विशालको अर्धशतक बाबजुद नेपाली युवा टिम सहजै पराजित



भारतको हैदराबादमा जारि अन्डर-१९ एकदिवसीय च्यालेन्जर्स ट्रफी अन्तर्गत नेपाली अन्डर-१९ टिम लगातार दोश्रो खेलमा पराजित भएको छ।

राजिभ गान्धी अन्तर्राष्ट्रिय स्टेडियममा सम्पन्न खेलमा भारतीय अन्डर-१९ टिमले नेपाली अन्डर-१९ टिमलाई १०७ रनले पराजित गर्यो। प्रतियोगिता अन्तर्गत नेपाल पहिलो खेलमा भारत यु-१९ ‘सी’ टिमसंग १० विकेटले पराजित भएको थियो। नेपालले तेश्रो खेल भारत् ‘बि’ टिमसंग शुक्रबार खेल्नेछ।

खेलमा टस हारेर ब्याटिंग गर्दै भारत यु-१९ ले दिएको २४८ रनको लक्ष्य पछ्याउने क्रममा नेपालले पुरै ५० ओभर ब्याटिंग गरेता पनि १४० रन मात्र बनाउन सक्यो।

लक्ष्य पछ्याउने क्रममा नेपालको सुरुवात निकै खराब रह्यो। सुरुवाती ६ विकेट १८.४ ओभरमा ४९ रनमै नेपालले गुमाउन पुग्यो।  कप्तान रित गौतम ५ रन, , खडक बहादुर बोहरा ३ रन , अरुण ऐरि ७ बनाएर आउट भए भने लोकेश बम, कुशल मल्ल र हरि बहादुर चौहान खाता नखोली आउट भए।

Bishal Bikram KC ( File Photo )

सातौँ विकेटको लागि तेश्रो नम्बरका ब्याट्सम्यान विशाल बिक्रम केसी र शेर मल्लले ५६ रनको साझेदारी गर्दै योगफल १०० पार गराए। ३७ औं ओभरमा मल्ल २१ रन बनाएर आउट भए। ७१ रन बनाएर विशाल बिक्रम केसी पनि ४३ औं ओभरमा आउट भए। उनले १२४ बलमा ११ चौका प्रहार गरे।

भारतको ब्याटिंग 

खेलमा टस जितेर नेपालले फिल्डिंग रोजेपछि ब्याटिंग गरेको भारत ‘ए’ ले ४८.२ ओभरमा उसले २४७ रनमा सबै विकेट गुमाएको थियो।

भारतीय टिमका ओपनर यशस्वी जैसवालले ३३ तथा साइ भारध्वज सुदर्शनले ३४ रन बनाउदै राम्रो सुरुवात दिलाएका थिए। पहिलो विकेटको लागि दुवैले ३९ रनको साझेदारी गरे। सातौँ ओभरमा आकाश चन्दले जैसवालको विकेट लिए पछि अर्का ओपनर सुदर्शन रन आउट हुन पुगे। त्यसपछि भने भारतले निरन्तर अन्तरालमा विकेट गुमाउन पुग्यो।

शेर मल्लले ३ विकेट लिए

एक समय २६ औं ओभरमा ११५/५ को अवस्थामा रहेको भारतको लागि ध्रुभ जुरॆल र नितिश रेड्डीले छैठौं विकेटको रुपमा ९२ रनको साझेदारी गर्दै योगफल २०० पार गराएका थिए।

४२ औं ओभरमा जुरेललाई शेर मल्लले एलबिडब्लु आउट पारेपछि नेपालले पुनः लगातार विकेट लिएको थियो। जुरेलले ६५ बलमा ६ चौका र ३ छक्का मदतले ७४ रन बनाए। यस्तै नितिश रेड्डी ३० रन बनाएर आउट भए। आठौँ नम्बरका ब्याट्सम्यान कृतज्ञ कुमार सिंहले २६ रन बनाए।

नेपालको बलिङ्गमा शेर मल्लले सर्वाधिक ३ विकेट ( १०-०-५४-३ ) लिए। यस्तै ओपनिङ्ग बलर आकाश चन्दले २ विकेट ( ९.२-०-३०-२ ) तथा प्रतिश जिसी र हरि बहादुर चौहानले समान १/१ विकेट लिए।





थप समाचार

T20WC : अस्ट्रेलियाद्वारा दक्षिण अफ्रीका पराजित

दक्षिण अफ्रीकालाई ५ विकेटले पराजित गर्दै अस्ट्रेलियाले टि-ट्वान्टी विश्वकप २०२१ को सुपर-१२ चरणमा विजयी सुरुवात गरेको छ। युएईको अबुधाबी स्थित […]

T20WC : कोहलीद्वारा पाकिस्तान टिमको तारिफ “पाकिस्तान निकै बलियो टिम हो”

पाकिस्तानसंग आईतबार पहिलो खेल खेल्दै टि-ट्वान्टी विश्वकपको सुरुवात गर्नु अघि भारतीय कप्तान बिराट कोहलीले इतिहास भारतको पक्षमा रहेता पनि वर्तमान […]

जापान : एम्बेसी कपको लागि नेपाली टिमको घोषणा

जापान क्रिकेट एसोसियसनद्वारा आयोजना हुँदै आइरहेको एम्बेसी कप-२०२१ क्रिकेट प्रतियोगिता खेल्नको लागि नेपाल एम्बेसीको तर्फबाट आफ्नो टिम घोषणा गरिएको छ। […]

T20WC : अस्ट्रेलियाबिरुद्ध दक्षिण अफ्रीकाको कमजोर ब्याटिंग

टि-ट्वान्टी विश्वकप अन्तर्गत सुपर-१२ चरणको पहिलो खेलमा दक्षिण अफ्रीका र अस्ट्रेलिया बीच युएईको शेख जायद स्टेडियम अबुधाबीमा सुरु भएको छ। […]

T20WC : सुपर-१२ चरणको खेल आज सुरु हुँदै, ४ ठूला टिम बीच प्रतिस्पर्धा

आईसीसी टि-ट्वान्टी विश्वकपको सातौँ संस्करणको दोश्रो चरण अर्थात् सुपर-१२ चरणको खेलहरु आज ( शनिवार ) देखि सुरु हुँदैछन्। पहिलो दिन […]

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]