन र सुरुवात देखि लगातार विकेट गुमायो। कप्तान रित गौतम ५  रन बनाएर दोश्रो ओभरमै पेभेलियन फर्किए। त्यसपछि अर्का ओपनर लोकेस बम र खडक बोहरा समान १० रन बनाएर आउट भए। ६.२ ओभरमा नेपाल २८/३ को स्थितिमा पुग्यो।

Kushal Malla

चौथो विकेटको लागि अरुन ऐरि र कुशल मल्लले तेश्रो विकेटको लागि ३८ रनको साझेदारी गरे। १६ औं ओभरमा अरुन १३ रन बनाएर आउट भए पछि नेपालको विकेट पतन पुनः सुरु भयो। कुशल मल्ल पनि २६ रन बनाएर आउट भए भने हरि बहादुर चौहानले पनि ७ रन मात्र बनाउन सके। एक किनार सम्हालेर ब्याटिंग गरिरहेका शेर मल्ल १४ तथा प्रतिस जिसी ११ रन बनाएर आउट भए।

नेपालले ३२.१ ओभरमा ११६ रनमा सबै विकेट गुमाउन पुग्यो।

भारत यु-१९ ‘सी’ को बलिङ्गमा चिन्तला रक्षन रेड्डी, विद्याधर पाटिल, समर्थ हेग्ड़े, मुज्ताबा युसुफ र रभी रोशन सिंहले समान २/२ विकेट लिए।





थप समाचार

करनलाई उछिन्दै सन्दिप बने नेपालको सर्वाधिक विकेटकर्ता

नेपालमा जारि त्रि-देशीय टि-ट्वान्टी सिरिजमा नेदरल्याण्डसंगको खेलमा ४ विकेट लिंदै नेपाली लेग स्पिनर सन्दिप लामिछाने टि-ट्वान्टी अन्तर्राष्ट्रिय क्रिकेटमा नेपालको सर्वाधिक […]

रुख चढेर खेल हेरे नेपाली दर्शकले, नेदरल्याण्ड खेलाडी बेन कुपरले गरे तारिफ

नेपालमा जारि तिन त्रि-देशीय टि-ट्वान्टी सिरिजमा सरकारी निर्णयका कारण दर्शकहरुलाई प्रवेश निषेध गरिएको छ। दर्शकहरुले टियु मैदान किर्तिपुरमा मैदानमा प्रवेश […]

स्लो ओभर रेटका कारण रोहितलाई १२ लाख भारु जरिवाना

आईपीएल टिम मुम्बई इन्डीयन्सका कप्तान रोहित शर्मालाई दिल्ली क्यापिटल्ससंग मंगलबार राति सम्पन्न खेलमा ‘स्लो ओभर रेट’ कायम गरेकाका कारण १२ […]

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]