१९/६ को नाजुक अवस्थाबाट केन्यालाई पराजित गर्दै, पपुवा न्यु गिनी टि-२० विश्वकप खेल्न छनौट



पपुवा न्यु गिनी २०२० मा अस्ट्रेलियामा आयोजना टि-२० विश्वकप खेल्न छनौट भएको छ। पपुवा न्यु गिनी कुनै पनि आईसीसी विश्वकपमा छनौट भएको यो पहिलो पटक हो।


समुह ‘ए’ अन्तर्गत केन्या बिरुद्ध ४५ रनको जित निकाल्दै समान १० अंक रहेता पनि नेदरल्याण्डलाई नेट रन रेटमा पछि छाड्दै पपुवा न्यु गिनी छनौट भयो। समुह ‘बि’ अन्तर्गत आयरल्याण्ड विश्वकप छनौट  हुने लगभग पक्का जसोछ। समुह चरणको अन्तिम खेलमा युएईले क्यानडालाई ठुलो अन्तरले पराजित गरेको खण्डमा युएईको पनि छनौट हुने सम्भावना रहेको छ। आयरल्याण्डको नेट रन रेट +१.५९१ र युएईको +०.६५६ रहेकोले आयरल्याण्डलाई पछि पार्नु असम्भव जसो रहेको छ।

समुह चरणको खेलपछि दुइ समुहका उत्कृस्ट २ टिम स्वतः विश्वकपमा छनौट हुनेछन् भने अन्य उत्कृस्ट ३ मा रहेका टिमले प्ले-अफ खेलहरु खेलेपछि बाँकी ४ टोलिको टुंगो लाग्नेछ।

अंकतालिका 

१९/६ को स्थितिबाट पपुवा न्यु गिनीको कम्ब्याक 

केन्या बिरुद्ध ४५ रनको जित देख्दा ठुलो अन्तर देखिएता पनि टस हारेर पहिले ब्याटिंग गर्ने क्रममा पपुवा न्यु गिनी एक समय मात्र ४ओभरमा १९/६ को अत्यन्त कमजोर स्थितिमा थियो।

तर त्यसपछि सातौँ विकेटकोरुपमा सेसे बाउ र नोर्मन भानुवाले ७७ रनको साझेदारी गर्दै  टिमलाई उकासेका थिए। बाउले १७ रन बनाए भने भानुवाले ५४ रन बनाए जुन क्रममा ४८ बलमा ३ चौका र २ छक्का प्रहार गरे। सोहि साझेदारीको बलमा उसले १९.३ ओभरमा सबै विकेट गुमाएर ११८ रन बनायो। केन्याको बलिङ्गमा इमानुएल बुन्डीले १८ रन खर्चेर ४ विकेट लिए।

११९ रनको लक्ष्य पछ्याउने क्रममा केन्याले १८.४ ओभरमा ७३ रनमै सम्पूर्ण विकेट गुमाउन पुग्यो। पपुवा न्यु गिनीको बलिङ्गमा कप्तान असद भालाले मात्र ७ रन खर्चेर ३ विकेट लिए भने नोसैना पोकानाले २१ रन खर्चेर ३ विकेट लिए। केन्याको लागि ओपनर इरफान करिमले सर्वाधिक २९ रन बनाए।

नोर्मन भानुवा खेलको प्लेयर अफ द म्याच चुनिए।

ओमान पराजित 

आजै सम्पन्न अर्को खेलमा जर्सीले ओमानलाई १४ रनले पराजित गर्दै सिधा विश्वको छनौट हुनबाट रोक्यो। ओमानले जर्सीलाई पराजित गरेको भए आयरल्याण्डलाई पछि पार्दै ओमान सोझै छनौट हुने थियो। ओमानको हारले आयरल्याण्डको बाटो सहज भयो।

टस हारेर ब्याटिंग गर्दै जर्सीले दिएको १४२ रनको लक्ष्य पछ्याउने क्रममा ओमानले २० ओभर ब्याटिंग गरेता पनि ९ विकेट गुमाएर १२७ रन मात्र बनाउन सक्यो। कप्तान जिसान मक्सुदले ५६ रन बनाएता पनि जितको लागि पर्याप्त रहन सकेन। जर्सी बलर डोमिनिक ब्लाम्पीड र इलिएट माइल्सले समान ३/३ विकेट लिए।

यस अघि जर्सीले २० ओभरमा ७ विकेट गुमाएर १४१ रन बनाएको थियो। उसको लागि ओपनर निक फेराबीले सर्वाधिक ४१ रन बनाएका थिए। ओमान बलर मोहम्मद नदीमले ४ विकेट लिएका थिए।

प्लेअफ चरणको खेलहरु २९ अक्टोबर देखि सुरु हुनेछ जसबाट छनौट अन्य ४ टोलिको टुंगो लाग्नेछ।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]