सोमपालको अर्धशतक बाबजुद, ओलिभरले घातक बलिङ्ग गर्दा नेपाल सहजै पराजित



इंग्ल्याण्डको मेरिलेबन क्रिकेट क्लब ( एमसीसी ) को नेपाल भ्रमण अन्तर्गत तिन दिवसीय प्रथम श्रेणी मान्यता प्राप्त खेलमा एमसीसीले नेपाललाई २०८ रनको ठुलो अन्तरले पराजित गरेको छ।

खेलको तेश्रो दिन विहानी सत्रमा एमसीसीले १८१/६ को योगफल बनाएर इनिंग समाप्तिको घोषणा गरेपछि नेपालले खेल जित्न ३९३ रनको लक्ष्य पाएको थिए। लक्ष्य पछ्याउने क्रममा नेपालले दोश्रो इनिंगमा ४०.४ ओभरमा १८४ रन बनाएर सम्पूर्ण विकेट गुमाउन पुग्यो। स्कोरकार्ड 

नेपालको लागि दोश्रो इनिंगमा सोमपाल कामिले सर्वाधिक ५१ रन बनाए। उनले ८३ बलमा ५ चौका र १ छक्का प्रहार गरे। उनि अन्तिम विकेटको रुपमा आउट भए।

लक्ष्य पछ्याउने क्रममा खराब सुरुवात गरेको नेपालले पहिलो ७ विकेट ७८ रनमै गुमाईसकेको थियो।  कप्तान ज्ञानेन्द्र मल्ल ६ रन, शरद भेसावकर १५, आरिफ शेख १९ , राजु रिजाल ३१ रन बनाएर आउट भए भने दिपेन्द्र ऐरि, बिनोद भण्डारी र पवन सर्राफले खाता खोल्न सकेनन्।

आठौँ विकेटको लागि सोमपाल कामि र करन केसीले ४६ रनको साझेदारी गरे। करन १८ रन बनाएर आउट भएपछि ब्याटिंग गर्न आएका सन्दिप लामिछानेसंग सोमपालले ५० रनको साझेदारी गरे। पहिलो इनिंगमा ३९ रन बनाएका सन्दिपले दोश्रो इनिंगमा पनि २५ रन बनाए जुन क्रममा १९ बलमा १ चौका र २ छक्का प्रहार गरे।

ओलिभरले ५ विकेट लिए। फोटो – क्रिकइन्फो

एमसीसीको लागि बलिङ्गमा तिब्र गति बलर ओलिभर हानोन डाल्बीले सर्वाधिक ५ विकेट लिए। उनले राजु रिजाल, शरद भेसावकर, आरिफ शेख, दिपेन्द्र ऐरि र पवन सर्राफको विकेट लिए। ६ ओभरमा उनले २ मेडन गर्दै ११ रन मात्र खर्चिए। यस्तै अफ स्पिनर एलेक्स थोम्पसनले ३ विकेट तथा क्रिस राइट र माइल्स ह्यामोनडले १/१ विकेट लिए।

खेलमा टस जितेर नेपालले पहिले फिल्डिंग रोजेपछि ब्याटिंग गरेको एमसीसीले पहिलो इनिंगमा ३६४ रनमा सम्पूर्ण विकेट गुमाएको थियो। त्यसपछि नेपालले पहिलो इनिंगमा १५३ रनमै सम्पूर्ण विकेट गुमाएको थियो। पहिलो इनिंगमा पाएको २११ रनको अग्रता पछि ब्याटिंग गरेको एमसीसीले दोश्रो इनिंग १८१/६ मा समाप्तिको घोषणा गरेको थियो।

खेलपछि प्रतिक्रिया दिने क्रममा कप्तान ज्ञानेन्द्र मल्लले तिन दिवसीय फर्म्याट नेपालको लागि निकै नयाँ भएको जसकारण संघर्ष गर्नु परेको बताए। ब्याट्सम्यानहरुले भने सोचे अनुरुप प्रदर्शन गर्न नसकेको समेत उनले बताए। फिल्ड सेट गर्न पनि खेलको दौरान समस्या भएको उनले स्वीकारे। यस्तै ५ विकेट लिएका एमसीसी बलर ओलिभर हानोन डाल्बीले नेपाली खेलाडीहरु ५० ओभर क्रिकेटमा राम्रो भएता पनि तिन दिवसीयमा सिक्ने क्रममा रहेको बताए। उनले सोमपाल कामिको इनिंगको भने तारिफ गर्दै उनले धैर्यता देखाएको बताए।

एमसीसीले अब काठमाडौँमा अन्तिम खेल शनिवार नेपाली राष्ट्रिय टिम र यु-१९ टिम मिश्रित टोलिसंग टि-२० खेल खेल्नेछ। खेलमा नेपालको कप्तानी रोहित पौडेलले गर्नेछन्।





थप समाचार

आईपीएल २०२१ : सन्दिपलाई दिल्लीले गर्यो रिलिज

इन्डियन प्रिमियर लिग ( आईपीएल ) को टिम दिल्ली क्यापिटल्सले आईपीएल २०२१ को अक्सन सुरु हुन १ महिना भन्दा कम […]

प्रम कप : आर्मीको लगातार तेश्रो जित

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘ए’ अन्तर्गतको खेलमा त्रिभुवन आर्मी क्लबले प्रदेश-१ लाई ४ […]

प्रम कप : पुलिसको उत्कृस्ट पुनरागमन, सुदूरपश्चिम सहजै पराजित

पहिलो खेलमा बागमती प्रदेशसंग स्तब्ध बनेको डिफेन्डिङ च्याम्पियन नेपाल पुलिस क्लबले दोश्रो खेलमा उत्कृस्ट पुनरागमन गर्ने क्रममा सुदूरपश्चिम प्रदेशलाई ९ […]

आर्मीसंग प्रदेश-१ को कमजोर ब्याटिंग, १३१ मै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको मुलपानी मैदानमा जारी खेलमा  प्रदेश-१ र त्रिभुवन आर्मी क्लब […]

पुलिसद्वारा सुदूरपश्चिम ११० रनमै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको खेलमा डिफेन्डिङ च्याम्पियन टिम नेपाल पुलिस क्लब र सुदूरपश्चिम […]

बिग ब्यास : पर्थद्वारा ब्रिसबेन फराकिलो अन्तरले पराजित

अष्ट्रेलियामा जारि १० औं संस्करणको बिग ब्यास लिग अन्तर्गत मंगलबार सम्पन्न ४४ औं खेलमा एश्टन टर्नर कप्तानीको पर्थ स्कर्चर्सले क्रिस […]