राशिद खान पहिलो पटक नेपाली टिममा : सागको लागि टिमको घोषणा

Rashid Khan


नेपालमा मसिर १५ देखि २४ सम्म ( डिसेम्बर १ देखि १० ) सम्म आयोजना हुने दक्षिण एसियाली खेलकुद ( साग ) को लागि नेपाली पुरुष र महिला राष्ट्रिय क्रिकेट टिमको घोषणा गरिएको छ।

सागको क्रिकेटतर्फ नेपाल सहित श्रीलंका, बंगलादेश , भुटान, माल्दिभ्स गरि ५ टिम सहभागी हुँदैछन्। भारत र पाकिस्तानले क्रिकेट विधामा सहभागिता जनाउने छैन।

पुरुष तर्फको क्रिकेट टियु मैदान किर्तिपुरमा तथा महिलातर्फको खेलहरु पोखरा रंगशाला स्थित क्रिकेट रंगाशालामा खेलिनेछ।

सागको लागि घोषित १५ सदस्यीय नेपाली टिममा तिब्र गति बलर युवा खेलाडी राशिद खानलाई पहिलो पटक समावेस गरिएको छ। शरद भेसावकर, बसन्त रेग्मी जस्ता खेलाडीलाई टिममा समावेस गरिएको छैन। देब्रे हाते स्पिनर सुशन भारि तथा बंगलादेशमा जारि इमर्जिङ्ग टिम्स एसिया कपमा नेपालको लागि डेब्यु गरेका कुशल भुर्तेलले पनि नेपाली टिममा निरन्तरता पाएका छन्।  रोहित पौडेलले भने टिममा स्थान बनाउन सकेनन्।

नेपाली राष्ट्रिय टिममा पहिलो पटक मौका पाएका राशिद खानले यस अघि नेपाली अन्डर-१९ टिमको प्रतिनिधित्व गरिसकेका छन् भने बिभिन्न फ़्रेञ्चाइज नेपाली टि-२० लिगमा पनि राम्रो प्रदर्शन गर्दै आएका छन्। मेरीलेबन क्रिकेट क्लब एमसीसी बिरुद्ध भर्खरै सम्पन्न खेलमा नेपाली मिश्रित टिमको लागि खेल्ने क्रममा रासिदले बलिङ्गमा ३ विकेट तथा ब्याटिंगमा समेत १८ रन बनाएर प्रभावित बनाएका थिए।

तिब्र गति बलिङ्ग तथा ब्याटिंगको लागि समेत उपयोगी रासिदले यसै वर्ष सेप्टेम्बरमा आयोजित यु-१९ एसिया कपमा युएई बिरुद्धको खेलमा ४४ रन बनाउनुको साथै २ विकेट लिएका थिए। यस्तै श्रीलंका बिरुद्ध पनि २ विकेट लिनुको साथै अविजित १५ रन बनाएका थिए। यस्तै यसै वर्षको यु-१९ विश्वकप छनौटमा सिंगापुर बिरुद्ध उनले ४८ रन बनाएका थिए।

यस्तो छ नेपाली टिम :- ज्ञानेन्द्र मल्ल ( कप्तान ) , दिपेन्द्र ऐरि , पारस खड्का, करन केसी, सोमपाल कामि, सन्दिप लामिछाने, बिनोद भण्डारी, अविनाश बोहरा, सुशन भारि, कुशल भुर्तेल, सन्दिप जोरा, आरिफ शेख, पवन सर्राफ, ललित राजबंशी, रासिद खान

अतिरिक्त खेलाडी :- रोहित पौडेल, भिम शार्की, सागर ढकाल

सागमा क्रिकेट अन्तिम पटक २०१० मा बंगलादेश सागमा समावेस गरिएको थियो। त्यसबेला नेपालले लिग चरणमा बंगलादेश, श्रीलंका र पाकिस्तानसंग सहजै  पराजित भएको थियो भने माल्दिभ्सलाई पराजित गरेको थियो।

कास्य पदकको लागि भएको खेलमा नेपाललाई पाकिस्तानले २ विकेटले पराजित गरेको थियो। खेलमा नेपालले दिएको १४८ रनको लक्ष्य पाकिस्तानले ८ विकेट गुमाएर १९.३ ओभरमा पुरा गरेको थियो। नेपालको लागि प्रदिप ऐरिले अविजित ४५ बलमा ५२ रन बनाएका थिए भने बलिङ्गमा चन्द्र साउदले २ विकेट लिएका थिए।

बंगलादेशले श्रीलंकालाई ६ विकेटले पराजित गर्दै २०१० सागमा क्रिकेटतर्फको स्वर्णपदक जितेको थियो। श्रीलंकाले रजत र पाकिस्तानले कास्य पदक जितेको थियो।

 





थप समाचार

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]

T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग

टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको […]

T20WC : भारतसंग खेल अघि पाकिस्तान कप्तान बाबर आजमको आत्मविश्वास

क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ […]