सन्दिप सहित ३ विदेशी खेलाडी दिल्लीद्वारा रिटेन, यस्तो बन्यो टिम



इन्डियन प्रिमियर लिग ( आईपीएल ) टिम दिल्ली क्यापिटल्सले अक्सन अघि रिटेन गर्ने खेलाडीहरुको नाम सार्वजनिक गरेको छ। आईपीएलको अक्सन आगामी महिना कोलकातामा हुँदैछ।

दिल्लीले ३ जना विदेशी खेलाडी सहित कुल १४ खेलाडीहरुलाई टिममा यथावत ( रिटेन ) गरेको छ।

रिटेन हुने विदेशी खेलाडीहरुमा नेपाली लेग स्पिनर सन्दिप लामिछाने पनि रहेका छन्। सन्दिपलाई दिल्लीले २०१८ को सिजनमा २० लाख भारुमा टिममा भित्र्याएको थियो। यस्तै तिब्र गति बलर कागीसो रबाडा र वेस्ट इन्डिजका अलराउण्डर किमो पौल पनि टिममै रहनेछन्।

रिटेन हुने भारतीय खेलाडीहरुमा शिखर धवन, प्रिथ्भी शा, श्रेयस ऐयर, रिशभ पन्त, इशान्त शर्मा, अजिंके रहाने,रभीचन्द्रन आश्विन, अक्षर पटेल, अमित मिश्रा, हर्षल पटेल, आभेस खान रहेका छन्। रभीचन्द्रन आश्विन र अजिंके रहानेलाई टिमले यो सिजन खरिद गरेको हो।

आईपीएलको गत सिजन तेश्रो स्थान हाँसिल गरेको दिल्लीले ६ जना भारतीय र ३ विदेशी खेलाडीलाई रिलिज गरेको छ। क्रिस मोरिस, कोलिन इन्ग्रम र कोलिन मुनरो, हनुमा बिहारी, जलज सक्सेना, मनजोत कालरा, अंकुश बैन, नाथु सिंह र बन्दरु अयाप्पालाई टिमले विदा गरेको छ।

दिल्लीले यस अघिनै शरफेन रुथरफोर्डलाई मुम्बईमा, जगदिशा सुचितलाई पन्जाबमा, ट्रेन्ट बोल्टलाई मुम्बईमा, राहुल तेवतिया र मायाँक मारकन्डेलाई राजस्थानमा ट्रेड गरिसकेको छ।

लेग स्पिनर राहुल तेवतिया र मायाँक मारकन्डेलाई ट्रेड गरेपछि सन्दिप लामिछानेलाई टिममा पर्न केहि सहज भएको छ। तेवतिया र मारकन्डे राजस्थानलाई दिएर दिल्लीले अजिंके रहानेलाई लिएको हो।

यस्तो बन्यो दिल्ली टिम :- 

ब्याट्सम्यान – श्रेयस ऐयर, प्रिथ्भी शा, शिखर धवन
विकेट किपर – रिशभ पन्त
बलर – इशान्त शर्मा, अमित मिश्रा, आभेस खान, सन्दिप लामिछाने र कागीसो रबाडा
अलराउण्डर – किमो पौल, अक्षर पटेल, हर्षल पटेल
टिमले किनेको नयाँ खेलाडीहरु – रभीचन्द्रन आश्विन, अजिंके रहाने

सन्दिप लामिछानेले गत सिजन दिल्लीको लागि ६ खेल खेल्ने क्रममा ८ विकेट लिएका थिए। अमित मिश्रा, अक्षर पटेल, रभीचन्द्रन आश्विन जस्ता अनुभवी स्पिनर टिममा हुँदा सन्दिपलाई अन्तिम-११ मा पर्न यो सिजन पनि मुस्किल पर्ने देखिन्छ।

दिल्लीले गत वर्ष सुधारिएको प्रदर्शन गर्ने क्रममा लिग चरणमा १४ मध्ये ९ खेल जित्दै तेश्रो स्थान हाँसिल गरेको थियो। लिग चरण पछि इलिमीनेटरमा दिल्लीले हैदरावादलाई २ विकेटले पराजित गरेको थियो। दोश्रो क्वालीफायरमा चेन्नईसंग ६ विकेटले पराजित हुँदा दिल्लीको यात्रा समाप्त भएको थियो। गत सिजन मुम्बईले चेन्नईलाई १ रनले पराजित गर्दै लिगको उपाधि जितेको थियो।





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]