विश्वकप लिग-२ : ताहिरले ५ विकेट लिंदा ओमान सहजै पराजित, स्कटल्याण्डको दोश्रो जित



आईसीसी विश्वकप लिग-२ अन्तर्गत पहिलो त्रिकोणात्मक सिरिज अन्तर्गत स्कटल्याण्डले ओमानलाई ८५ रनले पराजित गर्दै लगातार दोश्रो जित हात पारेको छ।

स्कटल्याण्डमा जारि त्रिकोणात्मक सिरिज अन्तर्गत पहिलो खेलमा ओमानसंग ४ विकेटले पराजित भएको स्कटयाण्डले दोश्रो खेलमा शनिवार पपुवा न्यु गिनीलाई ३ विकेटले पराजित गरेको थियो। ओमानको भने यो तेश्रो खेलमा पहिलो हार हो। यस अघि ओमानले स्कटल्याण्ड र पपुवा न्युगिनीलाई पराजित गरिसकेको छ।  सिरिज अन्तर्गत आगामी खेल अगस्ट २० मंगलबार स्कटल्याण्ड र पपुवा न्यु गिनी बीच खेलिनेछ।

एबरडीनमा सम्पन्न खेलमा पहिले ब्याटिंग गर्दै स्कटल्याण्डले दिएको २२४ रनको लक्ष्य पछ्याएको ओमानले ३८.२ ओभरमा १३८ रनमा सम्पूर्ण विकेट गुमाएको हो।

ओमानलाई समेट्न स्कटल्याण्डका प्लेयर अफ द म्याच चुनिएका देब्रे हाते स्पिनर हम्जा ताहिर एक्लैले ५ विकेट ( ९.२-०-३८-५ ) लिए। मात्र दोश्रो एकदिवसीय खेलेका ताहिरको यो उत्कृस्ट स्पेल हो। उनले अघिल्लो खेलमा पपुवा न्यु गिनी बिरुद्ध पनि ४ विकेट लिएका थिए।  यस्तै सफ़्यान सरिफले ३ ( ७-२-२३-३ ) विकेट लिए। ओमानको लागि अकिब इल्यासले सर्वाधिक ४५ तथा सन्दिप गौडले ३२ रन बनाए।

स्कटल्याण्डको ब्याटिंग 

यस अघि टस हारेर पहिले ब्याटिंग गर्ने क्रममा स्कटल्याण्डले ५० ओभरमा ७ विकेट गुमाएर २२३ रन बनाएको थियो। रिची बेरिंगटनले सर्वाधिक ६८ रन बनाए भने , म्याथु क्रसले ५९ तथा क्रेग वालेसले ५३ रन बनाए।

खराब सुरुवात गरेको स्कटल्याण्ड एक समय ३८/३ को अवस्थामा रहेको थियो। चौथो विकेटको लागि क्रसए बेरिंगटनसंग ८९ रनको साझेदारी गरे। त्यसपछि पुनः लगातार विकेट गुमाएको घरेलु टिमलाई आठौँ विकेटको लागि वालेस र सफ्यान सरिफले ४७ रनको साझेदारी गरेका थिए।

ओमानको बलिंगमा बिलाल खान, अजय लाल्चेता र खवर अलिले समान २/२ विकेट लिए।

विश्वकप लिग-२ अन्तर्गत नेपालले आफ्नो पहिलो खेल फेब्रुवरिमा घरेलु मैदानमा अमेरिका र ओमान बिरुद्ध खेल्ने तालिका रहेको छ।





थप समाचार

T20WC : कोहलीले बनाए दुई विश्वकीर्तिमान

युएईमा जारि टि-ट्वान्टी विश्वकप अन्तर्गत चिर प्रतिद्वन्द्वी पाकिस्तान बिरुद्ध अर्धशतक बनाएका भारतीय कप्तान कोहलीले नयाँ विश्वकीर्तिमान बनाएका छन्। दुबई अन्तर्राष्ट्रिय स्टेडियममा […]

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]