सन्दिपको बलमा पोलार्डको छक्का वर्षा, कर्नाटका पराजित



युएईमा जारि टि-१० लिग अन्तर्गत आफ्नो तेश्रो खेलमा सन्दिप लामिछानेको टिम कर्नाटका टस्कर्सले डेक्कन ग्ल्याडीएटर्ससंग हार बेहोरेको छ।

लिग अन्तर्गत पहिलो खेलमा दिल्ली बुल्सलाई १९ रनले पराजित गरेको कर्नाटकाले दोश्रो खेलमा बाङ्ग्ला टाइगर्ससंग हार बेहोरेको थियो।  ३ खेलमा १ जित र २ हार पछि समुह ‘ए’ अंकतालिकामा कर्नाटका २ अंकसहित तेश्रो स्थानमा रहेको छ। डेक्कन भने ३ खेलमा २ जित र १ हार पछि ४ अंक बटुल्दै पहिलो स्थानमा उक्लियो।

सेख जायद स्टेडियममा सम्पन्न खेलमा पहिले ब्याटिंग गर्दै कर्नाटकाले १० ओभरमा ३ विकेट गुमाएर ११० रन बनाएको थियो। उसको लागि कप्तान हाशिम अमलाले अविजित ३२ रन ( १९ बलमा ४ चौका ) तथा ओपनर जोंन्सन चार्ल्सले सर्वाधिक ३५ रन ( १८ बलमा ५ चौका र १ छक्का ) बनाएका थिए। इभिन लुइसले २३ रन बनाए।

१११ रनको लक्ष्य डेक्कनले मात्र ८.३ ओभरमा ५ विकेट गुमाएर पुरा गर्यो। पहिलो ४ विकेट ३७ रन बनाउदै गुमाएको डेक्कनलाई काइरन पोलार्डले विस्फोटक इनिंग खेल्दै जितसम्म पुर्याएका थिए। उनले मात्र २२ बलमा १ चौका र ४ छक्का प्रहार गरे। भानुका राजपक्षले ७ बलमा २ चौका र ३ छक्का मदतले २७ रन बनाए।

कर्नाटकाको बलिङ्गमा शपुर जद्रानले सर्वाधिक २ तथा मालिन्दा पुस्पकुमारा, प्याट्रिक ब्राउन र एहमद राजाले १/१ विकेट लिए। नेपाली स्पिनर सन्दिप लामिछाने भने विकेट विहिन रहे।

सन्दिपको बलिङ्गमा पोलार्डको छक्का वर्षा 

पहिलो ओभर – ५ रन ( २ , ० , १ , १ , १ , ० )

खेलको चौथो ओभरमा बलिङ्ग गर्न आएका सन्दिपले उत्कृस्ट बलिङ्ग गरे। स्ट्राइकमा रहेका पोलार्ड र देभसिचले खुलेर ब्याटिंग गर्न सकेनन्। गुल्गी र लेग स्पिनको सन्दिपले राम्रो मिश्रण गरे।

दोश्रो ओभर – ३० रन ( ६ , ६ , ६ , ६ , ४ , २ )

पहिलो ओभर राम्रो गरेपछि दोश्रो ओभर लगत्तै स्पेलमा बलिङ्ग गर्न आएका सन्दिपलाई काइरन पोलार्डले निरिह सावित गरे। ओभरको पहिलो बलमा डिप मिड विकेट माथि छक्का प्रहार गर्दै सुरुवात गरेका पोलार्डले त्यसपछि लगातार छक्का प्रहार गरे। लगातार एउटै दिशामा पोलार्डले आफ्नो बलको उपयोग गरेर छक्का प्रहार गरे।

सन्दिपको सोहि ओभरको बलमानै डेक्कनले खेल जित्न सफल भयो। २ ओभरमा सन्दिपले ३५ रन खर्चिए।

दोश्रो महँगो स्पेल 

टि-१० लिग करियरमा सन्दिपको यो दोश्रो सबैभन्दा खराब स्पेल हो। गत सिजन केरला नाइट्सको लागि खेल्ने क्रममा सन्दिपले नर्थर्न वारियर्स बिरुद्ध २ ओभरमा ४७ रन खर्चिएका थिए। उक्त खेलमा सन्दिपलाई आन्द्रे रसेलले लगातार ३ छक्का प्रहार गरेका थिए। यस्तै निकोलस पुरनले कुल ४ छक्का प्रहार गरेका थिए।

लिग अन्तर्गत सन्दिपले यस अघि खेलेको २ वटा खेलमा भने राम्रो प्रदर्शन गरेका थिए। पहिलो खेलमा दिल्ली बुल्ससंग १९ रन खर्चेर १ विकेट लिएका सन्दिपले दोश्रो खेलमा ११ रन खर्चेर २ विकेट लिएका थिए।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]