साग महिला क्रिकेट : नेपालले कास्य पदकको लागि माल्दिभ्ससंग खेल्ने, बंगलादेश र श्रीलंका फाइनलमा



लिग चरणको अन्तिम खेलमा श्रीलंकासंग पराजित भएपछि दक्षिण एसियाली खेलकुद महिला क्रिकेट अन्तर्गत नेपाली महिला टिम फाइनल पुग्न असफल भएको छ।

शुक्रबार पोखरामा सम्पन्न खेलमा श्रीलंकाले नेपाललाई ४१ रनले पराजित गर्दै फाइनलमा स्थान पक्का गर्यो। बंगलादेश यस अघिनै लिग चरणको सबै ३ खेल जित्दै फाइनल पुगीसकेको छ। नेपालले ३ मध्ये २ खेलमा हार र एउटा जित दर्ता गर्यो भने श्रीलंकाले २ जित र १ हार बेहोर्यो। माल्दिभ्सले तिन वटै खेल हार्यो।

अब महिला क्रिकेटको स्वर्ण पदकको लागि बंगलादेश र श्रीलंकाले आइतबार प्रतिस्पर्धा गर्नेछन्। यस्तै कास्य पदकको लागि शनिवार नेपाल र माल्दिभ्स बीच प्रतिस्पर्धा हुनेछ।

Srilanka Womens Cricket Team

खेलमा टस जितेर पहिले ब्याटिंग गर्दै श्रीलंकाले दिएको ११९ रनको लक्ष्य पछ्याउने क्रममा नेपालले २० ओभरमा ९ विकेट गुमाएर ७७ रन मात्रै बनाउन सक्यो।

नेपालको लागि कप्तान रुबिना क्षेत्रीले १९, कविता कुँवरले अविजित १३, करुणा भण्डारीले १२, अप्सरी बेगम र काजल श्रेष्ठले समान ११ रन बनाए। सिता राना मगर, इन्दु बर्मा र डली भट्ट खाता नखोली आउट भए। श्रीलंकाको बलिंगमा सचिनी निसानसालाले सर्वाधिक ३ विकेट, सत्या संदिपानीले २ विकेट हात पारिन्।

यस अघि पहिले ब्याटिंग गर्ने क्रममा श्रीलंकाले २० ओभरमा ६ विकेट गुमाएर ११८ रन बनाएको थियो। उसको लागि लाहिनी अप्सराले सर्वाधिक ३७, जनादी अनालीले ३५, सत्या संदिपानीले २२ तथा कप्तान हर्शिता माधवीले १६ रन बनाईन्।

नेपालको बलिंगमा सोनु खड्का र सरस्वति चौधरीले समान २/२ विकेट तथा अन्जली चन्दले १ विकेट लिईन्।

खेलमा नेपालले ४ वटा क्याच छुटाउनु तथा खराब फिल्डिंग गर्नु हारको प्रमुख कारण बन्नपुग्यो। सागको लागि ३ महिना अभ्यास गरेको नेपाली महिला टिमको प्रदर्शन त्यस अनुरुप रहन सकेन। हार पछि प्रतिक्रिया दिने क्रममा कप्तान रुबिना क्षेत्रीले टेस्ट रास्ट्र बिरुद्ध यतिको खेल खेल्नु ठुलो कुरा रहेको प्रतिक्रिया दिईन्।

 





थप समाचार

T20WC : कोहलीले बनाए दुई विश्वकीर्तिमान

युएईमा जारि टि-ट्वान्टी विश्वकप अन्तर्गत चिर प्रतिद्वन्द्वी पाकिस्तान बिरुद्ध अर्धशतक बनाएका भारतीय कप्तान कोहलीले नयाँ विश्वकीर्तिमान बनाएका छन्। दुबई अन्तर्राष्ट्रिय स्टेडियममा […]

T20WC : अफ्रिदीको घातक बलिंग, संकटमा कोहलीले उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]